ആ കുട്ടി അന്ന് വീട്ടിലേക്ക് കയറിവന്നപ്പോൾ പ്രതികളെ കൊന്നുകളയാൻ എനിക്ക് തോന്നി! വല്ലാത്ത ടെൻഷനിൽ ആണ് താനെന്ന് ലാൽ

വിധിയുടെ പകർപ്പ് നമുക്ക് കിട്ടിയിട്ടില്ലല്ലോ, അത് വരാതെ ഊഹാപോഹങ്ങൾ പറയുന്നതിൽ കാര്യമില്ല. തെറ്റ് ചെയ്തിട്ടില്ല എന്നാണോ, അതോ പൂർണമായും കുറ്റമുക്തൻ ആണോ എന്ന് നമുക്ക് എന്നാൽ അല്ലെ പറയാനാകൂ.

ലാൽ(ഫോട്ടോസ്- Samayam Malayalam)

'ആ കുട്ടി അന്ന് വീട്ടിലേക്ക് കയറിവന്നദിവസം അനുഭവിച്ച സങ്കടവും വിഷമങ്ങളും ഒക്കെ കേട്ടപ്പോൾ പ്രതികളായി നിൽക്കുന്ന ആളുകളെ കൊന്നുകളയാൻ ആണ് തോന്നിയത്. പക്ഷേ നമ്മൾ സാവകാശം ചിന്തിച്ചപ്പോൾ അവർക്ക് മാക്സിമം ശിക്ഷ കിട്ടട്ടെ എന്ന് പ്രാർത്ഥിച്ചു. അപ്പോൾ ഇന്നലെ വിധി വന്നു. അവരെ ശിക്ഷിക്കുന്നു. എന്നാൽ എന്തൊക്കെ ശിക്ഷകൾ ആണെന്നത് ഇനി കാണേണ്ട കാര്യമാണ്.

ഏറ്റവും വലിയ ശിക്ഷ കിട്ടട്ടെ എന്ന് ആണ് ആഗ്രഹം. ഈ ഗൂഢാലോചനയുടെ കാര്യം, സത്യം പറഞ്ഞാൽ കോടതിക്കും പോലീസുകാർക്കും അറിയാം. അതിനെകുറിച്ച് എനിക്കും അറിയാം. ഈ കേസ് തെളിയിക്കാൻ വേണ്ടി എന്നെകൊണ്ട് ആകുന്നത് എല്ലാം ഞാൻ ചെയ്തിട്ടുണ്ട് എന്നാണ് വിശ്വാസം. വിധി വന്നത് ശരിയോ തെറ്റോ എന്ന് പറയാനും ഞാൻ ആളല്ല. വിധിയുടെ പകർപ്പ് വന്നെങ്കിൽ അല്ലെ കൂടുതൽ പറയാൻ ആകൂ. പൂർണ്ണമായി കുറ്റം ചെയ്തിട്ടില്ല എന്നാണോ എന്താണ് അതിൽ പറഞ്ഞിരിക്കുന്നത് എന്ന് നമുക്ക് അറിയില്ലല്ലോ. അല്ലാതെ ഊഹാപോഹങ്ങൾ പറയാൻ എനിക്ക് സാധിക്കില്ല- ലാൽ മാധ്യമങ്ങളോട് പറഞ്ഞു.

കഴിഞ്ഞദിവസമാണ് ദിലീപ് ഉൾപ്പെട്ട കേസിൽ നിന്നും നടൻ കുറ്റമുക്തൻ ആയത്.