എല്ലാവരുടെയും വിചാരം എന്റെ അമ്മ ഭയങ്കര പാവം ആണെന്നാ പക്ഷെ അങ്ങനെയല്ല എന്റെ അമ്മ സ്ട്രോങ്ങ് ലേഡിയാ; ഞങ്ങളുടെ ബാക്ക് ബോൺ

Authored by: ഋതു നായർ|Samayam Malayalam•27 Nov 2025, 1:29 pm

തുടരും തുടരെത്തുടരെ ആളുകൾ കാണുന്നു എന്ന് ആളുകൾ പറയുമ്പോൾ ഒരുപാട് സന്തോഷമെന്ന് അവന്തിക രഞ്ജിത്ത് . ഗോവയിൽ ചലച്ചിത്ര മേളയിലേക്ക് തുടരും എത്തുമ്പോൾ അത് മഹാഭാഗ്യമായിട്ടാണ് അവന്തിക കാണുന്നത്. ചിത്രത്തിന്റെ കോ പ്രാഡ്യൂസർ കൂടിയായ അവന്തികയെ സംബന്ധിച്ചിടത്തോളം തുടരും വലിയ ഭാഗ്യം തന്നെയാണ്. ഞാൻ ചെറിയ പ്രായം തൊട്ടേ മോഹൻലാൽ ഫാൻ ആണ്. ചെറിയ പ്രായം തൊട്ടേ കാണുന്ന ആളാണ്, അത്രയും ക്ളോസ് ആണ് അദ്ദേഹവും ആയി.

ചെറുപ്പം മുതൽക്കേ പ്രൊഡക്ഷൻ തന്നെ ആയിരുന്നു താത്പര്യം. സ്റ്റുഡിയോ ആയിരുന്നു എങ്കിലും ലൊക്കേഷനുകളിൽ ആണെങ്കിലും അച്ഛന്റെ ഒപ്പം തന്നെ ആയിരുന്നു ഞാൻ ചെറുപ്പത്തിൽ. അതുകൊണ്ടാകാം എനിക്ക് പ്രൊഡക്ഷനിൽ ഇത്ര കമ്പം വന്നത്. ഞങ്ങളുടെ വീട്ടിൽ എപ്പോഴും സിനിമയാണ്. അത് ആസ്വദിക്കുന്നതിനു ഉപരി സിനിമ തന്നെ ആണ് ചർച്ചകൾ, അത് എന്തെങ്കിലും വിഷയം ആയിക്കോട്ടെ എന്ത് തന്നെ ആയാലും എപ്പോഴും നമ്മൾക്ക് എല്ലാം സിനിമ തന്നെയാണ്.

ALSO READ:ഡിസംബര്‍ 8 ന് ഉയര്‍ത്തെഴുനേല്‍പ്പ്! 18ന് പട്ടാഭിഷേകം; ഉത്രം നക്ഷത്രക്കാരൻ ഗോപാലകൃഷ്ണൻ; ആരാധകരുടെ പ്രാർത്ഥനയും ഒപ്പം
എനിക്ക് പെട്ടെന്ന് വന്ന താത്പര്യമില്ല സിനിമ, എന്റെ ശീലം അത് തന്നെ ആയിരുന്നു. വീട്ടുകാർക്ക് അറിയാമായിരുന്നു ഞാൻ പ്രൊഡക്ഷനിൽ ആകുമെന്ന്. തുടരും മൂവിക്ക് മുൻപേ ഞാൻ എത്തിയത് ഒരു വെബ് സീരീസിൽ ആയിരുന്നു തുടക്കം. അത് എനിക്ക് നല്ലൊരു എക്സ്പീരിയൻസ് ആയിരുന്നു. തുടരും സിനിമയിൽ നമ്മൾ അത്രയും കോൺഫിഡന്റ് ആയിരുന്നു കാരണം ആ ടീമിൽ നമ്മള്ക്ക് നല്ല വിശ്വാസം ആയിരുന്നു. ഓവർ ഹൈപ്പ് വേണ്ട എന്നുള്ളത് നമ്മൾ നേരത്തെ തീരുമാനിച്ചിരുന്നു.

ഞാനും അച്ഛനും ഒരേ ചിന്താഗതി ആയുള്ള ആളുകൾ ആണ്. തുടരും സിനിമയിൽ ഓവർ കോൺഫിഡൻസ് ഉണ്ടായിരുന്നില്ല, പക്ഷെ കോൺഫിഡൻസ് ഉണ്ടായിരുന്നു. എല്ലാവരും ആയി ഒരു നെറ്റ്‌വർക്ക് ഉണ്ടാകണം എന്നാണ് അച്ഛൻ എനിക്ക് ആകെ പറഞ്ഞുതന്നത്. അമ്മയും അങ്ങനെ തന്നെയാണ് പറഞ്ഞുതരുന്നത്. എന്റെയും അച്ഛന്റെയും ബാക്ക് ബോൺ ആണ് അമ്മ. എല്ലാവരുടെയും വിചാരം അമ്മ ഭയങ്കര പാവം ആണെന്നാണ് പക്ഷെ അങ്ങനെയല്ല. എന്റെ അമ്മ വളരെ സ്ട്രോങ്ങ് ആയ ലേഡിയാണ്. ഈ സിനിമക്ക് വേണ്ടി അച്ഛന്റെ ഒപ്പം അമ്മയാണ് സ്ട്രോങ്ങ് ആയി നിന്നത്. പിന്നെ സുനിൽ അങ്കിൾ (തുടരും മൂവി റൈറ്റർ). അവന്തിക മനസ് തുറന്നു.