പൂജ്യത്തിൽ നിന്നും വീണ്ടും തുടങ്ങിയതാണ്! മകളെ ഉപേക്ഷിച്ചുപോയതല്ല അവൾക്ക് ഏറെ പ്രിയപ്പെട്ട ആൾക്ക് ഒപ്പം അയച്ചതാണ്; മഞ്ജുവിനെ പിന്തുണച്ച് ഫാൻസ്‌

Authored byഋതു നായർ | Samayam Malayalam | Updated: 26 Mar 2025, 8:17 am

Samayam Malayalamമഞ്ജു വാര്യർ മീനാക്ഷി

എമ്പുരാൻ റിലീസിന് ഒരുങ്ങുമ്പോൾ ലലേട്ടനെയും പൃഥ്‌വി രാജിനെയുംപോലെ ചര്ച്ച ചെയ്യപ്പെട്ട വ്യക്തിത്വം ആണ് മഞ്ജു വാര്യരുടേത്. പതിനാലു വർഷത്തെ ഇടവേള അവസാനിപ്പിച്ചുകൊണ്ട് അവർ എത്തിയപ്പോൾ നിറഞ്ഞ മനസ്സോടെ അവരുടെ ആരാധകർ സ്വീകരിച്ചു. എന്നാൽ ഓരോ വിജയങ്ങൾ അവർ നേടുമ്പോഴും വിമശനങ്ങൾക്ക് പഞ്ഞമില്ല. ഇക്കഴിഞ്ഞദിവസം മഞ്ജുവിന്റെ ഏറ്റവും പുത്തൻ ചിത്രം സോഷ്യൽ മീഡിയയിൽ വൈറൽ ആയതിനു പിന്നാലെ മോശം കമന്റുകളോടെ ചിലരെത്തി. മകളുടെ പിറന്നാൾ ദിനം ആശംസ അറിയിച്ചില്ല, മകളെ ഉപേക്ഷിച്ചുപോയി എന്നൊക്കയുള്ള കമന്റുകളോടെയാണ് വിമർശന പെരുമഴ ഉയർന്നത്. എന്നാൽ മകളെ ഉപേക്ഷിച്ചു പോയ ഒരു അമ്മയല്ല മഞ്ജു എന്ന് അവരെ അടുത്തറിയുന്നവർക്ക് അറിയാം. മാത്രമല്ല ഇതേക്കുറിച്ച് മഞ്ജു തന്നെ മുൻപ് പറഞ്ഞ വാക്കുകൾ ഉണ്ട്.

പതിനാലുകാരിയായ മകൾ മീനാക്ഷിയുടെ സംരക്ഷണാവകാശത്തിനായി താൻ പോരാടില്ലെന്ന് ആണ് മഞ്ജു പറഞ്ഞത്. മീനുട്ടി (മീനാക്ഷി) തന്റെ അച്ഛനെ എത്രമാത്രം സ്നേഹിക്കുന്നുണ്ടെന്ന് മറ്റാരേക്കാളും എനിക്കറിയാം. ദിലീപേട്ടനോടൊപ്പം അവൾ സുരക്ഷിതയായിരിക്കുമെന്ന് എനിക്ക് ഉറപ്പുണ്ട്. കസ്റ്റഡിയെച്ചൊല്ലിയുള്ള നിയമപരമായ പോരാട്ടത്തിൽ അവളുടെ ജീവിതം കുഴപ്പത്തിലാക്കാൻ ഞാൻ ആഗ്രഹിക്കുന്നില്ല. ദിലീപിന്റെ വ്യക്തിപരവും തൊഴിൽപരവുമായ ഭാവി സംരംഭങ്ങൾക്ക് എല്ലാവിധ ആശംസകളും നേരുന്നു എന്നാണ് അന്ന് മഞ്ജു കുറിച്ചത്. ഇത് തന്നെയാണ് അതിനുള്ള കാരണവും. അല്ലാതെ മകളെ വേണ്ടെന്നു വച്ചുപോയ 'അമ്മ അല്ല മഞ്ജു എന്നതാണ് യാഥാർഥ്യം.

