ഒന്നിച്ചുള്ള 8 വർഷങ്ങൾ ഓമന മക്കൾ! ഒരേ പ്രായക്കാർ; മാട്രിമോണിയൽ വഴിയുള്ള അറേഞ്ച്ഡ് വിവാഹം; ആശംസകൾ നേർന്ന് ഫാൻസ്‌

Authored byഋതു നായർ | Samayam Malayalam | Updated: 23 Mar 2025, 11:06 am

Samayam Malayalamസഞ്ജു ലക്ഷ്മി

എന്തുവാ ഇത് ഒറ്റ ഡയലോഗിന്റെ ബ്രാൻഡ് അംബാസിഡേർസ്. ആ ഒറ്റ ഡയലോഗിലൂടെ മലയാളികളെ ഒന്നടങ്കം തങ്ങളിലേക്ക് ആകർഷിച്ച താര ദമ്പതികൾ ആണ് സഞ്ജുവും ലക്ഷ്മിയും. ടിക് ടോക്കിലൂടെ തുടങ്ങിയ ഇരുവരുടെയും പ്രയാണം ബിഗ് സ്ക്രീനിലേക്ക് എത്തിനിൽക്കുകയാണ്. മികച്ച യൂ ട്യൂബേർസായും തിളങ്ങുന്ന ഇവരുടെ കുടുംബം മുഴുവനും മികച്ച അഭിനേതാക്കൾ എന്ന് പ്രേക്ഷകരും അംഗീകരിച്ചതാണ്. ഇരുവരുടെയും ഓരോ വീഡിയോസിനും ലക്ഷകണക്കിന് പ്രേക്ഷകർ ആണുള്ളത്..
അടുത്തിടെ ഇറങ്ങിയതും ഇനി ഇറങ്ങാൻ പോകുന്നതുമായ ചില മലയാള ചിത്രങ്ങളിലും ഇരുവർക്കും അവസരം ലഭിച്ചിട്ടുണ്ട്. സോഷ്യൽ മീഡിയിലെ തുടക്കത്തിനെക്കുറിച്ചും, ബിഗ്‌ സ്‌ക്രീനിലേക്കുള്ള ഇരുവരുടെയും എൻട്രിയെക്കുറിച്ചും എല്ലാം പലവട്ടം പറഞ്ഞിട്ടുണ്ട് ഇരുവരും. ഇവരുടെ വിവാഹജീവിതം എട്ടാം വർഷത്തിലേക്ക് കടന്നിരിക്കുകാണ്. രണ്ടുപേർക്കും രണ്ടുകുഞ്ഞുമക്കളുമുണ്ട്. ഒരു മോളും മോനും. പ്രസവത്തിന്റെ അടുത്ത നാളുകൾ വരെ ലക്ഷ്മി അഭിനയത്തിൽ സജീവമായിരുന്നു. അടുത്തകാലത്തിറങ്ങിയ സൂപ്പർ ഹിറ്റ് ചിത്രങ്ങളുടെ ഒക്കെ ഭാഗമാണ് ഇവർ. ലക്ഷ്മിയും സഞ്ജുവും വിവാഹജീവിതത്തിന്റെ മറ്റൊരു വർഷത്തിലേക്ക് കടക്കുമ്പോൾ ആശംസകൾ കൊണ്ട് മൂടുകയാണ് പ്രിയപ്പെട്ടവർ പ്രത്യേകിച്ചും ഫാൻസ്‌.

ALSO READ: ചേച്ചിയ്ക്ക് കേക്ക് വായിൽ വച്ച് കൊടുക്ക് മോളെ! ഞങ്ങളുടെ സ്വന്തം മീനൂട്ടിക്ക് 25 ആയെന്ന് കാവ്യ; പിറന്നാൾ സന്തോഷം

ഇവരുടെ കെമിസ്ട്രി കണ്ടാൽ ആരായാലും പ്രണയവിവാഹം ആണോ എന്ന് സംശയിക്കും. എന്നാൽ ഒരേ പ്രായക്കാർ ആയ ഇവരുടെ ബന്ധം മാട്രിമോണിയൽ വഴിയുള്ള പക്കാ അറേഞ്ചഡ് വിവാഹം വഴിയാണ് നടന്നത്; . പെണ്ണ് കണ്ട് രണ്ടുവീട്ടുകാരും പറഞ്ഞുറപ്പിക്കുകയായിരുന്നു പിഡബ്ലുഡി കോൺട്രാക്ടർ ആയിരുന്നുസഞ്ജു, എന്നാൽ ഇപ്പോൾ തത്ക്കാലം ഒരു ബ്രെയ്ക്ക് കൊടുത്തുകൊണ്ടാണ് ചാനലിലും സിനിമകളിലും ഇരുവരും ശ്രദ്ധിക്കുന്നത്. ലക്ഷ്മിക്ക് കോളേജ് അദ്ധ്യാപിക ആകാനായിരുന്നു ഇഷ്ടം. അതിനായി പ്രിപ്പെയർ ചെയ്യുന്നുണ്ടായിരുന്നു എന്നാൽ ഇപ്പോൾ അതിനേക്കാളൊക്കെ കക്ഷിക്ക് അഭിനയത്തോടാണ് കൂടുതൽ താത്പര്യം.

ടിക് ടോക്കിൽ നിന്നുമായിരുന്നു ഇവരുടെ തുടക്കം. ടിക് ടോക്ക് ബാൻ ആയ ശേഷമാണു ഫേസ്ബുക്കിലേക്കും യൂ ട്യൂബിലേക്കും തിരിയുന്നത്. പാഷൻ കൊണ്ട് ചെയ്യുന്നതായിരുന്നു വീഡിയോസിൽ പലതും, അല്ലാതെ റീച്ചോന്നും ടാർജറ്റ് ചെയ്തിരുന്നില്ല. എന്നാൽ ടിക് ടോക്കിൽ കിട്ടിയതിനേക്കാളും സ്നേഹം കിട്ടി തുടങ്ങുന്നത് ലെങ്ങ്തി വീഡിയോസ് ഇടുന്നതിൽ നിന്നുമായിരുന്നു. സഞ്ജു ചേട്ടന്റെ ആശയങ്ങളാണ് പലവീഡിയോസും. സിനിമയോടുള്ള അദ്ദേഹത്തിന്റെ പാഷനാണ് പലപ്പോഴും ഞങ്ങൾക്ക് തുണ ആയതും. ചേട്ടന്റെ നിർബന്ധം കൊണ്ടായിരുന്നു ആദ്യം ഞാൻ വീഡിയോയിൽ എത്തുന്നത് എങ്കിലും ഇപ്പോൾ ഞാനും ഏറെ ആസ്വദിക്കുന്നുണ്ട് ഈ മേഖല- ലക്ഷ്മിയും സഞ്ജുവും ഞങ്ങൾക്ക് തന്ന അഭിമുഖത്തിൽ പറഞ്ഞിട്ടുണ്ട്