ജഗതിനെ ആദ്യം കണ്ടത് ഗോവയില്‍! സിനിമയിലാണെന്ന് മാത്രം പറഞ്ഞില്ല! ലോകം അറിയുന്ന സെലിബ്രിറ്റിയായിട്ടും അതെങ്ങനെ മറച്ചുവെച്ചു? ആ ചോദ്യത്തിന് മറുപടിയുമായി അമല പോള്‍

Samayam Malayalam | Updated: 6 May 2025, 3:56 pm

നീലത്താമരയിലൂടെയായി അഭിനയ ജീവിതം തുടങ്ങിയതാണ് അമല പോള്‍. മലയാളത്തിലൂടെ തുടങ്ങി അന്യഭാഷകളിലും സാന്നിധ്യം അറിയിക്കുകയായിരുന്നു അമല. തിരക്കുകള്‍ക്കിടയിലും മലയാള സിനിമയുമായി നടി എത്താറുണ്ട്. വിവാഹ ശേഷവും, ഗര്‍ഭിണിയായപ്പോഴും, പ്രസവ ശേഷവുമെല്ലാം അമല സിനിമയില്‍ സജീവമായിരുന്നു. പ്രസവം കഴിഞ്ഞ് ദിവസങ്ങള്‍ പിന്നിടുന്നതിനിടയില്‍ പ്രമോഷന്‍ പരിപാടികളില്‍ പങ്കെടുത്തിരുന്നു. ഫാമിലിയുടെ സപ്പോര്‍ട്ടാണ് എന്നെ നയിക്കുന്നതെന്ന് താരം വ്യക്തമാക്കിയിരുന്നു.

പ്രിയതമന്‍ ജഗതിനെക്കുറിച്ചും, മകന്‍ ഇലൈയെക്കുറിച്ചുമെല്ലാം വാചാലയാവാറുണ്ട് അമല. അടുത്തിടെ ജെഎഫ് ഡബ്ലു വേദിയില്‍ എത്തിയപ്പോഴും ഭര്‍ത്താവിനെക്കുറിച്ച് സംസാരിച്ചിരുന്നു. ജഗതുമായി ഡേറ്റ് ചെയ്യുന്ന സമയത്ത് ഞാന്‍ നടിയാണെന്ന് പറഞ്ഞിരുന്നില്ല. ഒരു പ്രൈവറ്റ് ഇന്‍സ്റ്റഗ്രാം അക്കൗണ്ട് ഐഡിയൊക്കെയാണ് ആള്‍ക്ക് ആദ്യം കൊടുത്തത്. പ്രഗ്നന്റായിട്ട് ഞങ്ങള്‍ വീട്ടിലിരിക്കുന്ന സമയത്താണ് പുള്ളി എന്റെ സിനിമകളൊക്കെ കാണുന്നത്. അവാര്‍ഡ് നൈറ്റുകളൊക്കെ ഇരുന്ന് കാണാറുണ്ട്. റെഡ് കാര്‍പ്പറ്റില്‍ നടക്കുന്നതും, സംസാരിക്കുന്നതിനെക്കുറിച്ചുമെല്ലാം എന്നോട് ചോദിച്ചിരുന്നു. എപ്പോഴാണ് ലൈവായി അത് കാണാനാവുക എന്ന് ചോദിച്ചിരുന്നു.

Also Read: ഞങ്ങളുടെ ജീവിതം കളറാക്കിയതിന് നിന്നോട് കടപ്പെട്ടിരിക്കുന്നു മാലാഖക്കുഞ്ഞേ! ഇപ്പോള്‍ അമാലിന്റെ ഫോട്ടോ കോപ്പിയായല്ലോ! കുഞ്ഞുമറിയത്തെ സ്‌നേഹം കൊണ്ട് മൂടി പ്രിയപ്പെട്ടവരും

ഒരു അവാര്‍ഡ് കിട്ടുന്നതിനെക്കുറിച്ച് ചോദിച്ചപ്പോള്‍ എനിക്കും വ്യക്തമായൊരു മറുപടിയില്ലായിരുന്നു. എട്ടാം മാസം പ്രഗ്നന്റായിരിക്കുമ്പോഴാണ് ഈ സംഭവം. അന്ന് ലെവല്‍ ക്രോസ് റിലീസ് ചെയ്തിരുന്നില്ല. ഇപ്പോഴിതാ അത് സഫലമായിരിക്കുകയാണ്. അതില്‍ സന്തോഷമുണ്ട്. ഒത്തിരി വെല്ലുവിളികള്‍ നേരിട്ടായിരുന്നു ഈ സിനിമ പൂര്‍ത്തിയാക്കിയത്. മികച്ച നടി(മലയാളം)ക്കുള്ള പുരസ്‌കാരമായിരുന്നു അമലയ്ക്ക് ലഭിച്ചത്. വേദിയിലേക്ക് ജഗതിനെയും വിളിച്ചിരുന്നുവെങ്കിലും വരുന്നില്ലെന്നായിരുന്നു പറഞ്ഞത്. മകനെ ഉറക്കാനായി പാടുന്ന പാട്ടിനെക്കുറിച്ച് ചോദിച്ചപ്പോള്‍ ജഗത് ഉണ്ണി വാവാവോ പഠിച്ചിട്ടുണ്ട്. അത് പാടുമെന്ന് അമല പറഞ്ഞിരുന്നു. മൈക്ക് കൊടുത്തപ്പോള്‍ ജഗത് ആ പാട്ട് പാടിയിരുന്നു.


മോന് എട്ട് മാസമായി. ഫുള്‍ ടൈം ഞാനല്ല മോനെ നോക്കുന്നത്. കരയുന്ന സമയത്ത് ഉറക്കുന്നത് അത്ര എളുപ്പമുള്ള കാര്യമല്ല. ആദ്യം മലയാളം പാട്ടുകളൊക്കെ പാടി കൊടുക്കുമായിരുന്നു. പിന്നെ യൂട്യൂബില്‍ പാട്ട് വെച്ച് കൊടുക്കാന്‍ തുടങ്ങി.

ലോകം അറിയുന്ന നടിയായിട്ടും അതെങ്ങനെ മറച്ചുവെച്ചു എന്നായിരുന്നു അവതാരക ചോദിച്ചത്.ഗോവയില്‍ വെച്ചാണ് ഞാന്‍ പുള്ളിയെ കണ്ടുമുട്ടിയത്. പുള്ളി ഗുജറാത്തുകാരനാണ്.സൗത്ത് എന്ന് പറയുന്നത് തമിഴ് ഇന്‍ഡസ്ട്രി എന്നാണ് കരുതിയത്. മലയാളം സിനിമയെക്കുറിച്ച് ധാരണയൊന്നുമില്ലായിരുന്നു. ഞാന്‍ നടിയാണ്, നടനാണ് എന്നൊക്കെ ആളുകള്‍ പറയുന്നത് പുള്ളി കേട്ടിട്ടുണ്ട്. അതുകൊണ്ട് തന്നെ അത് കേട്ടപ്പോള്‍ സീരിയസായി എടുത്തിരുന്നില്ല. പിന്നീടാണ് സിനിമയെക്കുറിച്ച് മനസിലാക്കിയത് എന്നായിരുന്നു അമലയുടെ മറുപടി.