ജീവിതത്തില്‍ എടുത്തിട്ടുള്ള ചില ധീരമായ തീരുമാനങ്ങളില്‍ ഒന്ന്, സന്തോഷം പങ്കുവച്ച് സമാന്ത റുത്ത് പ്രഭു

Authored by: അശ്വിനി പി|Samayam Malayalam•8 Nov 2025, 11:40 am

സമാന്ത റുത്ത് പ്രഭുവിന്റെ ജീവിതം വലിയൊരു പ്രചോദനം ആണെന്നാണ് ആരാധകര്‍ പറയാറുള്ളത്. യാതൊരു സിനിമ പാരമ്പര്യവും ഇല്ലാതെ ഇന്റസ്ട്രിയില്‍ വന്നു. പല റിജക്ഷനും തുടക്ക കാലത്ത് നേരിട്ടിരുന്നുവെങ്കിലും, വളരെ കഷ്ടപ്പെട്ട് മുന്‍ നിരയിലേക്ക് വന്നു. ഇന്ന് ഇന്ത്യയിലെ ഏറ്റവും അധികം സെലിബ്രേറ്റ് ചെയ്യപ്പെടുന്ന നടിമാരില്‍ ഒരാളാവാന്‍ സമാന്തയ്ക്ക് സാധിച്ചു. അതിനൊപ്പം വ്യക്തി ജീവിതത്തിലെ പ്രശ്‌നങ്ങളെയും അസുഖങ്ങളെയും സധൈര്യം സമാന്ത നേരിട്ടു. അപൂര്‍വ്വ രോഗത്തെയും വിവാഹ മോചനത്തിന് ശേഷം നേരിട്ട ഡിപ്രഷനെയും നേരിട്ട സമാന്തയ്ക്ക് വേണ്ടി കൈയ്യടിച്ചവരാണ് ആരാധകര്‍.

ഇപ്പോഴിതാ തന്റെ ജീവിതത്തിലെ മറ്റൊരു പ്രധാന ചുവട് വെപ്പിനെ കുറിച്ച് കൂടെ സമാന്ത പറയുന്നു. സിനിമയില്‍ അഭിനയിക്കുന്നതിനൊപ്പം തന്നെ പല ബിസിനസ്സുകള്‍ക്കും സമാന്ത തുടക്കം കുറിച്ചിരുന്നു. പ്രൊഡക്ഷന്‍ ഹൗസ് ആരംഭിച്ചതും, ക്ലോത്തിങ് ബ്രാന്റ് ആരംഭിച്ചതും എല്ലാം അങ്ങനെയാണ്. അത്തരത്തില്‍ ഒരു ധീരമായ ചുവടുവയ്പ്പാണ് ഫ്രാഗ്രന്‍സിന്റെ ബിസിനസ്. സുഗന്ധങ്ങളുടെ പുതിയ ഒരു ബിസിനസ് കൂടെ ആരംഭിക്കുന്നു. അതിന്റെ ലോഞ്ചിങ് ഈവന്റിന് എടുത്ത ചിത്രങ്ങളാണ് സോഷ്യല്‍ മീഡിയയില്‍ പങ്കുവച്ചിരിയ്ക്കുന്നത്.

Also Read: ഇന്ത്യകണ്ട ഏറ്റവും വലിയ ക്രൂരനും ദുഷ്ടനും ആയിരിക്കുമോ പൃഥ്വിരാജ് സുകുമാരന്‍; രാജമൗലി ചിത്രത്തിന്റെ പോസ്റ്റര്‍ എത്തി

ചുറ്റിലും സുഹൃത്തുക്കളും കുടുംബാഗങ്ങളും. കഴിഞ്ഞ ഒന്നര വര്‍ഷത്തിനിടയില്‍, എന്റെ കരിയറിലെ ഏറ്റവും ധീരമായ ചില ചുവടുവയ്പ്പുകള്‍ ഞാന്‍ നടത്തിയിട്ടുണ്ട്. മുന്നോട്ടേക്ക് പോകുമ്പോള്‍ റിസ്‌കുകള്‍ എടുത്തു, എന്റെ അവബോധത്തെ വിശ്വസിച്ചു, ഒരിപാട് കാര്യങ്ങള്‍ പഠിച്ചു. ഇന്ന്, ഞാന്‍ ചെറിയ വിജയങ്ങള്‍ ആഘോഷിക്കുകയാണ്. ഞാന്‍ കണ്ടുമുട്ടിയതില്‍ വച്ച് ഏറ്റവും മിടുക്കരും, കഠിനാധ്വാനികളും, ഏറ്റവും ആധികാരികരുമായ ചില ആളുകളോടൊപ്പം പ്രവര്‍ത്തിക്കാന്‍ കഴിയുന്നതില്‍ ഞാന്‍ വളരെ നന്ദിയുള്ളവനാണ്. വളരെയധികം വിശ്വാസത്തോടെ, ഇത് പുതിയൊരു തുടക്കം മാത്രം - എന്ന് പറഞ്ഞുകൊണ്ടാണ് പോസ്റ്റ്.


എന്നാല്‍ സമാന്തയുടെ പുതിയ തുടക്കത്തെ കുറിച്ചുള്ള വാര്‍ത്തയെക്കാള്‍ ആളുകളെ കൂടുതല്‍ ആകര്‍ഷിച്ചത് അതിലെ ഒരു ഫോട്ടോ ആണ്, സംവിധായന്‍ രാജ് നിഡിമോരുവിനൊപ്പമുള്ള ഒരു ക്ലോസ് ചിത്രം. കഴിഞ്ഞ കുറച്ച് കാലങ്ങളായി വിവാഹിതനായ ഈ സംവിധായകനുമായുള്ള സമാന്തയുടെ പ്രണയ ഗോസിപ്പുകള്‍ വന്നുകൊണ്ടിരിയ്ക്കുകയാണ്. വിഷയത്തെ കുറിച്ച് ഇതുവരെ സമാന്തയോ രാജ് നിഡിമോരുവോ പ്രതികരിച്ചിട്ടില്ല എങ്കിലും, ഇടയ്ക്കിടെ രാജിനൊപ്പമുള്ള ഇത്തരം ചിത്രങ്ങള്‍ സമാന്ത പങ്കുവച്ചുകൊണ്ടേയിരിക്കുന്നു. ബന്ധം കൂടുതല്‍ ഉറപ്പിക്കുകയാണോ എന്നാണ് ഇത് കാണുന്ന ആരാധകരുടെ ചോദ്യം