ആ പ്രണയം പൂവണിയാൻ ദിലാവറും ഐഷയും ആയി! ആദ്യം കാഴ്ച്ചയിൽ എന്റെ പുരുഷനെന്ന് മനസ് പറഞ്ഞു! 45 വർഷത്തെ ദാമ്പത്യം

Authored by: ഋതു നായർ|Samayam Malayalam•24 Nov 2025, 3:11 pm

എവർഗ്രീൻ കപ്പിൾ എന്നാണ് ഹേമ മാലിനി ധർമ്മേന്ദ്ര ദമ്പതികളെ ആരാധകർ വാഴ്ത്തിപ്പാടുന്നത്. മുംതാസ് ഷാജഹാൻ പ്രണയം പോലെ പരിശുദ്ധ പ്രണയത്തിന്റെ അടയാളം ആയിരുന്നു ധർമ്മേന്ദ്രയുടെയും ഹേമയുടെയും പ്രണയം. കഴിഞ്ഞ മെയ് മാസത്തിൽ ഹേമ മാലിനിയും ധർമ്മേന്ദ്രയും തങ്ങളുടെ 45-ാം വിവാഹ വാർഷികം ആഘോഷിച്ചപ്പോൾ മക്കളായ ഇഷയും അഹാനയും ഒപ്പം തന്നെ ഉണ്ടായിരുന്നു. പലപ്പോഴും ഇവരുടെ ദാമ്പത്യജീവിതത്തെക്കുറിച്ച് നിരവധി ചർച്ചകൾ സോഷ്യൽ മീഡിയയിൽ നടന്നിട്ടുള്ളതാണ്. ഇന്ത്യൻ സിനിമയുടെ അതികായൻ ധർമ്മേന്ദ്ര ഓർമ്മയാകുമ്പോൾ തെന്റെ പുരുഷനോടുള്ള പ്രണയം കൂടിയാണ് ഹേമക്ക് നഷ്ടം ആകുന്നത്. ഏറെനാളായി ആരോഗ്യ പ്രശ്നങ്ങളെ തുടർന്ന് ധർമ്മേന്ദ്ര ചികിസ്തയിലാണ് മരണപ്പെട്ടു എന്ന് വാർത്തകൾ വന്നിരുന്നു എങ്കിലും അതിനെതിരെ ഹേമയും പോസ്റ്റുകൾ പങ്കിട്ടിരുന്നു. എന്നാൽ ധർമ്മേന്ദ്രയുടെ ഈ വേർപാട് ഹേമക്ക് ഉൾക്കൊള്ളാൻ കഴിയുന്നതിനും അപ്പുറമാണ്.

സീതാ ഓര്‍ ഗീത ഷോലൈ ഡ്രീം ഗേള്‍ തുടങ്ങിയ നിരവധി ചിത്രങ്ങളിലൂടെ പ്രേക്ഷകരുടെ ഹൃദയം കവര്‍ന്ന ഇരുവരും ദാമ്പത്യജീവിതത്തിലും അതേ സ്‌ക്രീൻ കെമിസ്ട്രി പിന്തുടർന്നു. 1979 ഓഗ്‌സറ്റ് മാസത്തില്‍ ഇവര്‍ വിവാഹിതരായത്.

1970-ൽ തും ഹസീൻ മേം ജവാൻ എന്ന സിനിമയുടെ സെറ്റിലാണ് ധർമ്മേന്ദ്രയും ഹേമമാലിനിയും ആദ്യമായി കണ്ടുമുട്ടിയത് 40-ലധികം ചിത്രങ്ങളിൽ അവർ ഒരുമിച്ച് അഭിനയിച്ചു. ധര്‍മ്മേന്ദ്രയുടെ രണ്ടാം വിവാഹമായിരുന്നു ഇത്. ആദ്യ ഭാര്യയില്‍ നിന്ന് വിവാഹമോചനം നേടാതെയാണ് ധര്‍മ്മേന്ദ്ര ഹേമമാലിനിയെ ജീവിതത്തിലേക്ക് കൂട്ടിയത്. അതിനെക്കുറിച്ചും നിരവധി ചർച്ചകൾ സോഷ്യൽ മീഡിയയിൽ ഉണ്ട്.

