ധുരന്ധറിന്റെ തേരോട്ടം അവസാനിപ്പിച്ചുകൊണ്ട് പ്രഭാസ്! തരക്കേടില്ലാത്ത തുടക്കത്തിലൂടെ കുതിപ്പിലേക്ക്

മാരുതി സംവിധാനം ചെയ്ത ദി രാജാ സാബിൽ സഞ്ജയ് ദത്ത് , മാളവിക മോഹനൻ, റിദ്ധി കുമാർ, ബൊമൻ ഇറാനി, സറീന വഹാബ് എന്നിവർ ആണ് പ്രധാന വേഷങ്ങളിൽ അഭിനയിക്കുന്നത്,

(ഫോട്ടോസ്- Samayam Malayalam)

രണ്ട് വർഷത്തിന് ശേഷം പ്രഭാസ് അഭിനയിക്കുന്ന രാജാ സാബ്, ഒരു ഹൊറർ കോമഡി ചിത്രമാണ്, ഈ വിഭാഗത്തിൽ പ്രഭാസ് നടത്തുന്ന ആദ്യ ചുവടുവയ്പ്പാണിത്. ചിത്രത്തിന്റെ റിലീസ് ദിവസമായ വെള്ളിയാഴ്ച രാവിലെ 10 മണിയോടെ, ചിത്രം ₹ 6 കോടിയിലധികം സമ്പാദിച്ചുവെന്ന് ആണ് റിപോർട്ടുകൾ. വ്യാഴാഴ്ച വൈകുന്നേരത്തെയും പുലർച്ചെയുള്ള ഷോകളുടെയും പ്രീ ബുക്കിങ് പ്രിവ്യൂകളിൽ നിന്നാണ് ഈ വരുമാനം ലഭിച്ചത്. അതോടെ ധുരന്ധറിന്റെ മൊത്തം മുഴുവൻ ദിവസത്തെ കളക്ഷനെ മറികടന്നു. തിയേറ്ററുകളിൽ 35-ാം ദിവസമായ വ്യാഴാഴ്ച ആദിത്യ ധർ ചിത്രം ₹ 4.25 കോടി നെറ്റ് നേടി . ഇതോടെ, വിജയുടെ ജന നായകൻ റിലീസ് ചെയ്യുന്നതുവരെയെങ്കിലും, ദി രാജാ സാബ് ഇന്ത്യൻ ബോക്സ് ഓഫീസിൽ പുതിയ നമ്പർ 1 ചിത്രമാകുമെന്ന് ഉറപ്പാണ്.

വെള്ളിയാഴ്ച രാവിലെ 'ജന നായകൻ' എന്ന ചിത്രത്തിന് സിബിഎഫ്‌സി സർട്ടിഫിക്കേഷൻ ലഭിച്ചു, ഇത് റിലീസിന് വഴിയൊരുക്കി എങ്കിലും ചിത്രം എപ്പോൾ റിലീസ് ചെയ്യുമെന്ന് നിർമ്മാതാക്കൾ ഔദ്യോഗികമായി പ്രഖ്യാപിച്ചിട്ടില്ല. എങ്കിലും , പൊങ്കലിന് (ബുധനാഴ്ച) മുമ്പ് പ്രദർശനത്തിനെത്തുമെന്ന് ആണ് പ്രതീക്ഷ.