കുഞ്ഞിന് ആറുമാസം പ്രായമുള്ളപ്പോൾ ഭർത്താവിന്റെ മരണം! ജ്യോതിപ്രകാശ് വന്നത് വെളിച്ചമായി; സിനിമയെവെല്ലുന്ന വിനയയുടെ ലൈഫ്

കുടുംബം പുലർത്താനും മകളെ വളർത്താനും അഭിനയമല്ലാതെ മറ്റൊരു വഴി അവർക്ക് മുന്നിലുണ്ടായിരുന്നില്ല...ദുഃഖങ്ങൾ ഉള്ളിലൊതുക്കി ക്യാമറക്ക് മുന്നിൽ അവർ ചിരിച്ചു...ആ കരുത്താണ് അവരെ ഇന്നും തെന്നിന്ത്യൻ സിനിമയിലെ ആദരണീയയായ വ്യക്തിത്വമായി നിലനിർത്തുന്നത്...

(ഫോട്ടോസ്- Samayam Malayalam)

ഇന്നും മലയാളികൾക്ക് ശ്രീദേവിയാണ് വിനയ . മണിച്ചിത്രത്താഴിലെ ശ്രീദേവി. സണ്ണിയെ കാത്തിരിക്കുന്ന ശ്രീദേവി. വിനയയുടെ റിയൽ ലൈഫ് പക്ഷേ സിനിമയെ വെല്ലുന്നതാണ്. വളരെ ചെറിയ പ്രായത്തിൽ തന്നെ വൈധവ്യത്തിലേക്ക് എത്തിയ വിനയയുടെ മകൾ ജനിച്ച് ആറാം മാസമാണ് വിനയയുടെ ഭർത്താവ് പ്രസാദിന്റെ മരണം. അദ്ദേഹത്തിന്റെ മരണം ആദ്യം തകർത്തുകളഞ്ഞു എങ്കിലും തന്റെയും മകളുടെയും ജീവിതം വിനയ സ്വയം തിരിച്ചുപിടിച്ചു. വിനയ ഒരുപാട് ടെലിവിഷൻ സീരിയലുകളിലും ഭാഗവും ആയിരുന്നു. അവരുടെ വശ്യത തുളുമ്പുന്ന കണ്ണുകൾക്ക് ഇന്നും ആരാധകർ ഏറെയുണ്ട്.

സംവിധായകൻ പ്രസാദ് ആയിരുന്നു ഭർത്താവ്. പിന്നീട് മകൾക്ക് ഒപ്പം കഴിഞ്ഞ വിനയ ഏറെ വർഷങ്ങൾക്ക് ശേഷം ആണ് മറ്റൊരു ജീവിതത്തിലേക്ക് കടന്നത്. സംവിധായകൻ ജ്യോതിപ്രകാശ് വിനയയുടെ ജീവിതത്തിലേക്ക് കടന്നുവന്നതും ഒരു പ്രകാശം പോലെ ആയിരുന്നു...മകൾക്ക് അച്ഛനായും വിനയക്ക് കൂട്ടായും അദ്ദേഹം എത്തിയതോടെ ആ ജീവിതം വീണ്ടും വർണ്ണാഭമായി..അതിലൊരു മകനുമുണ്ട്. കുടുംബജീവിതമെന്ന് വിനയ പലപ്പോഴും പറയാറുണ്ട്..