33 വയസ്സാവുമ്പോൾ എല്ലാ ഭാര്യമാരെയും വേർപിരിയുന്ന നടൻ; ടോം ക്രൂയിസിന്റെ അപൂർവ്വമായ ദാമ്പത്യ ജീവിതം

Authored by: അശ്വിനി പി|Samayam Malayalam•20 Oct 2025, 6:25 pm

ചെയ്തു വച്ച സിനിമകളും, കഥാപാത്രങ്ങളും പ്രേക്ഷകർക്ക് വളരെ അധികം പ്രിയപ്പെട്ടതാവുമ്പോഴും, ടോം ക്രൂയിസ് ഏറ്റവും അധികം ചർച്ച ചെയ്യപ്പെട്ടത് അദ്ദേഹത്തിന്റെ പ്രണയത്തിന്റെയം ദാമ്പത്യ ജീവിതത്തിന്റെയും പേരിലാണ്. അതുകൊണ്ട് തന്നെ കുറേക്കാലം നടൻ തന്റെ സ്വകാര്യ ജീവിതത്തിൽ വളരെ അധികം സ്വകാര്യത പാലിച്ചിരുന്നു. എന്നിട്ടും സമീപകാലത്ത് ക്യൂബൻ സ്പാനിഷ് നടിയുമായുള്ള പ്രണയ വാർത്തകൾ വൈറലായി

63 കാരനായ ടോം ക്രൂയിസും 37 കാരിയായ അന ഡി അർമാസും തമ്മിലുള്ള പ്രണയവും അവരുടെ ഡേറ്റിങ് ചിത്രങ്ങളും സോഷ്യൽ മീഡിയയിൽ വൈറലായിരുന്നു. ബഹിരാകാശത്ത് വച്ച് കല്യാണം വരെ പ്ലാൻ ചെയ്യുകയും ചെയ്തതാണ്. എന്നാൽ വിവാഹത്തിന് മുൻപേ തന്നെ ഇരുവരും വേർപിരിഞ്ഞു എന്ന വാർത്തയാണ് ഏറ്റവുമൊടുവിൽ പുറത്തുവന്നത്. ഈ സാഹചര്യത്തിലാണ് നടന്റെ ജീവിതത്തിലെ മുൻ ദാമ്പത്യ ബന്ധങ്ങൾ ചർച്ചയാവുന്നത്.

Also Read: കനവിൽ ഞാൻ അദ്ദേഹത്തിനൊപ്പം ജീവിച്ചുകൊണ്ടിരിയ്ക്കുകയാണ്; ചിമ്പുവിനെ എത്രത്തോളം ഇഷ്ടപ്പെടുന്നു എന്ന് വീണ്ടും ചാന്ദ്നി

പലർക്കുമൊപ്പം പ്രണയ ബന്ധവും ഡേറ്റിങും ഉണ്ടായിരുന്നുവെങ്കിലം ടോം ക്രൂയിസ് മൂന്ന് തവണയാണ് വിവാഹം ചെയ്തിട്ടുള്ളത്. ഈ മൂന്ന് വിവാഹ മോചനത്തിലും ഒരു സാമ്യതയുണ്ട് എന്നാണ് ഇപ്പോൾ ആരാധകരുടെ കണ്ടെത്തൽ. വിവാഹ മോചനത്തിന്റെ സമയത്ത് ഈ മൂന്ന് ഭാര്യമാർക്കും 33 വയസ്സായിരുന്നു പ്രായം. വളരെ യാദൃശ്ചികമായി സംഭവിച്ച ഒന്നാണെങ്കിലും അതിലെ കൗതുകം ആരാധകർ ചൂണ്ടി കാണിക്കുന്നു.

മിമി റോഗേർസ് ആണ് ടോം ക്രൂയിസിന്റെ ആദ്യത്തെ ഭാര്യ. 1987 ൽ ആയിരുന്നു ഇരുവരുടെയും വിവാഹം. മൂന്ന് വർഷങ്ങൾക്ക് ശേഷം, 1990 ൽ ഇരുവരും വേർപിരിഞ്ഞു. അന്ന് മിമിയ്ക്ക് പ്രായം 33. ആ വർഷം അവസാനിക്കുന്നതിന് മുൻപ് തന്നെ ടോം ക്രൂയിസ് നിക്കോൾ കിഡ്മാനെ വിവാഹം ചെയ്തു. 11 വർഷം ആ ദാമ്പത്യം നീണ്ടു നിന്നു, 2001 ൽ ആണ് ഇരുവരും വേർപിരിഞ്ഞത്. അപ്പോൾ നിക്കോൾ കിഡ്മാന് പ്രായം 33.
2006 ൽ ആണ് കെയ്റ്റ് ഹോൽമസുമായുള്ള ടോം ക്രൂയിസിന്റെ മൂന്നാമത്തെ വിവാഹം നടന്നത്. 2012 ൽ ആ ദാമ്പത്യ ജീവിതം അവസാനിക്കുമ്പോൾ കെയ്റ്റിന് 33 വയസ്സായിരുന്നു. ഈ കൗതുകം സോഷ്യൽ മീഡിയയിൽ ഷെയർ ചെയ്യപ്പെടുകയാണ് ഇപ്പോൾ