അടുത്തിടെ മഞ്ജുവിനെ കുറിച് അഞ്ജു പാർവതി പങ്കുവച്ച കുറിപ്പ് വായിക്കാം

ഇനി നടുക്ക് നില്ക്കുന്ന ആ ഒരു നക്ഷത്രത്തെ കുറിച്ചാണെങ്കിൽ പറയാനുണ്ട് ഏറെ. ഒരു കാലത്ത് മലയാളസിനിമയ്ക്ക് ഏറെയും പറയാനുണ്ടായിരുന്നത് നിരാസത്തിന്റെ നെരിപ്പോടിൽ വെന്തെരിഞ്ഞ് ജീവിതത്തിൽ നിന്നും VRS നേടിയ അഭിനേത്രികളുടെ ദുരന്തകഥകൾ. മിസ് കുമാരി മുതൽ മയൂരി വരെ നീളുന്ന ആ പട്ടികയെ നോക്കി നെടുവീർപ്പിട്ടിരുന്ന മലയാളികൾക്ക് മുന്നിൽ നഷ്ടപ്പെടലുകളുടെ മുൾവഴികളിൽ നടന്നു കയറി, അപമാനത്തിന്റെയും നിരാസത്തിന്റെയും കൊടുങ്കാറ്റുകളെ തരണം ചെയ്ത് , ആത്മവിശ്വാസത്തിന്റെയും നിശ്ചയദാർഢ്യത്തിന്റെയും പാഠപുസ്തകങ്ങൾ മാത്രം മലർക്കെ തുറന്നു വച്ച്‌ ജീവിതം ആഘോഷമാക്കുന്ന പെണ്ണൊരുത്തി.

ALSO READ: അഞ്ചുപൈസപോലും ഞങ്ങൾ രണ്ടും വാങ്ങിയിട്ടില്ല; ഞങ്ങളുടെ കയ്യിലുള്ള പൈസ എല്ലാം ഈ സിനിമയ്ക്ക് വേണ്ടി വിനിയോഗിച്ചു; മാസ് റിപ്ലൈ
അഭിനയത്തിൽ മഞ്ജുവാര്യർ തരംഗം സൃഷ്ടിച്ചശേഷം കുടുംബ ജീവിതത്തിലേയ്ക്ക് മടക്കം. വിവാഹ ജീവിതത്തിൽ സിനിമയെ കലർത്താതെ ഭാര്യയായും അമ്മയായും നല്ലൊരു കുടുംബിനിയായും തന്റെ റോൾ ഭംഗിയായി കൈകാര്യം ചെയ്ത ഒരാൾ. പക്ഷേ കടന്ന് പോയത് അഗ്നിപരീക്ഷകൾ. പിന്നീട് കലാരംഗത്തേയ്ക്ക് മടങ്ങിവരാൻ തുടങ്ങുമ്പോൾ ജീവിതത്തിന്റെ ബാലൻസ്ഷീറ്റിൽ ഉണ്ടായിരുന്നത് നഷ്ടകണക്കുകൾ മാത്രം.

പൂജ്യത്തിൽ നിന്നും കഠിനപ്രയത്നവും ദൃഢനിശ്ചയവും കൊണ്ട് ദാ ഇങ്ങനെ കണ്ണുകളിൽ ആത്മവിശ്വാസം സ്ഫുരിച്ചു ക്കൊണ്ട് അവരിങ്ങനെ നില്ക്കുന്നു. അന്നും ഇപ്പോഴും അഭിമുഖീകരിക്കുന്നത് കഠിനമായ സമസ്യകളാണ് . പക്ഷെ ഒരു പുഞ്ചിരിയിൽ തന്റെ നിലപാടുകളിൽ ഉറച്ചു നിന്ന് ,ചിലപ്പോൾ അനിവാര്യമല്ലാത്ത വേദികളിൽ നിന്നും മാറി നിന്ന് മഞ്ജുവെന്ന സ്ത്രീ തന്റെ പ്രതിസന്ധികളെ തരണം ചെയ്തു കൊണ്ടേ ഇരിക്കുന്നു- അഞ്ജു പറഞ്ഞിരുന്നു.