കാറിലേക്ക് കയറുമ്പോൾ അനുശ്രീ നോക്കിയ ആ നോട്ടം! എല്ലാത്തിനും ഉള്ള മറുപടി ഇതിലുണ്ട്; അനുശ്രീയുടെ മറുപടി പൊളിച്ചെന്ന് സോഷ്യൽ മീഡിയ

Authored by: ഋതു നായർ|Samayam Malayalam•1 Dec 2025, 12:48 pm

ഏറെ ആരാധകരുള്ള നടിയാണ് അനുശ്രീ . സോഷ്യൽ മീഡിയയിൽ നിന്നും ഒരേ സമയം കൈയടിയും ഒരേ സമയം സൈബർ അറ്റാക്കും നേടിയ താരം മിക്കപ്പോഴും നൽകുന്ന മറുപടികൾ കുറിക്കുകൊള്ളുന്നതാണ്. ഭാരതാംബയുടെ വേഷം കെട്ടിയതിനെ കുറിച്ചും കൈയിൽ രാഖി ധരിച്ചതിനെക്കുറിച്ചുമെല്ലാം ചർച്ചകൾ ഇടക്കിടെ നടക്കാറുണ്ട്. എന്നാൽ സാധാ നാട്ടിന്പുറത്തുകാരിയായ അനുശ്രീ നാട്ടിലെ എന്ത് വിശേഷത്തിലും പ്രത്യേകിച്ചും അമ്പലങ്ങളിലെ പരിപാടികളിൽ ഭാഗം ആകാറുണ്ട്. താൻ പ്രത്യേകം ഒരു രാഷ്ട്രീയ പാർട്ടിയുടെയും ഭാഗം അല്ലെന്നു വ്യക്തമാക്കി എങ്കിലും പലപ്പോഴും ഒരു പ്രത്യേക രാഷ്ട്രീയ പാർട്ടിയുടെ പേരിൽ അനുശ്രീ പഴി കേൾക്കാറുണ്ട്.

ഇപ്പോൾ ഏറ്റവും ഒടുവിൽ അനുശ്രീ മാധ്യമങ്ങളുടെ ചോദ്യത്തിന് നൽകിയ മറുപടിയാണ് വൈറൽ ആകുന്നത്. പാലക്കാട് ഒരു ചടങ്ങിൽ പങ്കെടുത്ത് കാറിലേക്ക് കയറാൻ ശ്രമിക്കുന്ന അനുശ്രീയോട് പാലക്കാട് ആണോ കൊല്ലം ആണോ ഏറെ ഇഷ്ടം എന്ന ചോദ്യത്തിന് ആണ് അനുശ്രീ വായ അടപ്പിക്കുന്ന മറുപടി നൽകിയത്.

എനിക്ക് പാലക്കാടും കൊല്ലവും ഇഷ്ടം ആണെന്ന് ആണ് അനുശ്രീ പ്രതികരിച്ചത്. എന്നാൽ ഇറിറ്റേറ്റ് ചെയ്യുന്ന പോലെയൊരു ചോദ്യത്തിന് മറുപടി നൽകാതെ അനുശ്രീ നോക്കിയ ഒരു നോട്ടം ഉണ്ട്. വളരെ തീഷ്ണതയോടെ ഉള്ള ആ നോട്ടം തന്നെയാണ് എല്ലാത്തിനും ഉള്ള മറുപടി എന്നായിരുന്നു നടിയുടെ ആരാധകർ കുറിച്ചത്.

ALSO READ: ഡിസംബര്‍ 8 ന് ഉയര്‍ത്തെഴുനേല്‍പ്പ്! 18ന് പട്ടാഭിഷേകം; ഉത്രം നക്ഷത്രക്കാരൻ ഗോപാലകൃഷ്ണൻ; ആരാധകരുടെ പ്രാർത്ഥനയും ഒപ്പം

അതേ സമയം കുറച്ചധികം ദിവസങ്ങൾ ആയി അനുശ്രീക്ക് എതിരെ കടുത്ത രീതിയിൽ ഉള്ള സൈബർ അറ്റാക്ക് ആണ് നടക്കുന്നത്. ആരോപണ വിധേയന് ഒപ്പം ഒരുമിച്ചു വേദി പങ്കിട്ടു എന്തിന്റെ പേരിൽ ആണ് അനു പങ്കിടുന്ന പോസ്റ്റുകളിൽ ചിലർ അശ്‌ളീല വാക്കുകൾ കൊണ്ട് സൈബർ അറ്റാക്ക് നടത്തുന്നത്.

സോഷ്യൽ മീഡിയയിൽ ഏറെ സജീവമായ അനുശ്രീ സുഹൃത് ബന്ധങ്ങൾക്കും അതീവ പ്രാധാന്യം കൊടുക്കുന്ന ആളാണ്. മിക്കപ്പോഴും സുഹൃത്തുക്കളെക്കുറിച്ചുള്ള അനുവിന്റെ വാക്കുകൾ വൈറൽ ആയിട്ടുണ്ട്.