ഞാൻ ജയിലിലും ആയിട്ടില്ല, ആശുപത്രിയിലും അല്ല! ഞാൻ ഒരു സെലിബ്രിറ്റി ആണ് എന്റെ തൊഴിൽ നോക്കുന്നു; രേണു പറയുന്നു

Authored by: ഋതു നായർ|Samayam Malayalam•5 Oct 2025, 3:01 pm

മുടങ്ങിപ്പോയ ഗൾഫ് യാത്ര നടന്നതിന്റെ സന്തോഷത്തിലാണ് രേണു സുധി . ബിഗ് ബോസിന് ശേഷം ആളുടെ പെരുമാറ്റത്തിൽ മാറ്റങ്ങൾ സംഭവിച്ചു എന്നാണ് പൊതുവേയുള്ള സംസാരം. തന്റെ അഭിപ്രായങ്ങൾ വ്യക്തമായി സംസാരിക്കുന്ന രേണു ഓൺലൈൻ മാധ്യമങ്ങളുടെ കൊനഷ്ട് ചോദ്യങ്ങൾക്ക് മുഖം തിരിച്ചാണ് നടക്കാറുള്ളത്. ഒരുപക്ഷേ മുൻകാലങ്ങളിൽ തനിക്ക് കിട്ടിയ നെഗറ്റീവ് ഇമേജ് മാറ്റാൻ വേണ്ടി രേണു സ്വയം ആര്ജിച്ചെടുത്ത ഒരു കഴിവും ആകാം ഇത്. ഇപ്പോൾ ദുബായിൽ ആണ് രേണു ഉള്ളത്.

സ്വയം എവിക്ഷൻ ചോദിച്ചുവാങ്ങി ബിഗ് ബോസിൽ നിന്നും ഇറങ്ങിയതാണ് രേണു. പിന്നാലെ ഓഫറുകളുടെ പെരുമഴയും രേണുവിനെ തേടിയെത്തി. ഇപ്പോൾ കുറച്ചു ആഴ്ചകൾ ആയി ദുബായിലാണ് രേണു ഉള്ളത്. ഏറെ നാളത്തെ ആഗ്രഹം സ്വപ്നം ഒക്കെ നേടിയെടുത്ത ഫീലോടെയാണ് അവർ ഫ്‌ളൈറ്റ് കയറുന്നത്. എന്നാൽ ബാർ ആൻഡ് റെസ്റ്റോറന്റ് ഉദ്ഘടനത്തിനു എത്തിയ രേണു ബാറിൽ നൃത്തം ചെയ്തു എന്നതിന്റെ പേരിൽ ആണ് സൈബർ അറ്റാക്ക് ഉണ്ടാകാൻ തുടങ്ങിയത്. ഇതിനു വിശദീകരണം നൽകികൊണ്ട് രേണു എത്തുകയും ചെയ്തു. എന്നാൽ വീണ്ടും ചില യൂട്യൂബ് ചാനലുകാർ ഇവർക്ക് എതിരെ രംഗത്ത് വന്നു.

കുടിച്ചുലക്ക് കെട്ട് റോഡിൽ വീണ രേണുവിനെ ദുബായ് പോലീസ് പൊക്കി എന്ന തരത്തിൽ ആയിരുന്നു ആരോപണം. ഇതിനെതിരെയാണ് രേണു രംഗത്ത് വന്നത്.

ALSO READ: സ്ട്രോക്ക് വന്നു മാസങ്ങളായി! കാലുകൾ ഉയർത്തിവയ്ക്കാൻ പോലും പരസഹായം; കൈകൾ തളർന്നത് പോലെ; ഉല്ലാസിന്റെ ഹെൽത്ത്

ഞാൻ ജയിലിലും ആയിട്ടില്ല, ആശുപത്രിയിലും അല്ല! ഞാൻ ഒരു സെലിബ്രിറ്റി ആണ് എന്റെ തൊഴിൽ നോക്കുന്നു; ആര് എന്ത് പറഞ്ഞാലും അത് തന്നെ ബാധിക്കില്ല. ഞാൻ ആശുപത്രിയിലും അഡ്മിറ്റ് അല്ല, സ്ഫടികം മൂവിയിലെ സീൻ അഭിനയിച്ചതാണ് ഞാൻ ഒരു ആർട്ടിസ്റ്റ് ആയതുകൊണ്ട് അത് അഭിനയിച്ചു കാണിച്ചു എന്ന് മാത്രം അതിനർത്ഥം ഞാൻ കള്ളുകുടിച്ചിട്ടല്ല നടന്നത് എന്നും രേണു പറയുന്നു.

ചില ആളുകളുടെ വീടിന്റെ ഐശ്വര്യം എന്ന രീതിയിൽ എന്റെ പേര് വയ്ക്കുന്നത് നല്ലതാണു. ഞാൻ ആണല്ലോ അവരുടെ കണ്ടന്റ്. ഞാൻ ഇവരിൽ ചിലരുടെ പേരുകൾ പോലും പറയാൻ ആഗ്രഹിക്കുന്നില്ല. അതിനുള്ള യോഗ്യത പോലും അവർക്കില്ലെന്നും രേണു മറുപടി വീഡിയോയിൽ പറയുന്നു.