ആ വാപ്പിച്ചിയുടെ ഖബറിന് ഉമ്മിച്ചി നട്ട മൈലാഞ്ചിചെടികൾ തണലാവുന്നു! വാപ്പിച്ചി പോവുന്നതിന് ഒരു മാസം മുൻപേ ഉമ്മച്ചിയോട് പറഞ്ഞത്

Authored by: ഋതു നായർ|Samayam Malayalam•9 Nov 2025, 4:41 pm

കലാഭവൻ നവാസിന്റെ മരണശേഷം അദ്ദേഹത്തിന്റെ സോഷ്യൽ മീഡിയ പേജ് സജീവമാണ്. അദ്ദേഹം ഇല്ലാത്തതിന്റെ കുറവ് ഒരുപക്ഷേ ഈ പോസ്റ്റുകൾ കാണുമ്പൊൾ ആകാം ആരാധകർക്ക് മാറുന്നതും അത്തരത്തിൽ ഏറ്റവും ഒടുവിൽ പേജിൽ വന്ന പോസ്റ്റ് ആണ് ആരുടേയും മനസ്സിനെ നോവിൽ ആക്കുന്നത്. നവാസിന്റെ ഭാര്യയും നടിയും ആയ രഹ്നയും ആയി അത്രയും ബോണ്ട് ആയിരുന്നു നവാസിന്. അത്തരത്തിൽ നവാസ് ഭാര്യക്ക് അയച്ച ഗാനവും ഒപ്പം ഒരു കഥയും നവാസിന്റെ മകൻ പങ്കുവച്ചു.

വാപ്പിച്ചി പോവുന്നതിന് ഒരു മാസം മുൻപ് ഉമ്മിച്ചി മൈലാഞ്ചിച്ചെടി മുറിച്ച കമ്പുകൾ ഒരു ചെടി ചട്ടിയിൽ നട്ടു. എന്നാൽ ഇത് വേരുപിടിക്കുമ്പോൾത്തന്നെ നടരുത്, നല്ല സ്ഥലം നോക്കി വച്ചാൽ മതി എന്ന് നവാസ് പറഞ്ഞത് പക്ഷേ മറ്റൊരു നിമിത്തം പോലെ സംഭവിച്ചു എന്നാണ് മക്കൾ പറയുന്നത്

ഇത് വാപ്പിച്ചി ജൂലൈ 30ന് രാത്രി 11 മണിക്ക് പാടി ഉമ്മിച്ചിക്ക് അയച്ചുകൊടുത്ത പാട്ട്.

ഇതാണ് വാപ്പിച്ചി ഉമ്മിച്ചിക്ക് അവസാനമായിട്ട് അയച്ചു കൊടുത്ത പാട്ട്.

വാപ്പിച്ചി പോവുന്നതിന് ഒരു മാസം മുൻപ് ഉമ്മിച്ചി മൈലാഞ്ചിച്ചെടി മുറിച്ച കമ്പുകൾ ഒരു ചെടി ചട്ടിയിൽ നട്ടു.

ALSO READ: ഒരു കമ്പനിയുടെ ചിലവിൽ വന്നിട്ട് വേറെ ഒരു പ്രോഗ്രാം പോയി ചെയ്തത് ശരിയോ; സ്റ്റാൻഡേർഡ് കാണിക്കൂ, എന്ന് ചോദ്യം; സിബിന്റെ മാസ് മറുപടി
അത് കണ്ടുനിന്ന വാപ്പിച്ചി ഉമ്മിച്ചിയോട് പറഞ്ഞു നീ ഇത് വേരുപിടിക്കുമ്പോൾത്തന്നെ നടരുത്, നല്ല സ്ഥലം നോക്കി വച്ചാൽ മതിയെന്ന്. വാപ്പിച്ചി പോയിക്കഴിഞ്ഞു വാപ്പിച്ചീടെ ഖബറിൽ നട്ട പൂച്ചെടി പിടിച്ചു പക്ഷെ കുത്തിയ മൈലാഞ്ചി കമ്പ് ഉണങ്ങിതുടങ്ങിയെന്ന്‌ ഞങ്ങൾ ഉമ്മിച്ചിയോട് പറഞ്ഞു.

അപ്പോഴാണ് വാപ്പിച്ചി സ്ഥലം പറയാമെന്നു പറഞ്ഞ, ഉമ്മിച്ചി നട്ട മൈലാഞ്ചികമ്പുകൾ ഓർത്തത്‌.
ഓഗസ്റ്റ് 8 ന് വാപ്പിച്ചിയുടെ ഖബറിൽ നടാൻ ഉമ്മച്ചിയുടെ സഹോദരിയുടെ ഭർത്താവിന്റെ കൈയ്യിൽ ആ മൈലാഞ്ചിതൈകൾ നടാൻ കൊടുത്തുവിട്ടു.

അത് നന്നായി പിടിച്ചു. ജീവിച്ചിരിക്കുമ്പോൾ ഉമ്മിച്ചിക്ക് തണലായിരുന്നു വാപ്പിച്ചി. ആ വാപ്പിച്ചിയുടെ ഖബറിന് ഉമ്മിച്ചി നട്ട മൈലാഞ്ചിചെടികൾ തണലാവുന്നു.എന്നുപറഞ്ഞാണ് പോസ്റ്റ് അവസാനിപ്പിക്കുന്നത്