എംജിയോട് അവകാശപ്പെടാനോ ആവശ്യപ്പെടാനോ നിൽക്കില്ല! മോൾ ഉള്ളതുകൊണ്ട് അമേരിക്കയാണ് ഏറെ ഇഷ്ടം; മനസ് തുറന്ന് എംജിയും ലേഖയും

Authored byഋതു നായർ | Samayam Malayalam | Updated: 20 Apr 2025, 12:37 pm

ഭർത്താവ് പാട്ടുകാരൻ ആയതുകൊണ്ട് അദ്ദേഹത്തിനോട് എപ്പോഴും പാട്ടുപാടി തരാൻ പറയുന്ന ആളല്ല താനെന്ന് ലേഖ എംജി ശ്രീകുമാർ. ബന്ധം തുടങ്ങിയ സമയത്ത് എപ്പോഴോ ഒന്നോ രണ്ടോ പാട്ടുകൾ പാടി തന്നു എന്നല്ലാതെ വൈകിട്ട് വീട്ടിൽ വരുമ്പോൾ അദ്ദേഹം പാട്ടൊന്നും പാടി തരില്ല. താൻ ആവശ്യപ്പെടുകയോ അവകാശപെടുകയോ ചെയ്യുന്ന ആളല്ല. അതുകൊണ്ട് ഉത്തമ ആയ ഭാര്യ ആകണം എന്നൊന്നും ഇല്ല- കൈരളി ചാനൽ അവതാരകയുടെ ചോദ്യങ്ങൾക്ക് ലേഖ മറുപടി നൽകി.

എനിക്ക് ആരെയും വിഷമിപ്പിക്കുന്നത് ഇഷ്ടമല്ല. അദ്ദേഹത്തിന്റെ കാര്യങ്ങൾ എനിക്ക് എല്ലാം അറിയുന്നതാണല്ലോ, കഷ്ടപ്പെട്ടുവന്നാൽ ഉടനെ അദ്ദേഹത്തെ ഇത് വേണം അതുവേണം എന്നുപറഞ്ഞു ഞാൻ ബുദ്ധിമുട്ടിക്കില്ല എന്ന് ലേഖ പറയുമ്പോൾ ഞാൻ പാടുന്ന പാട്ടുകൾ ആദ്യം കേൾക്കുന്നത് ലേഖ ആയിരിക്കും എന്നാണ് എംജി നൽകിയ മറുപടി. അതുകേട്ടുകേട്ട് അത്‌ ഞാൻ ഇപ്പോഴും പാട്ടുപാടികൊടുക്കണോ പതിവ് തമാശയോടെ എംജി പറയുന്നു.

ലേഖ: എനിക്ക് വിഷു കൈനീട്ടം ഒക്കെ തന്നല്ലോ

അവതാരക: എന്താണ് തന്നത് എന്ന് പറയണം

ലേഖ : അത് പറയാൻ ആകില്ല. പൈസ ആയിട്ടാണോ എന്തേലും സ്‌പെഷ്യൽ ഗിഫ്റ്റാണോ എന്ന് വീണ്ടും അവതാരക

എംജി: പൈസ ആയിട്ട് തന്നെ കൊടുക്കണം

ലേഖ: എനിക്ക് പൈസ ആയിട്ട് തരാറുണ്ട് പിറന്നാളിനും വിഷുവിനും ഒക്കെ അങ്ങനെയാണ്. കാരണം ശ്രീക്കുട്ടൻ അങ്ങനെ ഒന്നും വാങ്ങി കൊണ്ട് വരുന്ന ആളല്ല. വാങ്ങിയാൽ അത് എനിക്ക് ഇഷ്ടം ആകണം എന്നും ഇല്ല അതുകൊണ്ടുതന്നെ എനിക്ക് പൈസയാണ് തന്നത്.

എംജി: എനിക്ക് തിരികെ ഉണ്ടാക്കി തന്നത് മാമ്പഴ പുളിശ്ശേരിയാണ്. അസാധ്യമായി തന്നെ ഉണ്ടാക്കും. ആൾക്ക് എല്ലാം ഈസിയാണ് . പതിനഞ്ചു മിനിറ്റ് കൊണ്ട് ആള് വയ്ക്കും. എന്ത് വച്ചാലും അങ്ങനെയാണ് നല്ല സ്പീഡ് ആണ്.

ലേഖ: സാരി ഉടുക്കുന്നത് തന്നെ എനിക്ക് ഈസിയാണ്. ഞാൻ വളരെ സമയം കൃത്യമായി തന്നെ പാലിക്കുന്ന ആളാണ്.

ALSO READ: അന്നത്തെ വിഷയങ്ങൾ പണത്തിനു വേണ്ടി നടത്തിയ പ്രഹസനമല്ലേ! പുതിയ കാർ വീട്ടിൽ കൊണ്ട് വന്നപ്പോൾ ഉണ്ടായ സന്തോഷം: പ്രണവിന്റെ മറുപടി

ലേഖ: പാട്ട് അല്ലാതെ ഒരുപാട് യാത്രകൾ ചെയ്യാൻ ഇഷ്ടപെടുന്ന ആളാണ് ശ്രീക്കുട്ടൻ.

എംജി: നമുക്ക് നടക്കാൻ പറ്റുന്ന അവസ്ഥകളിൽ ആണ് യാത്രകൾ ചെയ്യാൻ ആകുന്നത്. കുറച്ചുകൂടി കഴിയുമ്പോൾ വയസ് ആവുകയല്ലേ.

ലേഖ: പുറത്തുപോകുമ്പോൾ ആണ് ലോകത്തിൽ ഉള്ള ആളുകളുടെ ജീവിതം കാണുന്നത്. ഒരു കുശുമ്പോ ഒന്നും ഇല്ലാത്ത ആളുകളെ നമുക്ക് അവിടെ കാണാം. ഇവിടെ ആണ് വിഷയങ്ങൾ.

എംജി: വിദേശരാജ്യത്ത് ഒന്ന് തുപ്പിയാൽ വരെ ഫൈൻ ആണ്. ആ ഒരു സംവിധാനം നമ്മുടെ നാട്ടിൽ വരണം. എന്നെ അംബാസിഡർ ആക്കിയതുകൊണ്ട് പറയുന്നതല്ല ആ ഒരു സിസ്റം നാട്ടിൽ വരണം.