പൊതുവേദിയില്‍ വച്ച് തന്റെ പെണ്ണിനെ അപമാനിച്ച് കരയിപ്പിച്ചതിനെ കുറിച്ച് വിശാല്‍, അന്ന് അവര്‍ എല്ലാം ചിരിച്ചു

Authored by: അശ്വിനി പി|Samayam Malayalam•25 Nov 2025, 4:03 pm

അടുത്തിടെയായിരുന്നു നടന്‍ വിശാലിന്റെയും നടി ധന്‍ഷികയുടെയും വിവാഹ നിശ്ചയം കഴിഞ്ഞത്. ഏറെ നാളത്തെ കാത്തിരിപ്പുകള്‍ക്കൊടുവിലാണ് വിശാലിന്റെ വിവാഹം . പതിനാറ് വര്‍ഷത്തോളം ഇരുവരും സുഹൃത്തുക്കളായിരുന്നു, പക്ഷേ വിവാഹം ചെയ്യാം എന്ന തീരുമാനത്തിലേക്ക് ഇരുവരും എത്തിയത് ഇപ്പോഴാണ്. തന്നെ സംബന്ധിച്ച് അണ്‍കണ്ടീഷണല്‍ ലവ് എന്നാല്‍ ഇപ്പോള്‍ ധന്‍ഷികയാണ് എന്ന് വിശാല്‍ പറയുന്നു.

ധന്‍ഷികയ്ക്ക് വര്‍ഷങ്ങള്‍ക്ക് മുന്‍പ് സ്റ്റേജില്‍ വച്ചുണ്ടായ അനുഭവത്തെ കുറിച്ച് ഇപ്പോള്‍ ഒരു അഭിമുഖത്തില്‍ വിശാല്‍ സംസാരിക്കുകയുണ്ടായി. സോഷ്യല്‍ മീഡിയ അറ്റാക്കുകളും, മറ്റുള്ളവരുടെ കളിയാക്കലുകളും വിശാലിനെ എങ്ങനെ ബാധിക്കും എന്ന ചോദ്യത്തോട് പ്രതികരിക്കുകയായിരുന്നു നടന്‍. എന്നെ അത് തെല്ലും ബാധിക്കാറില്ല, ഞാന്‍ അതിനെ കണക്കിലെടുക്കുന്നില്ല. ഓരോരുത്തരും ഇഷ്ടപ്പെടുന്നതും ഇഷ്ടപ്പെടാത്തതും അവലവരുടെ ചോയിസാണ്. അതിനെ വിട്ടുകളയാനാണ് ഞാന്‍ എന്റെ സുഹൃത്തുക്കളോട് പറയാറുള്ളത്. പ്രത്യേകിച്ചും ഇന്റസ്ട്രിയിലുള്ള സ്ത്രീ സുഹൃത്തുക്കളോട്.

Also Read: കല്യാണം കഴിക്കണം എന്ന് പറഞ്ഞു വന്ന പെണ്‍കുട്ടിയെ ഓഫീസില്‍ നിന്ന് ഓട്ടിച്ചു, അത്രയും ദേഷ്യം തോന്നി എന്ന് വിശാല്‍

ലക്ഷ്മി മേനോന്‍, പ്രിയാമണി, തൃഷ തുടങ്ങിയവരോടൊപ്പമൊക്കെ എനിക്ക് വിവാഹം നടക്കുന്നു എന്ന ഗോസിപ്പുകള്‍ വരാറുണ്ടായിരുന്നു. ഞാന്‍ അതൊക്കെ തമാശയായിട്ടാണ് എടുക്കാറുള്ളത്. അങ്ങനെ വാര്‍ത്തകള്‍ വരുമ്പോള്‍ ഞാന്‍ നായികമാരെ വിളിക്കും, നമുക്ക് വിവാഹമുണ്ടെന്ന് കേട്ടല്ലോ അറിഞ്ഞോ എന്ന് ചോദിച്ച് ചിരിക്കും. അത്രയേയുള്ളൂ. സോഷ്യല്‍ മീഡിയയില്‍ മാത്രമല്ല, അല്ലാതെയും ഇത്തരം വിമര്‍ശനങ്ങളും കളിയാക്കലുകളുമെല്ലാം നമ്മള്‍ നേരിടേണ്ടി വരും. ധന്‍ഷികയ്ക്കും അത്തരം അനുഭവം ഉണ്ടായിട്ടുണ്ട്.

ഒരു പൊതുവേടിയില്‍ വച്ച് ടി രാജേന്ദര്‍ സര്‍ (ചിമ്പുവിന്റെ അച്ഛന്‍) വേദിയില്‍ വച്ച് ധന്‍ഷികയെ അപമാനിച്ചിരുന്നു. അദ്ദേഹത്തിന്റെ പേര് പറഞ്ഞില്ല എന്ന് പറഞ്ഞാണ് കളിയാക്കി സംസാരിച്ചത്. അന്ന് വേദിയിലുണ്ടായിരുന്ന വെങ്കട് പ്രഭുവും കൃഷ്ണയും എല്ലാം ചിരിച്ചുകൊണ്ടേയിരുന്നു. അത് ധന്‍ഷികയ്ക്ക് വലിയ സങ്കടമായി. ഒരുപാട് വേദനിച്ചു പാവം. അന്ന് ഞങ്ങള്‍ സുഹൃത്തുക്കള്‍ മാത്രമാണ്. വിവരം അറിഞ്ഞ് ഞാന്‍ വിളിച്ചു, വീട്ടില്‍ പോയി. പോട്ടെ സാരമില്ല, ഇതൊക്കെ ഇന്റസ്ട്രിയുടെ ഭാഗമാണ് എന്ന് പറഞ്ഞ് ആശ്വസിപ്പിച്ചു. അതൊക്കെ ഞാന്‍ മറന്നു പോയിരുന്നു, ഇപ്പോഴാണ് ധന്‍ഷിക പറയുന്നത്, അന്നത്തെ അവസ്ഥയില്‍ അനിക്ക് ആകെ ആശ്വാസവുമായി വന്നത് ഞാന്‍ മാത്രമാണെന്ന്- വിശാല്‍ പറഞ്ഞു