അല്ലു അർജുന്റെ അനിയൻ വിവാഹിതനാകുന്നു; ആരാണ് അല്ലു സിരിഷിന്റെ വധു, അതി സമ്പന്നയായ നയനിക?

Authored by: അശ്വിനി പി|Samayam Malayalam•2 Oct 2025, 2:31 pm

അല്ലു അർജുൻ എന്നാൽ മലയാളി പ്രേക്ഷകരെ സംബന്ധിച്ച് അന്യഭാഷാ താരമല്ല, മലയാളികളുടെ സ്വന്തം മല്ലു അർജുനാണ്. തെലുങ്ക് മൊഴിമറ്റ ചിത്രങ്ങളിലൂടെ മലയാളികൾക്ക് പ്രിയങ്കരനായ അല്ലുവിന്റെ സഹോദരനും നടനുമായ അല്ലു സിരിഷിന്റെ വിവാഹ വാർത്തയാണ് ഇപ്പോൾ പുറത്തുവരുന്നത്. സന്തോഷ വാർത്ത തന്റെ സോഷ്യൽ മീഡിയ പേജിലൂടെ അല്ലു സിരിഷ് തന്നെയാണ് അറിയിച്ചത്.

പാരീസിലെ ഐഫിൽ ടവറിന് മുന്നിൽ പ്രണയിനിയുടെ കൈ ചേർത്തു പിടിച്ച ഒരു ഫോട്ടോയും, വിവാഹ നിശ്ചയത്തിന്റെ ക്ഷണപ്പത്രവും പങ്കുവച്ചുകൊണ്ടായിരുന്നു പോസ്റ്റ്. ഇന്ന് നിങ്ങളുമായി ഇത് പങ്കുവയ്ക്കേണ്ടി വന്നു എന്നാണ് പോസ്റ്റിന് നൽകിയിരിക്കുന്ന ക്യാപ്ഷൻ

Also Read: ഉടനെ മുത്തശ്ശിയാവുമോ എന്ന ചോദ്യത്തിന് മേനക സുരേഷ് നൽകിയ മറുപടി, കീർത്തി സുരേഷിന്റെ പ്ലാൻ അമ്മയോട് ചോദിക്കണോ?

ഇന്ന് എന്റെ മുത്തശ്ശൻ അല്ലു രാമലിങ്കയ്യയുടെ ജന്മദിനമാണ്. ഈ ദിവസം എന്റെ ഹൃദയത്തോടു ചേർന്നു നിൽക്കുന്ന ഈ വാർത്ത നിങ്ങളെ അറിയിക്കുന്നതിൽ ഞാൻ അനുഗ്രീതനാണെന്ന് തോന്നുന്നു. ഒക്ടോബർ 31 ന് ഞാനും നയനികയും തമ്മിലുള്ള വിവാഹ നിശ്ചയം നടത്താൻ തീരുമാനിച്ചിരിയ്ക്കുകയാണ്.

Also Read: ഇമോഷണലി തകർന്ന അവസ്ഥയിൽ നിന്ന് തിരിച്ചുവന്ന് നസ്റിയ നസീം; നച്ചുവിനെ ചേർത്തുപിടിച്ച് ഫഹദ്!

എന്റെ മുത്തശ്ശി അടുത്തിടെയാണ് മരണപ്പെട്ടത്. എന്റെ കല്യാണം കാണാൻ മുത്തശ്ശി ഒരുപാട് ആഗ്രഹിച്ചിരുന്നു. ഇന്ന് ഞങ്ങൾക്കൊപ്പം മുത്തശ്ശിയില്ല എങ്കിലും, ഞങ്ങളുടെ ഒരുമിച്ചുള്ള ഈ യാത്രയുടെ തുടക്കത്തിന് മുകളിൽ നിന്നുള്ള മുത്തശ്ശിയുടെ അനുഗ്രഹമുണ്ടാവും. ഞങ്ങളുടെ പ്രണയത്തിൽ കുടുംബത്തിനും വലിയ സന്തോഷമാണ്- അല്ലു സിരിഷ് എഴുതി.

Also Read: ആ പ്രണയം തുറന്ന് പറഞ്ഞ് മഞ്ജു വാര്യർ, ജീവിതത്തിലെ ഇപ്പോഴത്തെ സന്തോഷം ഇതാണ്, മതിവരാത്ത പ്രണയം!


നയനിക എന്ന പേരല്ലാതെ അല്ലുവിന്റെ ഭാവി വധുവിനെ കുറിച്ചുള്ള ഒരു വിരവും നടൻ പുറത്തുവിട്ടിരുന്നില്ല. എന്നാൽ മിനിട്ടുകൾക്കകം നയനിക ആരാണെന്നും എന്തു ചെയ്യുന്നു എന്നും ആരാധകർ കണ്ടെത്തി. അതി സമ്പന്നമായ കുടുംബത്തിൽ ജനിച്ചു വളർന്ന പെൺകുട്ടിയാണ് നയനിക. നയനിക ഉൾപ്പടെ കുടുംബത്തിൽ എല്ലാവരും ബിസിനസ് രംഗത്ത് സജീവമാണ്. നയനിക ജനിച്ചതും വളർന്നതുമെല്ലാം ഹൈദരബാദിൽ തന്നെയാണ്.