ഇതുവരെ അറുപതുകോടി! റെക്കോർഡ് നേട്ടവുമായി നിവിൻ പോളിയും കൂട്ടാളികളും; വമ്പൻ തിരിച്ചുവരവ്

ബ്രേക്കിന്റെ അവസാനം തന്റെ ആരാധകർക്ക് സൂപ്പർ ഹിറ്റ് മടങ്ങിവരവ് സമ്മാനിച്ചുകൊണ്ട് സർവ്വം മായ. നിവിൻ പോളിയുടെ ഗംഭീര തിരിച്ചുവരവിനാണ് സർവ്വം മായ സാക്ഷ്യം വഹിച്ചത്. റിലീസ് ചെയ്ത രണ്ടാമത്തെ വ്യാഴാഴ്ച ആയപ്പോഴേക്കും സർവം മായ 1.50 കോടി രൂപ കളക്ഷൻസ് ആണ് നേടിയത്. നേരിയ ഇടിവ് നേരിട്ടുവെങ്കിലും ഫാന്റസി ഹൊറർ-കോമഡി ഡ്രാമ ചിത്രം രണ്ടാം ആഴ്ചയിൽ എത്തിയപ്പോഴേക്കും 22.90 കോടി രൂപയാണ് നേടിയത്, കേരള ബോക്സ് ഓഫീസിൽ ആദ്യ ആഴ്ചയിൽ 36.65 കോടി രൂപ നേടിയ മികച്ച കളക്ഷന് ശേഷം. ഇതോടെ കേരളത്തിൽ നിന്നുള്ള മുഴുവൻ കളക്ഷൻ 60 കോടി രൂപയുടെ ഗ്രോസ് എമൗണ്ട് ആയി ചിത്രം മാറിയിട്ടുണ്ട്.

ബോക്സ് ഓഫീസിൽ വൻ വിജയമാണ് രണ്ടാമത്തെ ആഴ്ചയിലും ചിത്രം നേടുന്നത്. അഖിൽ സത്യൻ സംവിധാനം ചെയ്ത ഈ ചിത്രം കേരളത്തിൽ നിന്ന് മാത്രം 75 കോടി രൂപയോളം കളക്ഷൻ നേടുമെന്ന് ആണ് പ്രതീക്ഷ, വരും ആഴ്ചകളിൽ ചിത്രത്തിന്റെ കളക്ഷൻ എങ്ങനെയിരിക്കും എന്നതിനെ ആശ്രയിച്ചിരിക്കും ഈ കണക്കിലേക്ക് എത്തുക

നിവിൻ പോളിയുടെ അവസാനത്തെ ചില ചിത്രങ്ങൾ പ്രേക്ഷകരിൽ ശരിയായ ഇമ്പാക്ട് ഉണ്ടാക്കാൻ സാധിച്ചിരുന്നില്ല എന്നാൽ ഇത് അദ്ദേഹത്തിന് ഒരു വലിയ തിരിച്ചുവരവാണ്. സർവം മായയുടെ ആഗോള കളക്ഷൻ 115 കോടി രൂപ കവിഞ്ഞതായി കണക്കുകൾ പറയുന്നു. യഥാർത്ഥ വിവരങ്ങൾഎ ടുത്ത ആഴ്ചയോടെ അറിയാം.

ഒരു ഹൊറർ കോമഡി ഫാന്റസി ചിത്രമാണ് സർവ്വം മായ. നിവിൻ പോളിയെ കൂടാതെ അജു വർഗീസ്, ജനാർദ്ദനൻ, പ്രീതി മുകുന്ദൻ, അരുൺ അജികുമാർ, രഘുനാഥ് പാലേരി, മധു വാര്യർ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ജസ്റ്റിൻ പ്രഭാകരനാണ് സംഗീതവും പശ്ചാത്തല സംഗീതവും ഒരുക്കിയിരിക്കുന്നത്, ശരൺ വേലായുധൻ ഛായാഗ്രഹണം നിർവ്വഹിക്കുന്നു.

യൂറോപ്പിലെ ഒരു പ്രോഗ്രാമിൽ പങ്കെടുക്കാനുള്ള വിസ നിരസിക്കപ്പെട്ടതിനെ തുടർന്ന് പ്രഭേന്ദുവിന്റെ ജീവിതത്തിൽ സംഭവിക്കുന്ന മാറ്റങ്ങൾ ആണ് കഥയുടെ അടിസ്ഥാനം