എനിക്ക് പീരീഡ്‌സ് ആണ്, റൂമില്‍ പോയേ പറ്റൂ എന്ന് ഉറക്കെ പറയേണ്ടി വന്നു; മരിയാന്‍ സെറ്റിലുണ്ടായ അനുഭവം!

എന്നെ സംബന്ധിച്ച് ആര്‍ത്തവത്തെ കുറിച്ച് ആണെങ്കിലും, എന്ത് ആരോഗ്യ അസ്വസ്ഥതയെ കുറിച്ചാണെങ്കിലും തുറന്ന് പറയാന്‍ സാത്രീകള്‍ക്ക് സാധിക്കണം എന്നാണ് ഞാന്‍ വിശ്വസിക്കുന്നത് എന്ന് പാര്‍വ്വതി തിരുവോത്ത് പറയുന്നു. ഷൂട്ടിങ് സെറ്റില്‍ ആണെങ്കില്‍ പോലും പല സ്ത്രീകള്‍ക്കും അവരുടെ അവസ്ഥകള്‍ തുറന്ന് പറയാന്‍ സാധിക്കുന്നില്ല. അങ്ങനെയെങ്കില്‍ തന്റെ ആര്‍ത്തവത്തെ കുറിച്ച് ഏതെങ്കിലും സെറ്റില്‍ പാര്‍വ്വതി തിരുവോത്തിന് പറയേണ്ടി വന്നിട്ടുണ്ടോ എന്നായിരുന്നു ഹട്ടര്‍ഫ്‌ളൈയിലെ അഭിമുഖത്തില്‍ ഇന്റര്‍വ്യൂവര്‍ പാര്‍വ്വതിയോട് ചോദിച്ച ചോദ്യം.

തീര്‍ച്ചയായും ഞാന്‍ പറഞ്ഞിട്ടുണ്ട് എന്ന് പാര്‍വ്വതി തിരുവോത്ത് പറഞ്ഞു. മരിയാന്‍ എന്ന തമിഴ് സിനിമയുടെ ഷൂട്ടിങില്‍, ആദ്യത്തെ ദിവസം ഞാന്‍ പൂര്‍ണമായും കടല്‍ വെള്ളത്തില്‍ നനഞ്ഞ് റൊമാന്റിക് ചെയ്യുന്ന ഒരു രംഗമായിരുന്നു. വീണ്ടും വീണ്ടും വെള്ളം ഒഴിച്ചുകൊണ്ടിരിക്കുമ്പോള്‍ എനിക്കറിയാം എന്‍രെ പാഡ് നനയുകയാണ്. ഞാന്‍ മറ്റൊന്ന് കരുതിയിട്ടില്ല. ഒരു ഘട്ടത്തില്‍, എനിക്ക് ബ്രേക്ക് വേണം, ഹോട്ടലില്‍ പോയിട്ട് മാറിയിട്ട് വരണം എന്ന് പറയേണ്ടി വന്നു.

Also Read: ഏഴാം ക്ലാസിലെ എന്റെ ട്രോമയാണ് ആദ്യത്തെ ആര്‍ത്തവം, മറച്ച് വയ്ക്കുന്നത് അവസാനം കാന്‍സര്‍വരെയാവാം എന്ന് പാര്‍വ്വതി

പക്ഷേ അവര്‍ സമ്മതിച്ചില്ല, പറ്റില്ല പറ്റില്ല എന്ന് പറഞ്ഞപ്പോള്‍ എനിക്ക് ഉറക്കെ പറയേണ്ടി വന്നു, ഞാന്‍ പീരീഡ്‌സ് ആണ്, എനിക്ക് മുറിയില്‍ പോയി പാഡ് മാറ്റി വന്നേ പറ്റൂ എന്ന്. സത്യത്തില്‍ ആ ഒരു സാഹചര്യത്തോട് എങ്ങനെ പ്രതികരിക്കണം എന്ന് അവിടെ ആര്‍ക്കും അറിയില്ലായിരുന്നു. സെറ്റില്‍ സ്ത്രീകളുടെ സാന്നിധ്യം കുറവാണ് എന്നത് ഇത്തരം അവസ്ഥകള്‍ മനസ്സിലാക്കാതെ പോകുന്നതിന്റെ വലിയൊരു കാരണമാണ്. മലയാളം സിനിമ ഇന്റസ്ട്രിയില്‍ സ്ത്രീകള്‍ പൊതുവെ കുറവായിരിക്കും. സ്ത്രീകള്‍ അധികമുള്ള സെറ്റ് എന്നെ സംബന്ധിച്ച് വളരെ കംഫര്‍ട്ടാണ്- പാര്‍വ്വതി തിരുവോത്ത് പറഞ്ഞു.

Also Read: ദത്തെടുക്കാൻ തോന്നിയിട്ടില്ല! കൊള്ളി വയ്ക്കാനാണോ കുഞ്ഞുങ്ങൾ; ആവശ്യമായി തോന്നിയിട്ടില്ലെന്ന് സുധ

ഏഴാം ക്ലാസില്‍ പഠിക്കുമ്പോഴാണ് ആദ്യമായി ആര്‍ത്തവമായത്. അന്നു മുതലേ തൊട്ടുകൂടായ്മയും, മാറ്റി നിര്‍ത്തലിനും എതിരെ താന്‍ പോരാടിയതിനെ കുറിച്ചും ഇതേ അഭിമുഖത്തില്‍ പാര്‍വ്വതി തുറന്ന് സംസാരിക്കുന്നുണ്ട്. പെണ്‍കുട്ടികള്‍ക്ക് തുറന്ന് സംസാരിക്കാനുള്ള അവസരങ്ങള്‍ ഇല്ലാതാവുമ്പോള്‍, പലതും പറയാന്‍ നാണക്കേടുണ്ടാവുമ്പോള്‍ ചില അസുഖങ്ങള്‍ പോലും മറച്ചുവയ്ക്കപ്പെടുന്നു. അത് പിന്നീട് ഗുരുതരമായ അവസ്ഥയിലേക്ക് പോകും എന്നും തന്റെ അനുഭവം കൊണ്ട് പാര്‍വ്വതി തിരുവോത്ത് പറഞ്ഞു