എന്നാ പോയി കണ്ടോ! ഉത്സവമെന്ന് സുരാജ്; ഇംഗ്ളീഷ് സിനിമ പോലെയെന്ന് സുചിത്ര; പടം സൂപ്പറെന്ന് പ്രണവും; റിയാക്ഷൻസ്

Authored byഋതു നായർ | Samayam Malayalam | Updated: 27 Mar 2025, 11:03 am

Samayam Malayalamമോഹൻലാൽ സുചിത്ര സുരാജ്

ആരാധകർ ആകാംക്ഷയോടെ കാത്തിരുന്ന ചിത്രമാണ് എമ്പുരാൻ. അവരുടെ പ്രതീക്ഷയ്ക്ക് ഒരു വിള്ളൽ പോലും ഏൽപ്പിക്കാത്ത തരത്തിലാണ് ചിത്രം തങ്ങളിലേക്ക് എത്തിയത് എന്നാണ് സിനിമ കണ്ട ഓരോ പ്രേക്ഷകന്റെയും അഭിപ്രായം. കുറേ പ്രതീക്ഷിച്ചു. അതിന്റെ അപ്പുറത്ത് തന്നെ തന്നിട്ടുണ്ട്. പീക് തിയേറ്റർ എക്സ്പീരിയൻസ്. ഇൻട്രോയും ഇന്റർവെൽ ബ്ലോക്കും ക്ലൈമാക്സും എല്ലാം വേറെ ലെവൽ. എന്നും ആരാധകർ പറയുമ്പോൾ നടൻ സുരാജ് വെഞ്ഞാറമ്മൂട് പറയുന്നത് കേരളത്തിന് മാത്രമല്ല ദേശീയ തലത്തിൽ ഒരു ഉത്സവം ആണിത്. ദേശീയ ഉത്സവമായി പ്രഖ്യാപിച്ച് കഴിഞ്ഞു, എല്ലാ ആറ് വർഷത്തിലും ഈ ഉത്സവം വരും; നിങ്ങൾ കണ്ടില്ലെങ്കിൽ വലിയ നഷ്ടമെന്നും സുരാജ് വെഞ്ഞാറമ്മൂട് കൂട്ടിച്ചേർത്തു.

ALSO READ: സുചിത്ര പറഞ്ഞ ആ ദിവസം! എമ്പുരാൻ റിലീസ് മാത്രമല്ല, ലാലിൻറെ ജീവിതത്തിലെ മറ്റൊരു സന്തോഷദിനം; മകൾക്ക് ആശംസകളേകി താരം

കേരളത്തിന്റെ അല്ല ദേശീയ ഉത്സവം ആയി പ്രഖ്യാപിച്ചു. എല്ലാ ആറുവര്ഷത്തിലും ഈ ദേശീയ ഉത്സവം ആയി ഇങ്ങനെ വന്നോണ്ട് ഇരിക്കും. ലാലേട്ടൻ വൻ പൊളി പെർഫോമൻസ് ആണ്. ഒരു രക്ഷയും ഇല്ല. ഈ ആവേശം കാണുമ്പൊൾ എനിക്ക് ഉത്സവപ്രതീതി ആണ്. ഇനിയും ഇതുപോലെ ഉള്ള പാൻ ഇന്ത്യൻ സിനിമകൾ വരട്ടെ. അതിന്റെ ഒരു തുടക്കം ആകട്ടെ ഇതും. ഒരു ഡയറക്ടർ മാത്രമല്ല പൃഥ്വി ഒരു പ്രത്യേകതരം റോബോട്ടിക് ഫീൽ ആണ്- - സുരാജ് പറയുന്നു.

നല്ല പടം! എനിക്ക് ഭയങ്കര ഇഷ്ടമായി. ഇഗ്ളീഷ് സിനിമ പോലെ ഉണ്ടായിരുന്നു- സുചിത്രയുടെ പ്രതികരണം ഇങ്ങനെ ആയിരുന്നു. പടം സൂപ്പർ ആയിരുന്നു മകനും നടനും ആയ പ്രണവ് മോഹൻലാൽ വ്യക്തമാക്കി. ജീവിതത്തിൽ ആദ്യം ആയിട്ടാണ് ഫസ്റ്റ് ഡേ ഫസ്റ്റ് ഷോ കാണുന്നത്. എല്ലാവരും എമ്പുരാനെ എന്ന് വിളിക്കുമ്പോൾ ഞാൻ തമ്പുരാനേ എന്ന് വിളിക്കും- കണ്ണുകൾ നിറഞ്ഞുകൊണ്ട് മല്ലിക സുകുമാരനും പറയുന്നു.

മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ റിലീസായാണ് ചിത്രമെത്തിയത്. L2E: 2019 ലെ ബ്ലോക്ക്ബസ്റ്റർ പൊളിറ്റിക്കൽ ആക്ഷൻ ഡ്രാമയായ ലൂസിഫറിൻ്റെ തുടർച്ചയാണ് എംപുരാൻ. 143 ദിവസങ്ങളിലായാണ് ചിത്രം ചിത്രീകരിച്ചത്. മഞ്ജു വാര്യർ, ടൊവിനോ തോമസ്, സുരാജ് വെഞ്ഞാറമൂട്, തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്ന L2E നിർമ്മിക്കുന്നത് ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ്.