2 കോടിയ്ക്ക് ശ്രീനിവാസന്‍ പണിത സ്വര്‍ഗം കണ്ടനാട്ടെ പാലാഴി! ജപ്തി ചെയ്ത വീട്ടിൽ നിന്നും അന്ന് ഇറങ്ങിയശേഷം പണിത വീട്

സ്വകാര്യതയെ ഹനിക്കുന്ന രീതിയിൽ ശ്രീനിവാസന്റെ സംസ്കാര ചടങ്ങുകൾ കാമറകൾ ഒപ്പിയതിനെ കുറിച്ചുള്ള അഭിപ്രായങ്ങൾ വരുന്നതിന്റെ ഇടയിലാണ്, മറ്റൊരു കാര്യം കൂടി ചർച്ച ചെയ്യുന്നത്. മാധ്യമങ്ങൾ ശ്രീനിവാസന്റെ അവസാന നിമിഷങ്ങൾ ഒപ്പി എടുക്കുന്നതിനു വ്യഗ്രത കാണിച്ചു എങ്കിലും ആ കുടുംബം അദ്ദേഹവും ആയി എത്രത്തോളം ആഴത്തിലുള്ള ബന്ധം ആണ് പുലർത്തിയതെന്നു കാണിക്കുന്ന ദൃശ്യങ്ങൾ ആണ് മലയാളികൾ കണ്ടത്. അച്ഛന്റെ യാത്ര മനസ് കൊണ്ട് ഒട്ടും അംഗീകരിക്കാനാകാത്ത മക്കൾ വാവിട്ടു കരയുന്നതും കുടുംബത്തെ ഒന്നടങ്കം ആശ്വസിപ്പിക്കാൻ പാടുപെടുന്ന സുഹൃത്തുക്കളും ഒക്കെയും കണ്ണീർ കാഴ്ചയായിരുന്നു.

നല്ല സുഹൃത്തും ഭർത്താവും, അച്ഛനും മുത്തച്ഛനും ഒക്കെയായി അത്രമേൽ വിജയിച്ച മനുഷ്യൻ ആയിരുന്നു ശ്രീനിവാസൻ എന്നാണ് പ്രേക്ഷകർക്ക് പറയാനുള്ളത്. കുടുംബത്തിലെ ഏറ്റവും ചെറിയ കുഞ്ഞുങ്ങൾ പോലും ഇത്രയും വാവിട്ടു കരയണം എങ്കിൽ അത്രയ്‌യും ആഴത്തിലുള്ള ബന്ധം ഇവർക്ക് ഇടയിൽ ഉണ്ടാകും എന്നത് തീർച്ച. ശ്രീനിവാസന്റെ കണ്ടനാട്ടെ സ്വപ്നഭവനത്തിന് അരികിലായിട്ടാണ് അദ്ദേഹം അന്ത്യവിശ്രമം കൊള്ളുന്നത്.

രണ്ടുകോടിക്ക് അടുത്ത് ചെലവിട്ടാണ് പാലാഴി എന്ന വീടും ചുറ്റുപാടുകളും ശ്രീനി ഒരുക്കിയത്. ഏകദേശം ഇരുപത് വർഷത്തോളം ആയി ഇവിടെ സ്ഥിരതാമസം ആണ് അദ്ദേഹം. കണ്ടനാട്ടെ വീടിന്റെ മുൻ വശത്തേക്ക് ഇറങ്ങിയാൽ നേരെ പാടം, അവിടെ സുഭാഷ് പലേക്കർ മാതൃകയിൽ പ്രകൃതി കൃഷി രീതിയും. കേരളത്തിലെ ആദ്യ ഗ്രീൻ ഹൗസ് കൂടി ആയിരുന്നു ശ്രീനിയുടെ ഈ പാലാഴി. അവിടെ അദ്ദേഹം സ്വപ്നം കണ്ടതൊക്കെയും നെയ്തെടുത്തു, ആരോഗ്യം മോശം ആയപ്പോൾ , അത് ഇളയമകൻ ധ്യാനിനെ ഏൽപ്പിക്കാനും അദ്ദേഹം മറന്നില്ല. ഇപ്പോൾ കൃഷിയെ കുറിച്ച് കൂടുതൽ പഠിച്ചു വരികയാണ് ധ്യാൻ ശ്രീനിവാസനും.

ALSO READ: എന്റെ അച്ഛനാണ് എനിക്ക് എല്ലാം! പുരയിടം വിറ്റ പണം കൊണ്ടാണ് എന്റെ കടം തീർത്തത്, അറിഞ്ഞത് പിന്നീട്; അച്ഛനെ ജീവനോളം സ്നേഹിച്ച ധ്യാൻ

ഒരിക്കൽ തങ്ങൾ താമസിച്ച വീട് ജപ്തി ചെയ്ത കഥ വിനീത് ശ്രീനിവാസൻ പറഞ്ഞിട്ടുണ്ട്. അതിനുശേഷം അദ്ദേഹം വാങ്ങിയ പ്രോപ്പർട്ടികളിൽ ഒന്നുകൂടിയാണ് പാലാഴി