ഇറ്റലിയുടെ കാമുകി എന്നറിയപ്പെട്ട നടി, ക്ലോഡിയ കാർഡിനേൽ അന്തരിച്ചു; ആരായിരുന്നു ആ സ്വപ്നസുന്ദരി?

Authored by: അശ്വിനി പി|Samayam Malayalam•24 Sept 2025, 4:29 pm

യൂറോപ്യൻ സിനിമകളിലും ഹോളിവുഡ് സിനിമകളിലും അൻപതുകൾ മുതൽ നിറഞ്ഞു നിന്ന സ്വപ്ന സുന്ദരി, നടി ക്ലോഡിയ കാർഡിനേൽ അന്തരിച്ചു. 87 വയസ്സായിരുന്നു. ഇറ്റലിയുടെ കാമുകി എന്ന് വിശേഷിപ്പിക്കപ്പെട്ട നടി, സെക്സ് സിംപൽ എന്ന നിലയിലാണ് ആദ്യം ശ്രദ്ധ നേടിയിരുന്നത്. പിന്നീട് യോറോപ്യൻ സിനിമകളിലെ മുൻനിര നായികാ നിരയിലേക്ക് എത്തി.

1960-കളിലും 1970-കളിലുമുള്ള ഏറ്റവും പ്രശസ്തമായ ചില യൂറോപ്യൻ സിനിമകളിൽ അഭിനയിച്ച ക്ലോഡിയ, ചില വലിയ ഹിറ്റുകളുമായി ഹോളിവുഡിലേക്കും കടന്നു. 150 ൽ അധികം സിനിമകളിൽ അഭിനിച്ച ക്ലോഡിയ കാർഡിനേലിനെ ഡ്രീം ഗേൾ, ഇറ്റലിയുടെ കാമുകി എന്നൊക്കെയാണ് വിശേഷിപ്പിച്ചിരുന്നത്. അതിൽ കാർഡിനേലിന് ഏറ്റവും ഇഷ്ടം, ഇറ്റലിയുടെ കാമുകി എന്ന പേരായിരുന്നു, തന്റെ രാജ്യത്തോടുള്ള ആവേശത്തിനെയും ബഹുമാനത്തെയും സൂചിപ്പിയ്ക്കുന്ന വിശേഷണമായിരുന്നു അത്.

Also Read: വിനീതിനും ചിലത് പറയാനുണ്ട്! അച്ഛൻ കരം കണ്ടോ! നോബിൾ എങ്ങനെ നായകനായി! 'വിനീത് ജോമോൻ ഷാൻ ത്രയം' വീണ്ടും

1963-ൽ മാർസെല്ലോ മാസ്ട്രോയാനിക്കൊപ്പം അഭിനയിച്ച ഫെഡറിക്കോ ഫെല്ലിനിയുടെ 8½ എന്ന സിനിമയിലൂടെ യുവത്വ വിശുദ്ധിയുടെ ആവിഷ്കാരത്തിന് ഏറ്റവും പ്രശസ്തയായ ക്ലോഡിയ കാർഡിനേൽ, അതേ വർഷം തന്നെ ലുച്ചിനോ വിസ്കോണ്ടിയുടെ ദി ലെപ്പേർഡ് എന്ന ചരിത്ര നോവലിന്റെ അവാർഡ് നേടിയ സ്‌ക്രീൻ അഡാപ്റ്റേഷനിൽ ആഞ്ചലിക്ക സെഡാര എന്ന കഥാപാത്രം ചെയ്തു ശ്രദ്ധ നേടിയിരുന്നു. 1968-ൽ സെർജിയോ ലിയോണിന്റെ സ്പാഗെട്ടി വെസ്റ്റേൺ എന്ന നാടകത്തിലെ 'വൺസ് അപ്പോൺ എ ടൈം ഇൻ ദി വെസ്റ്റ്' എന്ന നാടകത്തിലൂടെയാണ് കാർഡിനേൽ യൂറോപ്പിന് പുറത്ത് പ്രശസ്തി നേടിയത്.

Also Read: സായി കുമാറുമായുള്ള വിവാഹത്തിന് ശേഷം മണി എന്നോട് മരണം വരെ മിണ്ടിയില്ല; ആ ബന്ധത്തെ കുറിച്ച് ബിന്ധു പണിക്കർ


യൂറോപ്യൻ സിനിമകളിൽ നിന്നും വിട്ടു നിൽക്കാൻ താത്പര്യമില്ലാത്തതുകൊണ്ടു തന്നെ, വളരെ സെലക്ടീവായ സിനിമകൾ മാത്രമേ ക്ലോഡിയ കാർഡിനേൽ ഹോളിവുഡിൽ ചെയ്തിരുന്നുള്ളൂ. 2022 ൽ The Island of Forgiveness എന്ന സിനിമയിലാണ് നടി ഏറ്റവുമൊടുവിൽ അഭിനയിച്ചത്. അതിന് ശേഷം അഭിനയത്തിൽ നിന്നും നടി വിട്ടു നിൽക്കുകയായിരുന്നു. മരണപ്പെടുമ്പോൾ മക്കളും അടുത്ത ബന്ധുക്കളും അടുത്തുണ്ടായിരുന്നു എന്നാണ് റിപ്പോർട്ടു