അച്ഛനും അമ്മയും എടുത്ത ഏറ്റവും നല്ല തീരുമാനം എനിക്ക് മുന്നേ നിനക്ക് ജന്മം തന്നതാണ്; സായി പല്ലവിയോട് അനിയത്തിക്ക് എന്തിനാണ് അസൂയ?

Authored byഅശ്വിനി പി | Samayam Malayalam | Updated: 9 May 2025, 8:53 am

ഇന്ന്, മെയ് 9 ന് സായി പല്ലവിയുടെ മുപ്പത്തിമൂന്നാം ജന്മദിനമാണ്. പ്രിയപ്പെട്ട നടിയുടെ പിറന്നാളിന് ആശംസകളുമായി ആരാധകര്‍ സോഷ്യല്‍ മീഡിയയില്‍ എത്തി. വളരെ ഇമോഷണലായും ഇന്റിമേറ്റായതുമായ ഒരു പോസ്റ്റാണ് സഹോദരി പൂജ കണ്ണന്‍ ഇന്‍സ്റ്റഗ്രാമില്‍ പങ്കുവച്ചത്. സായി പല്ലവിയുടെ പുറം ലോകം അധികം കാണാത്ത ഒരു വീഡിയോയ്‌ക്കൊപ്പം ചേച്ചി തനിക്ക് എത്രത്തോളം പ്രധാനപ്പെട്ട ആളാണ് എന്ന് പൂജ കണ്ണന്‍ പറയുന്നു.

'ഉറ്റ സുഹൃത്തിന് ജന്മദിനാശംസകള്‍. അച്ഛനും അമ്മയും എടുത്ത ഏറ്റവും മികച്ച തീരുമാനം മൂത്ത മകളായി നിനക്കും, രണ്ടാമത്തെ മകളായി എനിക്കും ജന്മം നല്‍കിയതാണ്. എന്റെ മുന്നിലുള്ള എല്ലാ പരീക്ഷണങ്ങളും നേരിടാന്‍ നീ ഇല്ലാതെ എനിക്ക് അതിജീവിക്കാന്‍ ഒരിക്കലും സാധിക്കില്ല. പല്ലവി, നീ ഇല്ലാതെ എനിക്ക് ഒരു ദിവസം പോലും സങ്കല്‍പ്പിക്കാന്‍ കഴിയില്ല. നീ ഇല്ലാതെ എന്റെ ലോകത്തിന് അര്‍ത്ഥമില്ല, ലക്ഷ്യമില്ല, സന്തോഷമില്ല. ഇത്രയും അനിശ്ചിതമായ ലോകത്ത് നീയാണ് എന്റെ ഉറപ്പ്.

Also Read: എന്റെ ഭര്‍ത്താവിനെ അത്രയും മോശക്കാരനാക്കി, എനിക്കത് അംഗീകരിക്കാന്‍ കഴിയില്ല, ദേഷ്യം തോന്നി; തുറന്നടിച്ച് ദേവയാനി

നിസ്വാര്‍ത്ഥവും നിര്‍മ്മലവും നിരുപാധികവുമായ സ്‌നേഹത്തിന്റെ നിര്‍വചനമാണ് നീ. നിന്റെ ഹൃദയത്തില്‍ എങ്ങനെ എത്രമാത്രം സ്‌നേഹം എന്നത് എന്നെ അത്ഭുതപ്പെടുത്തുന്നു. നിന്റെ ചുറ്റുമുള്ള ഓരോ വ്യക്തിയെയും ഇത്രയധികം പരിപാലിക്കാന്‍ നീ പര്യാപ്തമാണ്. നീ എത്രമാത്രം സ്‌നേഹം നല്‍കുന്നു എന്നതില്‍ ചിലപ്പോള്‍ എനിക്ക് അല്‍പ്പം അസൂയയും സ്വത്വബോധവും തോന്നും. പക്ഷേ നീ സ്‌നേഹിക്കപ്പെടുന്നതിലും നിന്നെ എന്റെ സഹോദരി എന്ന് വിളിക്കുന്നതിലും ഞാന്‍ എത്ര ഭാഗ്യവതിയും അഭിമാനിയുമാണെന്ന് ഞാന്‍ ഓര്‍ക്കുന്നു.

ഈ ജന്മദിനത്തില്‍, നീ നിരന്തരം ലോകത്തിലേക്ക് ചൊരിയുന്ന എല്ലാ സ്‌നേഹവും സന്തോഷവും നിനക്ക് ലഭിക്കണമെന്ന് ഞാന്‍ ആഗ്രഹിക്കുന്നു. ഐ ലവ് യു പല്ലവി- എന്നാണ് പൂജ കണ്ണന്റെ ഇന്‍സ്റ്റഗ്രാം പോസ്റ്റ്. അനിയത്തി എനിക്ക് എന്റെ മകളെ പോലെയാണ് എന്ന് പല അവസരത്തിലും സായി പല്ലവി പറഞ്ഞിരുന്നു. ചേച്ചിയുടെ അഭിനയ പാരമ്പര്യം പിന്‍തുടര്‍ന്നാണ് പൂജ കണ്ണനും അഭിനയ ലോകത്തേക്ക് എത്തിയത്.

ഡാന്‍സ് റിയാലിറ്റി ഷോയിലൂടെ കരിയര്‍ ആരംഭിച്ച സായി പല്ലവി ജൂനിയര്‍ ആര്‍ട്ടിസ്റ്റായി ചില സിനിമകള്‍ ചെയ്തിരുന്നു. എന്നാല്‍ സായി പല്ലവി എന്ന നടിയുടെ യഥാര്‍ത്ഥ ഉദയം സംഭവിച്ചത് അല്‍ഫോണ്‍സ് പുത്രന്‍ സംവിധാനം ചെയ്ത പ്രേമം എന്ന മലയാള സിനിമയിലൂടെയാണ്.