പൃഥ്വിരാജിനെ മറികടന്ന് സന്ദീപ് പ്രദീപ്! മൂന്നാം ദിവസത്തിൽ ആറുകോടിയിലേക്ക്; അസാധാരണമായ ത്രില്ലർ ഗണത്തിൽ എക്കോ

Authored by: ഋതു നായർ|Samayam Malayalam•24 Nov 2025, 2:30 pm

അഡ്വഞ്ചർ മിസ്റ്ററി ത്രില്ലിങ് മോഡിലേയ്ക്ക് എക്കോ. സോഷ്യൽ മീഡിയയിൽ നിറയെ എക്കോയെ കുറിച്ചുള്ള ചർച്ചകൾ ആണ് നടക്കുന്നത്. പൃഥ്വിരാജ് സുകുമാരന്റെ വിലായത്ത് ബുദ്ധയെ മറികടന്നാണ് എക്കോ ചുരുങ്ങിയ ദിവസങ്ങൾ കൊണ്ട് ബോക്സ് ഓഫീസ് കളക്ഷനെ വിറപ്പിക്കുന്നത്.. ആദ്യ മൂന്ന് ദിവസങ്ങൾക്കുള്ളിൽ തന്നെ തിയേറ്ററുകളിൽ നിന്ന് 5.80 കോടി രൂപ കളക്ഷൻ നേടി. വാരാന്ത്യത്തിലും ചിത്രം ശ്രദ്ധേയമായ നേട്ടം കൈവരിച്ചു, ഞായറാഴ്ചത്തെ ആദ്യ കണക്കുകൾ പ്രകാരം 3.15 കോടി രൂപ വരുമാനം നേടിയും ചിത്രം ആരാധകരുടെ മനം കവർന്നു.

സന്ദീപ് പ്രദീപ് ആണ് കേന്ദ്ര കഥാപാത്രം ആയി എത്തുന്നത്.

കിഷ്കിന്ധാകാണ്ഡത്തിനു ശേഷം ദിൻജിത്ത് അയ്യത്താൻ സംവിധാനം ചെയ്ത എക്കോ ബാഹുൽ രമേശ് ആണ് തിരക്കഥ രചിച്ചത്. സന്ദീപ് പ്രദീപിന് ഒപ്പം , വിനീത്, അശോകൻ, നരേൻ, ബിനു പപ്പു തുടങ്ങിയവരാണ് പ്രധാന താരങ്ങൾ. കിഷ്കിണ്ഡാകാണ്ഡം കണ്ട അനുഭവം മനസ്സിൽ വച്ചുകൊണ്ട് എക്കോ കാണാൻ എത്തുന്ന ആളുകൾക്ക് ഒരിക്കലും നിരാശപെടേണ്ടി വരില്ല എന്നാണ് റിപ്പോർട്ടുകൾ സൂചിപ്പിക്കുന്നത്.

ഏതൊരുചിത്രത്തിനു ഒരു സാമാന്യ പ്രെഡിക്ഷനുകൾ നടക്കുക പതിവാണ്, എന്നാൽ ക്ലൈമാക്സ് വരെ ചിത്രത്തെ കുറിച്ചൊരു പ്രെഡിക്ഷനും നടത്താൻ പ്രേക്ഷകന് കഴിയില്ല എന്നതാണ് ഇതിന്റെ പ്രത്യേകത എന്നാണ് സിനിമ കണ്ട ഒരു പ്രേക്ഷകന് പറയുന്നത്.

എക്കോ ഫ്രം ദി ഇൻഫിനിറ്റ് ക്രോണിക്കിൾസ് ഓഫ് കുര്യച്ചൻ എന്നതിന്റെ ചുരുക്ക പേരാണ് എക്കോ. വളരെ കോംപ്ലിക്കേറ്റഡും അഡ്വഞ്ചറസുമായ കുര്യച്ചൻ കുര്യച്ചൻ്റെ ജീവിതം പറയുന്ന സിനിമയാണ് ഇത്. ഇടുക്കിയിൽ ആണ് ലൊക്കേഷൻ എങ്കിലും കേരളാ കർണ്ണാടക സംസ്ഥാനങ്ങൾ ചേർന്ന് അതിർത്തി പങ്കിടുന്ന ഒരു കാടും മലനിരകളുമാണ് ചിത്രത്തിന്റെ പ്രധാന ആകർഷണം.