കുഞ്ഞുങ്ങളെ ഉപേക്ഷിച്ചില്ല, ദിവ്യയും കൂടെയുണ്ട്; ആശയുടെ മരണം അപ്രതീക്ഷിതമാണ്; പഴിക്കുന്നവർ ഇതും കൂടി അറിയണം

Authored by: ഋതു നായർ|Samayam Malayalam•6 Oct 2025, 1:12 pm

കഴിഞ്ഞദിവസം മുതൽ ഉല്ലാസ് പന്തളത്തിന് എതിരെ ശാപവാക്കുകൾ കൊണ്ട് സൈബർ അറ്റാക്ക് നടത്തുകയാണ് സോഷ്യൽ മീഡിയ. അദ്ദേഹത്തിന് സ്ട്രോക്ക് വന്നത് ശാപം എന്നൊക്കെയാണ് ചിലരുടെ കമന്റുകൾ. എന്നാൽ യഥാർത്ഥ ജീവിതത്തിൽ നടന്നത് എന്തെന്ന് അറിയാതെ അദ്ദേഹത്തിനെതിരെയുള്ള സൈബർ അറ്റാക്ക് തീർത്തും സങ്കടകരം എന്നാണ് പ്രിയപ്പെട്ടവർ കുറിക്കുന്നത്. അദ്ദേഹത്തിന്റെ ആദ്യ ഭാര്യ ആശയുടെ മരണം തീർത്തും അപ്രതീക്ഷിതം ആയിരുന്നു. അത് ആത്മഹത്യ ആയിരുന്നുവെന്നും ഉല്ലാസ് നല്ലൊരു മരുമകൻ ആയിരുന്നു തങ്ങൾക്കെന്നും, ആശയുടെ പിതാവ് തന്നെ സ്ഥിരീകരീച്ച അവസരത്തിൽ പോലും ഉല്ലാസിനെ ആരും വെറുതെ വിട്ടിരുന്നില്ല.

ചില ജഡ്ജ്‌മെന്റൽ കമന്റുകളിലൂടെ അദ്ദേഹത്തെ അന്നും ഉപദ്രവിച്ച നിരവധി ആളുകൾ ഉണ്ട്. ഭാര്യയുടെ മരണശേഷം ഇന്ഡസ്ട്രിയിലേക്ക് മടങ്ങി വന്നാൽ മാത്രമേ അദ്ദേഹത്തിന്റെ മുന്പോട്ടുള്ള ജീവിതം പോകുമായിരുന്നുള്ളൂ. എന്നിരിക്കെ അന്നും ഉല്ലാസിനെതിരെ ഒരുപറ്റം ആളുകൾ നെഗറ്റീവ് കമന്റുകൾ പങ്കുവച്ചു. അതിന്റെ പിന്നാലെ ആയിരുന്നു അദ്ദേഹത്തിന്റെ വിവാഹം. ഷൂട്ടിങ് ആവശ്യവും ആയി ബന്ധപ്പെട്ടുകൊണ്ട് വീട്ടിൽ നിന്നും ദൂര സ്ഥലങ്ങളിലേക്ക് പോകേണ്ട ആവശ്യം ഉള്ള ആളാണ് ഒരു കലാകാരൻ. ഉല്ലാസും തിരക്കുള്ള ഒരു ആർട്ടിസ്റ്റ് ആകയാൽ നിരവധി വേദികളിൽ പോകേണ്ടി വരും.

ഇടക്ക് കിട്ടുന്ന ഒഴിവ് സമയങ്ങളിൽ വീട്ടിൽ വന്നു പോകുന്ന അദ്ദേഹത്തിന് ഉറപ്പായും വീട്ടുകാര്യങ്ങളും കുഞ്ഞുങ്ങളുടെ കാര്യങ്ങളും ശ്രദ്ധിക്കാൻ ആകില്ല. ആ അവസ്ഥയിൽ ആണ് അദ്ദേഹം മറ്റൊരു വിവാഹത്തെ കുറിച്ചുകൂടി ചിന്തിക്കുന്നത്. അവിടെയും കുഞ്ഞുങ്ങളെ സ്നേഹിക്കുന്ന ഒപ്പം നിർത്തുന്ന ആളെയാണ് അദ്ദേഹം ഭാര്യ ആയി സ്വീകരിച്ചത്കുഞ്ഞുങ്ങൾ രണ്ടുപേരും ആയി അടുത്ത ബന്ധമാണ് അദ്ദേഹത്തിന്റെ ഭാര്യ ദിവ്യ പുലർത്തുന്നത് എന്ന് പുറത്തുവന്ന പോസ്റ്റുകളിലും ഇക്കഴിഞ്ഞ ദിവസത്തെ വീഡിയോയിലും വ്യക്തമാണ്.

ALSO READ: അശ്വിനെ കാണുമ്പോളൊക്കെ എഴുന്നേറ്റ് നിക്കണോ! എന്റെ ചേച്ചിയേക്കാൾ പ്രായം കൊണ്ട് താഴെയാണ് അശ്വിൻ; ദിയയുടെ മറുപടി
ഭാര്യയുടെ/ ഭർത്താവിന്റെ മരണം ശേഷം അല്ലെങ്കിൽ ഡിവോഴ്സിന് ശേഷം ഒരു സ്ത്രീയോ പുരുഷനോ മറ്റൊരു ജീവിതത്തിലേക്ക് പോയാൽ ഈ മലയാളികൾക്ക് ഇടയിൽ മാത്രം എന്തിനാണ് ഇത്രയും സദാചാര വാദങ്ങൾ നിറയുന്നത്. ഇപ്പോൾ അദ്ദേഹത്തിന് വന്ന ആരോഗ്യപ്രശ്നങ്ങൾ ഭാര്യ ശപിച്ചതാണ് എന്നുള്ള വാക്കുകൾ എന്തിനു കുത്തിനിറയ്ക്കുന്നു എന്ന് മനസിലാകുന്നില്ലെന്നും ഉല്ലാസിനെ അറിയുന്ന, മനസിലാക്കുന്ന ആളുകൾ കുറിക്കുന്നുണ്ട്. ഒപ്പം അദ്ദേഹത്തിന്റെ നിലവിൽ ആരോഗ്യവിഷയങ്ങൾ മാറി ഇന്ഡസ്ട്രിയിലേക്ക് തിരികെ എത്തട്ടെ എന്ന ആശംസകളും.