അടുത്ത വീട്ടിലെ പയ്യൻ, ജീവിത പങ്കാളിയാവും എന്ന് എപ്പോൾ തീരുമാനിച്ചു: പ്രണയ കഥ വെളിപ്പെടുത്തി നദിയ മൊയ്തു

Authored by: അശ്വിനി പി|Samayam Malayalam•9 Oct 2025, 4:55 pm

നോക്കാത്താദൂരത്ത് കണ്ണും നട്ട് എന്ന ഫാസിൽ ചിത്രത്തിലൂടെയായിരുന്നു നദിയ മൊയ്തു എന്ന നടി ബിഗ് സ്ക്രീനിലേക്ക് എത്തിയത്. ആദ്യ ചിത്രത്തിലൂടെ തന്നെ പുരസ്കാരങ്ങളും അംഗീകാരങ്ങളും എല്ലാം വാരിക്കൂട്ടി. മലയാളത്തിന് പുറമെ അന്യഭാഷയിൽ നിന്നും അവസരങ്ങൾ വന്നു. കരിയറിൽ മിന്നി നിൽക്കുമ്പോഴായിരുന്നു നദിയ മൊയ്തുവിന്റെ വിവാഹം. അതിന് ശേഷം ചെറിയൊരു ബ്രേക്ക് എടുത്തുവെങ്കിലും ഇപ്പോഴും മികച്ച വേഷങ്ങളിലൂടെ സജീവമാണ് നദിയ മൊയ്തു.

ജെഎഫ്ഡബ്ല്യുവിന് നൽകിയ അഭിമുഖത്തിൽ സംസാരിക്കവെ തന്റെ പ്രണയ കഥയെ കുറിച്ച് നദിയ മൊയ്തു വെളിപ്പെടുത്തി. അയൽവാസിയായ പയ്യൻ ആണ് തൻരെ ജീവിത പങ്കാളി എന്ന് എപ്പോൾ തീരുമാനിച്ചു എന്ന് ചോദിച്ചപ്പോൾ, അത് നാച്വറലായി സംഭവിച്ചതാണ് എന്നായിരുന്നു നദിയയുടെ മറുപടി.

Also Read: അന്ന് ഞാൻ മരിക്കേണ്ടതായിരുന്നു, ആത്മാർത്ഥത കൂടിപ്പോയി; ഒന്നും അറിയാത്ത പ്രായത്തിൽ സംഭവിച്ച അപക്വത; മഞ്ജു വാര്യർ പറയുന്നു

ചെറുപ്പം മുതലേ ഞങ്ങൾക്ക് പരസ്പരം അറിയാം, ഒരു സ്റ്റേജിൽ എത്തിയപ്പോൾ പരസ്പരം ഞങ്ങൾ അങ്ങ് തീരുമാനിക്കുകയായിരുന്നു. പഠിക്കാനൊക്കെയായി സിരിഷ് വിദേശത്തേക്ക് പോയപ്പോൾ കത്തുകൾ അയക്കുമായിരുന്നു. അങ്ങനെ ഒരുപാട് കത്തുകൾ വന്നപ്പോഴാണ് അച്ഛനും അമ്മയ്ക്കും ഡൗട്ട് അടിച്ചത്. കാര്യം തിരക്കി, സിരിഷ് ആയതുകൊണ്ട് പ്രശ്നവും ഉണ്ടായില്ല. ആ പ്രണയത്തിന് അനിയത്തിയുടെ ഫുൾ സപ്പോർട്ടം തനിക്കുണ്ടായിരുന്നു എന്ന് നദിയ പറയുന്നു.


സിനിമയിലേക്കുള്ള എൻട്രിയെ കുറിച്ച് പറഞ്ഞപ്പോൾ ആ ചെറിയ പ്രായത്തിലും സിരിഷ് പറഞ്ഞ പക്വതയുള്ള മറുപടിയെ കുറിച്ചും നദിയ മൊയ്തു സംസാരിക്കുന്നുണ്ട്. ഒരു സിനിമ ഓഫർ വന്നിട്ടുണ്ട്, അടുത്ത ഫാമിലി ഫ്രണ്ടാണ്, അച്ഛനും അമ്മയും ഓകെയാണ് എന്ന് പറഞ്ഞപ്പോൾ, ഇതിൽ എന്റെ സമ്മതത്തിന് പ്രാധാന്യമില്ല, നമ്മൾ രണ്ടു പേരും നമ്മുടെ റിലേഷൻ ഷിപ്പിൽ വളരെ നേരത്തെയാണ്. അതുകൊണ്ട് തന്നെ നീ എന്ത് ചെയ്യണം ചെയ്യരുത് എന്ന കാര്യത്തിൽ തീരുമാനമെടുക്കാനുള്ള സ്വാതന്ത്ര്യവും പക്വതയും എനിക്കില്ല. പാരന്റ്സ് എല്ലാം ശരിയായ തീരുമാനമാണ് എടുക്കുന്നത് അതിനൊപ്പം മുന്നോട്ടു പോകൂ എന്ന് സിരിഷ് പറഞ്ഞു. വിവാഹത്തിന് ശേഷം സിനിമയിലേക്ക് തിരിച്ചുവരാൻ തനിക്കേറ്റവും പിന്തുണ നൽകിയതും സിരിഷ് ആണെന്ന് നദിയ നേരത്തെ പറഞ്ഞിട്ടുണ്ട്.