എന്റെ ജീവിതത്തിന്റെ പ്രകാശം! ജീവിതത്തിന് അർഥം നല്കിയവൾ; വിശാലിന്റെ സ്വത്തും പ്രണയവും

Authored by: ഋതു നായർ|Samayam Malayalam•21 Nov 2025, 9:29 am

തമിഴ് നടൻ വിശാൽ കൃഷ്ണ നടി സായ് ധൻസിക വിവാഹവാർത്ത വരുന്നത് ഈ അടുത്തായിരുന്നു. ചെന്നൈയിൽ പത്രസമ്മേളനത്തിനിടെയാണ് വിശാൽ ഒരു വലിയ പ്രഖ്യാപനം നടത്തിയത്. വിശാൽ തന്റെ വിവാഹത്തെക്കുറിച്ച് പ്രഖ്യാപനം നടത്തിയതുമുതൽ, സോഷ്യൽ മീഡിയയിൽ അദ്ദേഹത്തിന്റെ ആദ്യ വിവാഹ ചിത്രങ്ങൾക്കായി ആരാധകർ ആകാംക്ഷയോടെ കാത്തിരിക്കുകയിരുന്നു, പലവട്ടം വിശാലിന്റെ വിവാഹവാർത്ത സോഷ്യൽ മീഡിയയിൽ നിറഞ്ഞിട്ടുണ്ട് എങ്കിലും ഇത്തവണ ഔദ്യോഗികമായി അറിയിച്ചതോടെയാണ് ആരാധകർ തന്നെ ശാന്തരായത്. ഇപ്പോഴിതാ തന്റെ പ്രണയിനിക്ക് പിറന്നാൾ ആശംസകൾ നേർന്നുകൊണ്ട് വിശാൽ പങ്കുവച്ച പോസ്റ്റാണ് സോഷ്യൽ മീഡിയിൽ നിറയുന്നത്.

എന്റെ ജീവിതത്തിലെ പ്രകാശപൂർണ്ണമായ പ്രണയത്തിന് ജന്മദിനാശംസകൾ. എന്റെ പ്രിയപ്പെട്ടവളുടെ / ജീവിതത്തിന്റെ അര്ഥമായവൾക്ക് ഹൃദയം നിറഞ്ഞ ആശംസകൾ. എന്റെ ജീവിതത്തിന്റെ വെളിച്ചം. എന്റെ ജീവിതത്തിന്ററെ പ്രകാശം ഇന്ന് നീയാണ് എന്നും വിശാൽ കുറിച്ചു.

എന്റെ ജീവിതത്തിലേക്ക് വന്നതിനും, നിങ്ങളുടെ ജീവിതരീതികളിലൂടെ മറ്റുള്ളവരെ പ്രചോദിപ്പിച്ചതിനും, എന്റെ ജീവിതത്തിന് ഒരു അർത്ഥം നൽകിയതിനും നന്ദി.

പുഞ്ചിരി തുടരുക, ആ പോസിറ്റിവിറ്റി പങ്കിടുക, നമ്മളെ എന്നെന്നേക്കുമായി ഒരുമിച്ചു ജീവിക്കാൻ സഹായിച്ചതിന് ഞാൻ ഓരോ മിനിറ്റിലും ദൈവത്തിന് നന്ദി പറയുന്നു. സന്തോഷിക്കൂ. എന്നും വിശാൽ കുറിച്ചു. ഇതിനിടയിലാണ് വിശാലിന്റെ ആസ്തി കൂടി ചർച്ച ആയത്.

ALSO READ: ഇറച്ചിവെട്ട് പഠിച്ചു കൊടും ചൂടത്തും മഴയത്തും ഷൂട്ടിങ്; സ്ലീവ്‌ലെസ് ഇടാൻ മടിച്ച പെൺകുട്ടിയിൽ നിന്നും റേച്ചലിലേക്ക് ഉള്ള ദൂരം; മനസ് തുറന്ന് ഹണി

47 വയസ്സുകാരനായ വിശാൽ ഗ്രാനൈറ്റ് വ്യവസായി ജി.കെ. റെഡ്ഡിയുടെയും ജാനകി ദേവിയുടെയും മകനായിട്ടാണ് ജനിക്കുന്നത്. സഹോദരൻ വിക്രം കൃഷ്ണയും ഒരു നടനും നിർമ്മാതാവുമാണ്.

വിശാൽ 24 വർഷമായി ഈ മേഖലയിൽ സജീവമാണ്. തമിഴ് സിനിമയിലെ ഏറ്റവും വലിയ ഹിറ്റുകളിൽ നൽകിയത് വിശാൽ ആണ്. വിശാലിന്റെ മൊത്തം ആസ്തി 25 കോടി രൂപയാണ് എന്ന് റിപ്പോർട്ടുകൾ സൂചിപ്പിക്കുന്നു. 2013 ൽ അദ്ദേഹം വിശാൽ ഫിലിം ഫാക്ടറി എന്ന പേരിൽ ഒരു നിർമ്മാണ സ്ഥാപനവും തുടങ്ങിയിരുന്നു.

ചെന്നൈ ലയോള കോളേജിൽ നിന്ന് വിഷ്വൽ കമ്മ്യൂണിക്കേഷനിൽ ബിരുദം നേടിയ വിശാൽ നാടകഗ്രൂപ്പിൽ അംഗം ആയിരുന്നു.

ജാഗ്വാർ എക്സ്എഫ്, ഓഡി ക്യു7, ബിഎംഡബ്ല്യു എക്സ്6, ടൊയോട്ട ഇന്നോവ ക്രിസ്റ്റ തുടങ്ങിയ ആഡംബര കാറുകൾ അടക്കം നിരവധി വണ്ടികൾ ആണ് വിശാലിന്റെ ഗ്യാരേജിൽ ഉള്ളത്. വരലക്ഷ്മി ശരത്കുമാറും അനിഷ അല്ല റെഡ്ഡിയും ആയുള്ള ഗോസിപ്പ് വാർത്തകൾ ഇടക്ക് വന്നിരുന്നു.