ആരും കാണാതെ സയലന്റായി കരഞ്ഞുപോയി ഞാന്‍; വലിയൊരു ആഗ്രഹത്തെ കുറിച്ച് തുറന്ന് പറഞ്ഞ് സംയുക്ത

ലില്ലി എന്ന ആദ്യ സിനിമ മുതല്‍ പ്രേക്ഷകരെ അമ്പരപ്പിച്ചുകൊണ്ടിരിക്കുന്ന നടിയാണ് സംയുക്ത . തുടര്‍ന്ന് തീവണ്ടി, എടക്കാട് ബെറ്റാലിയന്‍, വെള്ളം, കടുവ പോലുള്ള മികച്ച സിനിമകളുടെ ഭാഗമായി. മലയാള സിനിമയും കടന്ന് തമിഴിലെത്തി, അവിടെയും സംയുക്ത വിജയം കണ്ടു. ധനുഷിന്റെ നായികയായി എത്തി തമിഴകത്തും ശ്രദ്ധ നേടിയ സംയുക്ത ഇപ്പോള്‍ തന്റെ ശ്രദ്ധ കേന്ദ്രീകരിച്ചിരിയ്ക്കുന്നത് തെലുങ്ക് സിനിമ ഇന്റസ്ട്രിയിലാണ്.

ഒന്നിനു പിറകെ ഒന്നായി മികച്ച, നല്ല അവസരങ്ങളാണ് സംയുക്തയെ തേടി തെലുങ്ക് സിനിമാ ലോകത്തു നിന്നും വരുന്നത്. അഖണ്ഡ 2 - താണ്ഡവം എന്ന ചിത്രത്തിലെ അഭിനയം ഏറെ പ്രശംസ നേടിക്കൊടുത്തിരുന്നു. ഇപ്പോള്‍ നാരി നാരി നടുമ മുറൈ എന്ന ചിത്രത്തിന്റെ റിലീസിങ് തിരക്കിലാണ് സംയുക്ത. രാഘവ ലോറന്‍സും നിവിന്‍ പോളിയും ഒന്നിക്കുന്ന ബെന്‍സ്, കാജോളിന്റെ മഹാറാണി- ക്വീന്‍ ഓഫ് ക്വീന്‍സ്, മോഹന്‍ലാലിന്റെ റാം എന്നിവയുള്‍പ്പടെ ആറോളം സിനിമകളാണ് സംയുക്തയ്ക്ക് അണിയറയില്‍ ഒരുങ്ങുന്നത്.

Also Read: തന്റെ ആദ്യ നായകനെ കാണാന്‍ കനക എത്തി! ഇത് നമ്മുടെ പഴയ മാലുവാണെന്ന് തിരിച്ചറിയാന്‍ പ്രയാസം!

എന്നാല്‍ ഇവിടം കൊണ്ടൊന്നും സംയുക്തയുടെ സിനിമാ മോഹങ്ങള്‍ അവസാനിക്കുന്നില്ല. ഇനിയും നല്ല വേഷങ്ങള്‍ ചെയ്യാനാണ് സംയുക്തയുടെ ആഗ്രഹം. 2025 തന്റെ കരിയറിനെ സംബന്ധിച്ച് മികച്ച ഒരു വര്‍ഷമായിരുന്നു എന്ന് സംയുക്ത സമ്മതിക്കുന്നു. പക്ഷേ അത് മാത്രമല്ല, ചെയ്യാന്‍ ആഗ്രഹിക്കുന്ന കഥാപാത്രങ്ങള്‍ ഇനിയുമുണ്ടത്രെ.

അടുത്തിടെ യാമി ഗൗതം അഭിനയിച്ച ഹാഖ് എന്ന ചിത്രം ഫ്‌ളൈറ്റില്‍ വച്ച് കാണാന്‍ ഇടയായി എന്നും, ആരും കാണാതെ സയലന്റായി ഞാന്‍ ആ സിനിമ കണ്ട് കരഞ്ഞു പോയി എന്നും സംയുക്ത പറയുന്നു. ഇപ്പോള്‍ എന്റെ ആഗ്രഹം, യഥാര്‍ത്ഥത്തില്‍ ഇവിടെ ജീവിച്ചു പോയ സ്ത്രീകളുടെ ബയോപിക് സിനിമകള്‍ അഭിനയിക്കാനാണ് എന്നും സംയുക്ത പറഞ്ഞു.

Also Read: ദുബായിൽ ഉയർന്ന ഉദ്യോഗം; അലക്സിനെക്കുറിച്ച് അധികമാർക്കും അറിയാത്ത കാര്യം; വിവാഹം നടന്നത് കുടുംബത്തിന്റെ പിന്തുണയോടെ

സംയുക്ത സിനിമകളില്‍ ചെയ്ത വേഷങ്ങള്‍ എല്ലാം തന്നെ ഒന്നിനൊന്ന് വ്യത്യസ്തവും വേറിട്ടതുമാണ്. അത് മാത്രമല്ല, ലില്ലി മുതല്‍, അഖണ്ഡ 2 വരെയുള്ള സിനിമകള്‍ എടുത്തു നോക്കിയാല്‍ വെറുതേ വന്ന് പോകുന്ന നായികാ കഥാപാത്രങ്ങളുമല്ല, ശക്തമായ നിലപാടുകളുള്ള നായികയാണ്. അതിനാല്‍ തന്നെ ഇതിനോടകം സംയുക്ത തന്റെ കഴിവ് തെളിയിച്ചതാണ് എന്ന് ആരാധകര്‍ പറയുന്നു. സിനിമകളുടെ പേരില്‍ മാത്രമല്ല, റിയല്‍ ലൈഫിലെ ചില ശക്തമായ നിലപാടുകളുടെ പേരിലും തുറന്ന് പറച്ചിലുകളുടെ പേരിലും സംയുക്ത എന്നും ശ്രദ്ധിക്കപ്പെട്ടിട്ടുണ്ട്.