ചട്ടമ്പി ലുക്കിൽ ടോവിനോ! കഥയും കഥാപാത്രങ്ങളും സീക്രട്ടെങ്കിലും റിലീസ് അനൗൺസ്മെന്റ് പോസ്റ്റർ പുറത്ത്

ടൊവിനോ തോമസിനെ നായകനാക്കി ഇറങ്ങുന്ന ഏറ്റവും പുത്തൻ ചിത്രമാണ് പള്ളിച്ചട്ടമ്പി . ഡിജോ ജോസ് ആന്റണി സംവിധാനം ചെയ്യുന്ന ബിഗ് ബജറ്റ് ചിത്രത്തെ കുറിച്ച് കൂടുതൽ വിവരങ്ങൾ വന്നിട്ടില്ലെങ്കിലും 'പള്ളിച്ചട്ടമ്പി'യുടെ മോഷൻ പോസ്റ്റർ റിലീസ് ആയി. ചിത്രത്തിന്റെ റിലീസ് ഡേറ്റും പോസ്റ്ററിൽ അനൗൺസ് ചെയ്യുന്നുണ്ട്. ഏപ്രിൽ 9-നാണ് 'പള്ളിച്ചട്ടമ്പി' ലോകമെമ്പാടുമുള്ള തിയേറ്ററുകളിൽ എത്തുന്നത്.

ഒരു ആക്ഷൻ എന്റർടെയ്‌നറായിരിക്കുമെന്ന് ആണ് സൂചന. കയാദു ലോഹർ സഹ നായികയായി ചിത്രത്തിൽ എത്തുന്നുണ്ട്. വേൾഡ് വൈഡ് ഫിലിംസിന്റെ ബാനറിൽ നൗഫൽ, ബ്രിജീഷ് എന്നിവർക്കൊപ്പം സി ക്യൂബ് ബ്രോസ് എന്റർടൈന്മെന്റ്, ചാണുക്യ ചൈതന്യ ചരൺ എന്നിവർ ചേർന്നാണ് ചിത്രത്തിന്റെ നിർമ്മാണം. നിർമ്മാതാക്കളുടെ വരാനിരിക്കുന്ന ഏറ്റവും വലിയ ബഡ്ജറ്റ് ചിത്രങ്ങളിൽ ഒന്നുകൂടിയാണ് ഇത്. കൂടാതെ, അഭിനേതാക്കളായ വിജയരാഘവൻ, ജോണി ആന്റണി, സുധീർ കരമന, ടിജി രവി, പ്രശാന്ത് അലക്‌സാണ്ടർ എന്നിവരും ആക്ഷൻ ചിത്രത്തിന്റെ ഭാഗമാണ്.

ഡിജോ ജോസ് ആന്റണി സംവിധാനം ചെയ്യുന്ന ഈ ചിത്രത്തിന്റെ രചന എസ്. സുരേഷ് ബാബുവും ഛായാഗ്രഹണം ടിജോ ടോമിയും ആണ്. ചിത്രത്തിന്റെ എഡിറ്റർ ശ്രീജിത്ത് സാരംഗ് ആണ്.

പൃഥ്വിരാജ് സുകുമാരൻ ഒരു പ്രധാന അതിഥി വേഷത്തിൽ എത്തുന്നുണ്ടെന്നും റിപ്പോർട്ടുകൾ സൂചിപ്പിക്കുന്നു എങ്കിലും ഇതുവരെയും നിർമ്മാതാക്കളിൽ നിന്നും ഒരു ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല.

ലോക: അദ്ധ്യായം 1 - ചന്ദ്ര എന്ന ചിത്രത്തിലാണ് ടോവിനോ തോമസ് അവസാനമായി ഒരു അതിഥി വേഷത്തിൽ എത്തിയത്.

2026 മെയ് 14 ന് റിലീസ് ചെയ്യാൻ ഉദ്ദേശിക്കുന്ന അതിരടി എന്ന ചിത്രത്തിൽ ടോവിനോ ഒരു പ്രധാന വേഷത്തിൽ പ്രത്യക്ഷപ്പെടും. ബേസിൽ ജോസഫും വിനീത് ശ്രീനിവാസനും അഭിനയിക്കുന്ന ഈ ചിത്രത്തിൽ ദർശന രാജേന്ദ്രൻ, സരിൻ ഷിഹാബ്, സർവം മായ ഫെയിം റിയ ഷിബു എന്നിവർ നായികമാരായി എത്തുമെന്ന് ആണ് സൂചന.

അതേസമയം ടോവിനോ തോമസ് ലോക: ചാപ്റ്റർ 2 ന്റെ നായകനാകും എന്നും സൂചന ഉണ്ട്.