എന്റെ നേട്ടങ്ങള്‍ക്ക് പിന്നില്‍ നില്‍ക്കുന്നവന്‍, എന്റെ കണ്ണിലുണ്ണ; അതേ നൈറ്റ് ഡ്രസ്സിട്ട് നവ്യ നായര്‍, മകന് ജന്മദിനാശംസകള്‍

Authored by: അശ്വിനി പി|Samayam Malayalam•22 Nov 2025, 6:41 pm

ജീവിതത്തോടും കരിയറിനോടും എല്ലാമുള്ള നവ്യ നായരുടെ കാഴ്ചപ്പാട് ഇപ്പോള്‍ തീര്‍ത്തും വ്യത്യസ്തമാണ്. ആ പക്വത നവ്യയുടെ സംസാരത്തിലും വ്യക്തമാണ്. ജീവിത അനുഭവങ്ങള്‍ തന്നെ പലതും പഠിപ്പിച്ചു എന്നാണ് ഇപ്പോള്‍ നല്‍കുന്ന അഭിമുഖങ്ങളില്‍ നടി പറയുന്നത്. പതിനഞ്ചുകാരന്റെ അമ്മ എന്ന നിലയിലും നവ്യ റോള്‍ മോഡലാണ് മറ്റുള്ളവര്‍ക്ക്. ഇപ്പോഴിതാ മകന്റെ ജന്മദിനത്തില്‍ നവ്യ പങ്കുവച്ച പോസ്റ്റ് സോഷ്യല്‍ മീഡിയയില്‍ ശ്രദ്ധ നേടുന്നു

രാവിലെ ഉണരുന്നതിന് മുന്‍പ് മകനെ ചേര്‍ത്തു പിടിച്ചു കിടക്കുന്ന സെല്‍ഫി ചിത്രങ്ങള്‍ക്കൊപ്പമാണ് നവ്യയുടെ പോസ്റ്റ്. വര്‍ഷങ്ങള്‍ക്ക് മുന്‍പ് ഇതേ നൈറ്റ് ഡ്രസ്സ് ഇട്ടുകൊണ്ട്, അതേ പോസിലുള്ള മറ്റൊരു ഫോട്ടോയും ചേര്‍ത്തുവച്ചിട്ടുണ്ട്. ഹാപ്പി ബര്‍ത്ത് ഡേ എന്റെ ലോകമേ എന്ന് പറഞ്ഞുകൊണ്ടാണ് പോസ്റ്റ് തുടങ്ങുന്നത്.

Also Read: മമ്മൂട്ടിയും രജിനികാന്തും ഡേറ്റ് കിട്ടാന്‍ വേണ്ടി കാത്തിരുന്ന താരം; ശാലിനി ഒരു സംഭവമായിരുന്നു എന്ന് പറയാന്‍ കാരണം?

നമ്മളെന്താണ് ചെയ്യുന്നത്, ഓരോ സംഭാഷണവും പഠിക്കുന്നത് വരെ വീണ്ടും വീണ്ടും ഒരു കോമഡി സിനിമ ആദ്യമായിട്ടെന്നോണം ഓരോ തവണയും ചിരിച്ചു കൊണ്ട് കാണുന്നു. സായി, നീ പരാതികളില്ലാത്ത, നാടകീയനല്ലാത്ത കുട്ടിയാണ്. എന്റെ എല്ലാ നേട്ടങ്ങള്‍ക്കുമൊപ്പം നില്‍ക്കുന്നവന്‍. ഇന്നും അവന്‍ അമ്മയുടെ അരികില്‍ വിശ്വസ്ത സഹായിയെ പോലെ ഉറങ്ങുന്നു. എന്റെ കണ്ണിലെ കൃഷ്ണമണി, ഏറ്റവും മധുരമുള്ള വേദന. ജന്മദിനാശംസകള്‍ വാവേ- നവ്യ നായര്‍ കുറിച്ചു.

2010 ല്‍ ആയിരുന്നു നവ്യ നായരുടെയും സന്തോഷ് മേനോന്റെയും വിവാഹം. അതേ വര്‍ഷം തന്നെ സായി കൃഷ്ണന്‍ പിറന്നു. ഇന്ന് മകന്റെ പതിനഞ്ചാം പിറന്നാളാണ്. മകന്റെ ഓരോ പിറന്നാളും വലിയ ആഘോഷമാക്കാറുള്ളതാണ് നവ്യ. വൈകാതെ ഇത്തവണത്തെ പിറന്നാള്‍ ആഘോഷത്തിന്റെ ചിത്രങ്ങളും പുറത്തുവന്നേക്കാം.


നവ്യ നായരും ഭര്‍ത്താവ് സന്തോഷ് നായരും വേര്‍പിരിഞ്ഞോ ഇല്ലയോ എന്ന തരത്തില്‍ സോഷ്യല്‍ മീഡിയയില്‍ പല തരത്തിലുള്ള ചര്‍ച്ചകളും നടന്നിരുന്നു. എന്നാല്‍ ഇതുവരെ നേരിട്ട് നവ്യ അക്കാര്യത്തില്‍ പ്രതികരണങ്ങള്‍ നടത്തിയിട്ടില്ല. ചില അഭിമുഖങ്ങളില്‍ നവ്യ നായര്‍ സംസാരിച്ചിട്ടുള്ള കാര്യങ്ങളുടെ അടിസ്ഥാനത്തിലാണ് വിവാഹ മോചന ഗോസിപ്പുകള്‍ വന്നത്. സന്തോഷ് നായര്‍ അമ്മയ്ക്ക് ചില ആരോഗ്യ പ്രശ്‌നങ്ങള്‍ ഉള്ളതിനാല്‍ വിട്ടു നില്‍ക്കുകയാണെന്നും, നവ്യ ഷോകളും സിനിമകളുമായി തിരക്കിലായതിനാലും ഒരുമിച്ച് നില്‍ക്കാന്‍ കഴിയുന്നില്ല എന്നാണ് പറയപ്പെടുന്നത്.