ഉടനെ മുത്തശ്ശിയാവുമോ എന്ന ചോദ്യത്തിന് മേനക സുരേഷ് നൽകിയ മറുപടി, കീർത്തി സുരേഷിന്റെ പ്ലാൻ അമ്മയോട് ചോദിക്കണോ?

Authored by: അശ്വിനി പി|Samayam Malayalam•2 Oct 2025, 9:08 am

സെലിബ്രേറ്റികൾ ഇപ്പോൾ എവിടെ പോയാലും ചില ഓൺലൈൻ മാധ്യമങ്ങളെ തട്ടി നടക്കാൻ സാധിക്കാത്ത അവസ്ഥയാണ്. അടുത്തിടെ ഒരു പൊതു ചടങ്ങിനെത്തി മടങ്ങിപ്പോകവെ മേനക സുരേഷിന് നേരെ ഉണ്ടായ ചോദ്യവും, അതിന് നടി നൽകിയ മറുപടിയുമാണ് വൈറലാവുന്നത്.

ഉടനെ മുത്തശ്ശിയാവാനുള്ള പ്ലാനുണ്ടോ എന്നായിരുന്നു ചോദ്യം, ഞാനോ എന്ന് ചോദിച്ച മേനക, ഇല്ല എന്ന് പുച്ഛ ഭാവത്തിൽ മറുപടി നൽകുകയായിരുന്നു. കീർത്തി സുരേഷിന്റെ ഫാമിലി പ്ലാനിങ് അമ്മയോടാണോ ചോദിക്കുന്നത് എന്ന് ചോദിച്ച് വ്യാപകമായ നെഗറ്റീവ് കമന്റുകളാണ് വീഡിയോയ്ക്ക് വരുന്നത്.

Also Read: ഇമോഷണലി തകർന്ന അവസ്ഥയിൽ നിന്ന് തിരിച്ചുവന്ന് നസ്റിയ നസീം; നച്ചുവിനെ ചേർത്തുപിടിച്ച് ഫഹദ്!

തന്റെ സ്വകാര്യ ജീവിതത്തെ പ്രൊഫഷനുമായി യാതൊരു തരത്തിലും ബന്ധിപ്പിക്കാൻ ആഗ്രഹിക്കാത്ത നടിയാണ് കീർത്തി സുരേഷ് . അതുകൊണ്ട് തന്നെ ഇത്തരം ചോദ്യങ്ങളെയും നടി പാടെ അവഗണിക്കും. നിലവിൽ കരിയറിൽ വളരെ അധികം ഫോക്കസ് ആയി മുന്നോട്ടു പോകുകയാണ് ദേശീയ പുരസ്കാര ജേതാവുകൂടെയായ കീർത്തി സുരേഷ്

15 വർഷത്തെ പ്രണയത്തിനൊടുവിലാണ് കീർത്തി സുരേഷും ആന്റണി തട്ടിലും ഒന്നിച്ചത്. മതത്തിന്റെ എതിർപ്പുകളൊന്നും വിവാഹത്തിന് തടസ്സമായില്ല. ഗോവയിൽ വച്ചു നടന്ന ഡെസ്റ്റിനേഷൻ വെഡ്ഡിങ് സൗത്ത് ഇന്ത്യൻ മാധ്യമങ്ങളിലും ആഘോഷമായിരുന്നു.

Also Read: ആ പ്രണയം തുറന്ന് പറഞ്ഞ് മഞ്ജു വാര്യർ, ജീവിതത്തിലെ ഇപ്പോഴത്തെ സന്തോഷം ഇതാണ്, മതിവരാത്ത പ്രണയം!

പതിനഞ്ച് വർഷം പ്രണയിക്കുകയും, ലിവിങ് റിലേഷനിൽ ജീവിക്കുകയും ചെയ്തിട്ടും കീർത്തിയുടെ ഈ പ്രണയ കഥ സോഷ്യൽ മീഡിയയിൽ വന്നില്ല ല്ലോ എന്നതായിരുന്നു ആരാധകരുടെ അമ്പരപ്പ്. പ്രണയത്തിലാണ് എന്ന് വെളിപ്പെടുത്തിയതിന് ശേഷവും കീർത്തി ആന്റണിയുടെ ചിത്രങ്ങളൊന്നും പുറത്തുവിട്ടിരുന്നില്ല. അതും ആരാധകർക്ക് ആന്റണിയെ കുറിച്ചറിയാനുള്ള ആകാംക്ഷ കൂട്ടി. പക്ഷേ അപ്പോഴും സ്വകാര്യ ജീവിതത്തിന് മുൻതൂക്കം നൽകുകയായിരുന്നു കീർത്തി.


മലയാള സിനിമയിൽ തുടങ്ങി, തമിഴും തെലുങ്കും താണ്ടി ഇപ്പോൾ ബോളിവുഡ് സിനിമയിൽ സജീവമാവുകയാണ് കീർത്തി സുരേഷ്. വിവാഹ ജീവിതം തന്നെ യാതൊരു തരത്തിലും മാറ്റിയിട്ടില്ല. എങ്ങനെയായിരുന്നോ വിവാഹത്തിന് മുൻപ് അതേ പടിയാണ് മുന്നോട്ടു പോകുന്നത്. അതിന് കാരണം വർഷങ്ങളായുള്ള തങ്ങളുടെ സൗഹൃദമാണ് എന്ന് കീർത്തി സുരേഷ് പറഞ്ഞിരുന്നു