പ്രകാശ് കൗറിൽ സണ്ണി ഡിയോൾ, ബോബി ഡിയോൾ, വിജേത, അജിത എന്നീ നാല് കുട്ടികൾ ഉള്ളപ്പോൾ ആണ് ധർമ്മേന്ദ്രയെ ഹേമ പ്രണയിക്കുന്നത് ആ സമയത്ത് ഹേമയ്ക്ക് മാതാപിതാക്കളിൽ നിന്ന് ധാരാളം എതിർപ്പുകൾ നേരിടേണ്ടിവന്നു, അവർ ജിതേന്ദ്രയുമായുള്ള വിവാഹ ബന്ധം നടത്താൻ നോക്കിയെങ്കിലും ധര്മേന്ദ്രയും ഹേമയും ഒന്നിച്ചു.

പ്രകാശ് അദ്ദേഹത്തിന് വിവാഹമോചനം നൽകാൻ വിസമ്മതിച്ചതുമാത്രമല്ല അദ്ദേഹത്തിനും പ്രകാശിനെ ഉപേക്ഷിക്കാൻ കഴിഞ്ഞില്ല. അതിനാൽ, ബാഹ്യ സമ്മർദ്ദങ്ങൾക്ക് വഴങ്ങാതെ, ധർമ്മേന്ദ്രയും ഹേമയും വിവാഹം കഴിക്കാൻ തീരുമാനിച്ചു അതിനായി ഇസ്ലാം മതം സ്വീകരിച്ചു എന്നും റിപ്പോർട്ടുകൾ ഉണ്ട്. ഇന്ത്യയിൽ ഹിന്ദുമതത്തിൽ പെട്ടവർക്ക് ഒരു ബന്ധം നിലനിൽക്കെ മറ്റൊരു വിവാഹം നിയമ സാധുത നൽകില്ല എന്നതുകൊണ്ടാണ് ഇരുവരും മതം മാറിയതെന്നും നാഷണൽ മീഡിയ റിപ്പോർട്ടുകളിൽ പറയുന്നു.

ALSO READ: സൽ‍മ ഉള്ളപ്പോൾ തന്നെ ഹെലനുമായി വിവാഹം! മക്കൾക്ക് ആദ്യം എതിർപ്പ്; രണ്ടുഭാര്യമാരുമായി സന്തുഷ്ട കുടുംബജീവിതം നയിക്കുന്ന സലിം ഖാൻ
1979-ൽ ആണ് വിവാഹത്തിനുവേണ്ടി ഹേമയും ധർമ്മേന്ദ്രയും ഇസ്ലാം മതം സ്വീകരിച്ചതെന്നും നിക്കാഹ് ആഘോഷത്തിനായി ദിലാവർ, ആയിഷ ബി എന്ന് പേര് മാറ്റിയെന്നും റിപ്പോർട്ടുണ്ട് .പിന്നീട് 1980-ൽ അയ്യങ്കാർ വിവാഹ ചടങ്ങ് നടന്നു എന്നുമുള്ള അഭ്യൂഹങ്ങളും അക്കാലത്തു ഉണ്ടായിരുന്നു.

ധർമ്മേന്ദ്രയുടെയും ഹേമ മാലിനിയുടെയും ഇസ്ലാം മതം സ്വീകരിച്ചതിനെക്കുറിച്ചുള്ള സംസാരം അവസാനിച്ചെങ്കിലും, 2004-ൽ ധർമ്മേന്ദ്ര ലോക്സഭാ തിരഞ്ഞെടുപ്പിൽ മത്സരിച്ചപ്പോൾ അഭ്യൂഹങ്ങൾ വ്യാപകമായ ശ്രദ്ധ നേടിയിരുന്നു എന്നാൽ ഈ ആരോപണം പൂർണ്ണമായും തെറ്റാണ്. സ്വന്തം താൽപ്പര്യങ്ങൾക്കനുസരിച്ച് മതം മാറുന്ന തരത്തിലുള്ള ആളല്ല താൻ എന്നായിരുന്നു ധര്മേന്ദ്രയുടെ പ്രതികരണം. എത്ര അഭ്യൂഹങ്ങൾ ഇന്നും പ്രചരിച്ചാൽ പോലും അനശ്വര പ്രണയത്തിന്റെ മാതൃകകൾ ആണ് ധര്മേന്ദ്രയും ഹേമയും എന്ൻ കാര്യത്തിൽ സംശയം വേണ്ട.