എനിക്കിത് ഇഷ്ടമാണ്; ധനുഷുമായി വന്ന പ്രണയ ഗോസിപ്പുകള്‍ക്ക് മറുപടി നല്‍കി മൃണാള്‍ താക്കൂര്‍

Authored by: അശ്വിനി പി|Samayam Malayalam•2 Dec 2025, 3:51 pm

ബോളിവുഡ് മിനിസ്‌ക്രീനിലൂടെ കരിയര്‍ ആരംഭിച്ചതാണ് മൃണാള്‍ താക്കൂര്‍ . ഇപ്പോള്‍ ബോളിവുഡ് സിനിമകളിലും ടോളിവുഡ് സിനിമകലിലും മൃണാളിന് കിട്ടുന്ന സ്വീകരണം വളരെ വലുതാണ്. സീതാരാമം, ഹായ് നാനാ എന്നീ ചിത്രങ്ങളുടെ തെലുങ്ക് പ്രേക്ഷകരുടെ മാത്രമല്ല, മലയാളികളുടെയും ഇഷ്ടം പിടിച്ചുപറ്റിയിരുന്നു.

എന്നാല്‍ സമീപകാലത്തായി മൃണാള്‍ ഗോസിപ്പു കോളങ്ങളില്‍ സജീമായിരുന്നു. തമിഴ് നടന്‍ ധനുഷുമായി പ്രണയത്തിലായി എന്ന വാര്‍ത്തകള്‍ വരാന്‍ തുടങ്ങിയിട്ട് നാളുകളായി. ഇരുവരും ഒരു സ്വകാര്യ ചടങ്ങില്‍ പങ്കെടുത്ത വീഡിയോകളും, അടുത്തിടപഴകുന്നതായ ഫോട്ടോകളും പുറത്തുവന്നതോടെയാണ് ഗോസിപ്പുകള്‍ പ്രചരിച്ചത്. ബോളിവുഡിലും കോളിവുഡിലും എല്ലാം ചൂടുപിടിച്ച ചര്‍ച്ചയായിട്ട് പോലും മൃണാളോ ധനുഷോ അതില്‍ ഒരക്ഷരം പോലും പ്രതികരിച്ചിരുന്നില്ല.

Also Read: ഒരു കൂസലുമില്ലാതെയാണ് സമാന്ത എത്തിയത്, വിവാഹത്തിന്റെ രണ്ട് ദിവസം മുന്‍പ് എവിടെയായിരുന്നു?

പിന്നാട് ക്രിക്കറ്റ് താരം ശ്രേയസ് അയ്യരുമായുള്ള പ്രണയ വാര്‍ത്തകളും വന്നു. കഴിഞ്ഞ കുറച്ചു മാസങ്ങളായി ശ്രേയസുമായുള്ള പ്രണയ ബന്ധത്തിനാണ് സോഷ്യല്‍ മീഡിയ വളരെ അധികം പ്രാധാന്യം നല്‍കിയിരിക്കുന്നത്. ഗോസിപ്പുകള്‍ ഇങ്ങനെ വന്നുകൊണ്ടിരിക്കെ നടന്‍ സോഷ്യല്‍ മീഡിയയില്‍ പങ്കുവച്ച പോസ്റ്റ് വൈറലാവുന്നു.

അമ്മ മൃണാളിന് തല മസാജ് ചെയ്തു കൊടുക്കുന്നതും ഫോണില്‍ ഗോസിപ്പുകള്‍ക്ക് മൃണാള്‍ മറുപടി നല്‍കുന്നതുമായിട്ടാണ് വീഡിയോയില്‍ കാണുന്നത്. അവര് സംസാരിച്ചുകൊണ്ടിരിക്കും, ഞങ്ങള്‍ ചിരിച്ചുകൊണ്ടേയിരിക്കുന്നു. ഗോസിപ്പുകള്‍ എന്നത് ഫ്രീ പ്രമോഷനാണ്, അങ്ങനെ ഫ്രീയായി കിട്ടുന്ന കാര്യങ്ങള്‍ ഞാന്‍ ഇഷ്ടപ്പെടുന്നു- എന്നാണ് വീഡിയോയ്ക്ക് മൃണാള്‍ നല്‍കിയിരിക്കുന്ന ക്യാപ്ഷന്‍. അതേ സമയം ആര്‍ക്കൊപ്പം വന്ന ഗോസിപ്പിനുള്ള മറുപടിയാണ് ഇത് എന്ന് മൃണാള്‍ താക്കൂര്‍ പറഞ്ഞിട്ടില്ല.


ധനുഷുമായി ചേര്‍ത്ത് പല നടിമാരുടെയും പ്രണയ ഗോസിപ്പുകള്‍ സ്വാഭാവികമായി വരുന്നതാണ്. ഒരു ഗോസിപ്പിനോടും ധനുഷ് പ്രതികരിച്ചിട്ടില്ല. വിവാഹത്തെ കുറിച്ച് ഇപ്പോള്‍ ചിന്തിക്കുന്നില്ല എന്നും, കരിയറില്‍ ഫോക്കസ് ചെയ്യുകയാണ് എന്നും നേരത്തെ മൃണാള്‍ താക്കൂര്‍ വ്യക്തമാക്കിയിട്ടുള്ളതുമാണ്. ഹിന്ദിയിലും തെലുങ്കിലുമായി ഒരുപിടി നല്ല സിനിമകളുമായി തിരക്കിലാണ് നിലവില്‍ 33 കാരിയായ മൃണാള്‍