കുഞ്ഞുങ്ങൾ എല്ലാം എന്റെ ഒപ്പമുണ്ടായിരുന്നു! അവന് സാക്ഷാൽ സുകുമാരന്റെ അതേ സ്വഭാവമാണ് നുണ പറഞ്ഞാൽ സഹിക്കില്ല

Authored byഋതു നായർ | Samayam Malayalam | Updated: 31 Mar 2025, 12:32 pm

Samayam Malayalamമല്ലിക സുകുമാരൻ പൃഥ്‌വി

എമ്പുരാനെ കുറിച്ച് നിരവധി രാജ്യങ്ങളിൽ നിന്നും നിരവധി സന്ദേശങ്ങൾ ആണ് തനിക്ക് ലഭിക്കുന്നതെന്ന് മല്ലിക സുകുമാരൻ. പ്രശംസിക്കാൻ എത്താതെ വിമർശനം മാത്രം ഇറക്കുന്നത് കേരളത്തിൽമാത്രമാണ്. അതിന്റെ പുറകിൽ അപ്പോൾ ആരാണ്. ആ സ്വാധീന ശക്തിയിൽ നമ്മൾ വീഴില്ല. നമ്മുടെ ജീവിതം നിശ്ചയിക്കുന്നത് ദൈവമാണ്. മലയാള സിനിമക്ക് അഭിമാനമായി മാറണം പൃഥ്വി എന്ന് പറയുന്നതിന് പകരം ഇങ്ങനെ വളഞ്ഞിട്ട് ആക്രമിക്കുന്നത് കരുതി കൂട്ടിയാണ്. ഇത് ഇന്നും ഇന്നലെയും തുടങ്ങിയതല്ല. ഈ പടം ഇറങ്ങാതെ ഇരിക്കാൻ ഒരു ശ്രമം ആദ്യംനടന്നു. തീയേറ്ററിൽ ഇനി റിലീസ് ഇല്ലെന്ന് ആദ്യമേ പറഞ്ഞു. അന്ന് മനസിലായില്ല പക്ഷേ ഇപ്പോൾ എല്ലാം ബന്ധപ്പെട്ടിരിക്കുന്നു- മല്ലിക പറയുന്നു

ഈ പടം സമയത്തിന് ഇറങ്ങാതെ ഇരിക്കാൻ ആയിരുന്നു ആദ്യ ശ്രമം. ഞങ്ങൾ ഒന്നും ഇതേ വരെ കാര്യ സാധ്യത്തിനുവേണ്ടി ഒരു രാഷ്ട്രീയ പാർട്ടിയുടെയും കൊടി പിടിക്കാൻ പോയിട്ടില്ല. വ്യക്തിപരമായി ഒരുപാട് ബഹുമാനിക്കുന്ന ഒരു പ്രസ്ഥാനമുണ്ട്. എന്റെ ജന്മത്തിൽ എനിക്ക് കരുണാകരനെ മറക്കാൻ ആകില്ല. സുകുമാരൻ അതിനും ചില കാര്യങ്ങൾ നേരിട്ടിരുന്നു. ദേശീയതലത്തിൽ അന്തർദേശീയ തലത്തിൽ പല ശ്രമങ്ങൾ നടക്കും. പക്ഷേ അതൊന്നും നമ്മളെ ബാധിക്കില്ല. അവൻ കഷ്ടപ്പെട്ട് ജീവിക്കും. മോനെ കഷ്ടപെടണം സത്യസന്ധതവേണം എന്നാണ് എന്റെ മക്കളെ ഞാൻ പഠിപ്പിച്ചത്.

ALSO READ: സ്വപ്നങ്ങളെ വിശ്വസിക്കാൻ പറയുന്ന അമ്മ! എന്നെ പൂർണ്ണമായി മനസിലാക്കുന്ന ഭാര്യ; മോൾ എന്റെ സ്വപ്നത്തിനു കൂട്ടുനിൽക്കുന്നു; പൃഥ്വിയുടെ വാക്കുകൾ

ഇന്നലെ പൃഥ്വിയും ഇന്ദ്രനും കുടുംബസമേതം എന്റെ ഒപ്പം ഉണ്ടായിരുന്നു. ഇതൊന്നും കേട്ടാൽ സങ്കടം വരുന്ന ആളൊന്നും അല്ല പൃഥ്വി. അവൻ ഇതൊന്നും കാണിക്കാതെ എന്തൊക്കെയോ എഴുതിതി ചേർത്ത് എന്ന ധ്വനിയിൽ ആരൊക്കെയോ സംസാരിച്ചിട്ടുണ്ട്. മേജർ രവി അടക്കം ഇത് പറഞ്ഞിട്ടുണ്ട്. അങ്ങനെ ഉള്ള നുണകൾ അവനു സഹിക്കില്ല. പൃഥ്‌വി ക്ക് സാക്ഷാൽ സുകുമാരന്റെ സ്വഭാവം ആണ്. നുണ പറഞ്ഞാൽ അവനു വലിയ വിഷമം ആണ് മല്ലിക സുകുമാരൻ പറഞ്ഞു.

ഇക്കഴിഞ്ഞദിവസം മല്ലിക പോസ്റ്റ് പങ്കുവച്ചും എത്തിയിരുന്നു.

അതേമസയം പെരുനാൾ തിരക്കിനിടയിലും തന്റെ പോസ്റ്റ് കണ്ട് കാര്യം അന്വേഷിച്ചുകൊണ്ട് മമ്മൂട്ടി വിളിച്ചുവെന്നും മല്ലിക പറഞ്ഞു. പെരുന്നാൾ തിരക്കിനിടയിലും പോസ്റ്റ് കണ്ടുവെന്ന് പറഞ്ഞ് മമ്മൂട്ടി മെസ്സേജ് അയച്ചു. ഒരു ആശ്വാസവചനം പറയാൻ വേറെയാരെങ്കിലും എന്നെ വിളിച്ചോ? മെസ്സേജ് അയച്ചോ? ഇല്ലല്ലോ? മല്ലിക ചോദിച്ചു