എന്തൊക്കെ പറഞ്ഞാലും മറ്റെന്തിനെക്കാളും വലുത് ഭാര്യയും മക്കളും തന്നെയാണ് എന്ന് മോഹൻലാൽ; ചിത്രം വൈറലാവുന്നു

Authored by: അശ്വിനി പി|Samayam Malayalam•2 Nov 2025, 8:02 am

മമ്മൂട്ടിയാണോ, മോഹൻലാലാണോ ഫാമിലിമാൻ എന്ന് ചോദിച്ചാൽ, മോഹൻലാലിനെക്കാൾ ഫാമിലിയുമായി കൂടുതൽ അറ്റാച്ച് മമ്മൂട്ടി തന്നെയാണ് എന്നാണ് ഭൂരിഭാഗം പേരുടെയും അഭിപ്രായം. മമ്മൂട്ടി കുടുംബവുമായി ഒരുപാട് അറ്റാച്ച് ആണ്, ഒരുപാട് ഫാമിലി ടൈം എടുക്കാറുണ്ട്. എന്നാൽ മോഹൻലാലിന് അങ്ങനെ ഒന്നില്ല, മക്കൾ രണ്ടു പേരും എപ്പോഴും യാത്രകളിലാണ്, മോഹൻലാൽ ആണെങ്കിൽ മക്കളുടെ കാര്യങ്ങളിൽ ഇടപെടാറില്ല എന്നൊക്കെയാണ് പൊതുവെ ഉണ്ടായിരുന്ന സംസാരങ്ങൾ.

എന്നാൽ മോഹൻലാൽ എത്രത്തോളം നല്ല ഒരു അച്ഛനും കുടുംബനാഥനുമാണ് എന്ന് അടുത്തറിയാവുന്നവർക്ക് അറിയുന്ന ഒരു സത്യമാണ്. പലപ്പോഴും ലാലിന്റെ വാക്കുകളിൽ അത് വളരെ സ്പഷ്ടവും ആയിരുന്നു. മകൾ വിസ്മയയുടെ ആദ്യ ചിത്രമായ തുടക്കം എന്ന സിനിമയുടെ പൂജ വേളയിലെ സംസാരവും അക്കാര്യം ഒന്നുകൂടെ അടിവരയിട്ട് ഉറപ്പിക്കുന്നു.

Also Read: ക്രിസ്-ക്രോസ് ഹെയർസ്റ്റൈലിൽ നിൽക്കുന്ന ഈ താരപുത്രി ആരാണെന്ന് അറിയാമോ? മറഞ്ഞു നിന്ന് മകളെ ഫേമസ് ആക്കുന്ന അമ്മ!

മക്കളെ തന്നോളം വളർന്ന, തന്നെക്കാളും അറിവുള്ള വ്യക്തികളായിട്ടാണ് മോഹൻലാൽ കാണുന്നത്. അവരുടെ കഴിവിനെ വിശ്വസിക്കുകയും പ്രശംസിക്കുകയും ചെയ്യുന്നു. പൊതു സമൂഹത്തിൽ അഭിസംബധന ചെയ്യുമ്പോൾ, അവർ അദ്ദേഹം എന്നൊക്കെയാണ് വിശേഷിപ്പിക്കുന്നത്. മക്കളാണെങ്കിലും, അവരോടുള്ള ബഹുമാനത്തെ ആ വാക്കുകളിൽ കാണാം. അവരെ അവരുടെ ഇഷ്ടത്തിന് ജീവിക്കാൻ അനുവദിച്ച്, ആ വളർച്ചയിൽ അഭിമാനിക്കുന്ന ആളാണ്. അതേ സമയം മക്കൾ എന്തെങ്കിലും ആഗ്രഹം പറഞ്ഞാൽ അത് നിറവേറ്റി കൊടുക്കാൻ തന്നെകൊണ്ട് ആവുന്നത് പോലെ ശ്രമിക്കും എന്നതിന്റെ തെളിവുമാണ് പ്രണവിന്റെയും വിസ്മയയുടെയും സിനിമ അരങ്ങേറ്റവും.

എന്തൊക്കെ പറഞ്ഞാലും കുടുംബം തന്നെയാണ് മോഹൻലാലിന് ഏറ്റവും പ്രധാനം എന്ന് ജനങ്ങൾക്ക് അറിയാവുന്നതാണ്. അത് മോഹൻലാൽ തന്നെ ഇപ്പോൾ പറയുകയും ചെയയ്യുന്നു. ഏറ്റവുമൊടുവിൽ എടുത്ത ഒരു ഫാമിലി ചിത്രം പങ്കുവച്ചുകൊണ്ട് മോഹൻലാൽ ഇൻസ്റ്റഗ്രാമിൽ എഴുതി, All that genuinely matters, successful 1 frame- പ്രണവിനെയും വിസ്മയെയും ടാഗ് ചെയ്തുകൊണ്ടാണ് പോസ്റ്റ്. നിമിഷ നേരം കൊണ്ട് അത് ആരാധകർ ഏറ്റെടുക്കുകയും ചെയ്തു. ചിത്രത്തിന് താഴെ ലൈക്കുകളും കമന്റുകളും നിരയുകയാണ്.

പൊതുവേദിയിൽ സംസാരിക്കാൻ വളരെ അധികം പ്രയാസമാണ് വിസ്മയ മോഹൻലാലിനും പ്രണവ് മോഹൻലാലിനും. അത് മനസ്സിലാക്കിയ മോഹൻലാൽ തന്നെയാണ് അവർക്ക് വേണ്ടി അവരുടെ സിനിമകൾക്ക് വേണ്ടി സംസാരിക്കുന്നത്. പ്രണവിന്റെ ഇതുവരെയുള്ള ഏതെങ്കിലും സിനിമയ്ക്ക് ഏതെങ്കിലും തരത്തിലുള്ള പ്രമോഷനോ, ഓഡോയോ ലോഞ്ചോ, പൂജ ചടങ്ങോ നടന്നിട്ടുണ്ടെങ്കിൽ അവിടെയെല്ലാം മകന് വേണ്ടി, മകന്റെ സിനിമയ്ക്ക് വേണ്ടി സംസാരിച്ച ലാലിനെ കാണാമായിരുന്നു. ഇപ്പോൾ മകൾക്ക് വേണ്ടിയും.