ജീവൻ ട്രാൻസെന്ന് അറിഞ്ഞിട്ടും അവൾ പ്രണയിച്ചു! ഇന്ന് അവന്റെ കുഞ്ഞിന്റെ അമ്മയായി; മൂന്നാം വർഷത്തിലേക്ക് വിവാഹജീവിതം

Authored byഋതു നായർ | Samayam Malayalam | Updated: 23 Apr 2025, 4:51 pm

ജീവനും സൂര്യയും അവരുടെ ടുട്ടുപ്പനും സോഷ്യൽ മീഡിയക്ക് ഒരുപാട് പ്രിയപ്പെട്ടവർ ആണ്. നിറചിരിയോടെ മാത്രം കാണാനാകുന്ന രണ്ടുപേർക്ക് ഇടയിലേക്ക് മൂന്നാമത് ഒരാൾ കൂടി വന്നപ്പോൾ ഇവരോട് ഉണ്ടായിരുന്ന ഇഷ്ടം ഇപ്പോൾ മൂന്നിരട്ടി ആയി മാറി. പെണ്ണുടലിൽ നിന്നും ആണായി മാറാനുള്ള ജീവന്റെ യാത്രക്ക് , ഒപ്പം കൈത്താങ്ങായി നിന്നത് സൂര്യ ആയിരുന്നു. ഒരു ട്രാൻസ് അല്ലാതിരുന്നിട്ടും അവൾ ജീവയെ പ്രണയിച്ചു, ഈ ലോകത്തിൽ മറ്റെന്തിനേക്കാളും. സ്വന്തം ചോരയിൽപ്പെട്ടവർ പോലും ജീവനെ അവഗണിച്ചപ്പോൾ താങ്ങായി തണലായി അവൾ കൂടെ നിന്നു. ഇന്ന് ഇവരുടെ ജീവിതത്തിലെ ഏറ്റവും സന്തുഷ്ടമായ ദിനമാണ്. തങ്ങൾ എല്ലാ പ്രതിസന്ധികളെയും അതിജീവിച്ചുകൊണ്ട് ജീവിതത്തിൽ ഒന്നായ ദിവസം.

ജീവന്റെ വാക്കുകൾ

ഒരുമിച്ച് ജീവിക്കണം എന്ന സ്വപ്നം ഞങ്ങൾ ഒരുമിച്ച് കണ്ടു.. ആ സ്വപ്നം വീട്ടുകാരെ ഒരുപാട് വേദനിപ്പിച്ചാണ് ഞങ്ങൾ രണ്ടുപേരും നേടിഎടുത്തത്.. ഒരുപക്ഷെ ആ പ്രായത്തിന്റെ പക്വത കുറവ് കൊണ്ടാകാം.. പക്ഷെ അവർ ഞങ്ങൾക്കിടയിൽ കണ്ട ഒരു തെറ്റിന് പകരം ഞങ്ങൾക്കതിൽ ഒത്തിരി ശരികൾ ഉണ്ടായിരുന്നു.. എന്നാൽ ഇപ്പൊ ഞങ്ങളുടെ ഈ സന്തോഷം നിറഞ്ഞ ജീവിതം കാണുമ്പോൾ അവർ ഒരുപാട് ഹാപ്പിയാണ്.. അവർ മാത്രമല്ല ഞങ്ങളെ സ്നേഹിക്കുന്ന ഇഷ്ട്ടപെടുന്ന ഞങ്ങളുടെ ചുറ്റിലും ഉള്ള ഒത്തിരി പേര്.. അങ്ങനെ ഇന്ന് 3 വർഷം ആയിഞങ്ങളുടെ ജീവിതം,ഞങ്ങൾ ആഗ്രഹിച്ച പോലെയൊരു വിവാഹജീവിതം തുടങ്ങിയിട്ട്. എന്റെ പ്രിയപ്പെട്ടവൾ.

ALSO READ: അച്ഛന് ആരോഗ്യം അത്ര മോശമില്ല! പക്ഷേ ഡയാലിസിസ് നടന്നുകൊണ്ടിരിക്കുന്നു; ആനിയുടെ ചോദ്യവും ധ്യാനിന്റെ റിപ്ലയും
വിവാഹ വാർഷിക ആശംസകൾ! എന്റെ എല്ലാമായതിന് നന്ദി. വാക്കുകൾക്ക് പറയാൻ കഴിയാത്തതിലും അധികമായി ഞാൻ നിന്നെ സ്നേഹിക്കുന്നു. ഇനിയുമൊരുപാട് വർഷങ്ങൾ ഒരുമിച്ച് സന്തോഷത്തോടെ നമുക്ക് ജീവികക്കണം. ജീവൻ കുറിച്ചു.

വീട്ടുകാരുടെ സമ്മതഹോടെ വിവാഹം

വീട്ടുകാരുടെ സമ്മതത്തോടെ വിവാഹം കഴിക്കാം എന്ന തീരുമാനം നമ്മളെടുത്തു. കാരണം വീട്ടുകാരുടെ അനുഗ്രഹം ഇല്ലാതെ ഒന്നും വേണ്ട എന്ന തീരുമാനം ആയിരുന്നു ഞങ്ങൾ രണ്ടാൾക്കും. സത്യത്തിൽ ഞങ്ങളുടെ വിവാഹം ഇത്രയും നീണ്ടുപോകാൻ കാരണവും വീട്ടുകാരുടെ സമ്മതത്തിനായി കാത്തിരുന്നതാണ്. അച്ഛൻ കൈ പിടിച്ചുതരണം എന്ന സ്വപ്നം സൂര്യക്ക് എന്നുമുണ്ടായിരുന്നു. അവൾ ഒരു ബിഎസ്‌സി നഴ്‌സാണ്. അവളെ അത്രത്തോളം ആക്കിയതിൽ വീട്ടുകാരുടെ വിയർപ്പ് ആവശ്യത്തിനുണ്ട്. അതുകൊണ്ടുതന്നെ വീട്ടുകാരെ സങ്കടപ്പെടുത്തി ഒന്നും വേണ്ട എന്ന നിലപാടായിരുന്നു അവൾക്ക്. അവൾക്ക് മാത്രമല്ല എനിക്കും അതേ അഭിപ്രായം തന്നെ ആയിരുന്നു. അങ്ങനെ സൂര്യ വീട്ടിൽ പോയി കാര്യങ്ങൾ അവതരിപ്പിച്ചു, പക്ഷേ നമ്മളെ അതിശയിപ്പിക്കുന്ന മറ്റൊരു കാര്യം അവർക്ക് ഈ ബന്ധത്തിനോട് എതിർപ്പ് ഇല്ലായിരുന്നു എന്നതാണ്.വീട്ടുകാർ വിവാഹത്തിന് വരും എന്ന് ഉറപ്പിച്ചു.പത്തുദിവസത്തിന്റെ ഗ്യാപ്പിലാണ് നമ്മുടെ വിവാഹം എല്ലാം തീരുമാനം ആയത്- സമയം മലയാളത്തിനോട് വിവാഹകഥ പങ്കിടുന്ന കൂട്ടത്തിൽ പറഞ്ഞ വാക്കുകൾ ആണിത്.