ആൾക്കൂട്ടം വോട്ടായിമാറില്ല; വിജയ്ക്കും എനിക്കും അത്‌ ബാധകം- കമൽഹാസൻ

4 months ago 4

22 September 2025, 07:34 AM IST

vijay kamal haasan

വിജയ്, കമൽഹാസൻ | Photo: PTI

ചെന്നൈ: വിജയ്ക്കായി ഒത്തുകൂടുന്ന ജനക്കൂട്ടം വോട്ടായിമാറില്ലെന്നും വിജയ്ക്കുമാത്രമല്ല, തനിക്കും ഇത്‌ ബാധകമാണെന്നും നടനും മക്കൾ നീതി മയ്യം നേതാവുമായ കമൽഹാസൻ. നിയമസഭാതിരഞ്ഞെടുപ്പിനുള്ള തയ്യാറെടുപ്പിനായി ചെന്നൈയിൽ ഞായറാഴ്ച വിളിച്ചുചേർത്ത പാർട്ടി ഭാരവാഹികളുടെ യോഗത്തിനുശേഷം സംസാരിക്കുകയായിരുന്നു അദ്ദേഹം.

വിജയ് ധൈര്യത്തോടെ മുന്നോട്ടുപോകണം. ജനങ്ങൾക്കുവേണ്ടി പ്രവർത്തിക്കണം -കമൽഹാസൻ പറഞ്ഞു.

മോഹൻലാലിന് അഭിനന്ദനമറിയിച്ച് കമൽഹാസൻ

ചെന്നൈ: രാജ്യത്തെ പരമോന്നത ചലച്ചിത്രപുരസ്കാരമായ ദാദാ സാഹെബ് ഫാൽക്കെ അവാർഡുനേടിയ മോഹൻലാലിനെ പ്രമുഖനടൻ കമൽഹാസൻ അഭിനന്ദിച്ചു. ചെന്നൈയിൽ മാധ്യമപ്രവർത്തകരോട്‌ സംസാരിക്കവെയാണ് കമൽ മോഹൻലാലിനെ അഭിനന്ദിച്ചത്. മോഹൻലാലിന് അവാർഡ് ലഭിച്ചതിൽ അദ്ഭുതപ്പെടേണ്ട ഒരുകാര്യവുമില്ല. അത്രയുംമികച്ച നടനാണ് അദ്ദേഹമെന്നും കമൽഹാസൻ പറഞ്ഞു.