ബിടിഎസിന്റെ വി കോടികള്‍ വിലവരുന്ന ആഡംബര കാര്‍ സ്വന്തമാക്കിയോ, ലക്ഷ്വറി യാത്രയുടെ ചിത്രങ്ങളുമായി ഗായകന്‍!

Authored by: അശ്വിനി പി|Samayam Malayalam•1 Dec 2025, 1:35 pm

സൈനിക സേവനം പൂര്‍ത്തിയാക്കി പുറത്തേക്കിറങ്ങിയപ്പോള്‍ ബിടിഎസ് താരങ്ങളുടെ ആദ്യത്തെ ഉദ്ദേശം, തങ്ങളുടെ ആരാധകരുമായി സംവദിക്കുക, ടീം ബോണ്ട് ഒന്നുകൂടെ ശക്തിപ്പെടുത്തുക, പുതിയ ആല്‍ബത്തിലേക്ക് കടക്കുക എന്നതൊക്കെയായിരുന്നു. ഇപ്പോള്‍ ആല്‍ബത്തിന്റെ റെക്കോഡിങ് എല്ലാം കഴിഞ്ഞു. നാല് മാസത്തിനകം പുതിയ ആല്‍ബം പുറത്തിറങ്ങും എന്ന് ബിടിഎസ് ഏജന്‍സി ബിഗ് ഹിറ്റ് മ്യൂസിക് വ്യക്തമാക്കിയിട്ടുണ്ട്.

അതിന് മുന്‍പ് ബിടിഎസ് താരങ്ങള്‍ മറ്റ് മ്യൂസിക് ബാന്റുകളെ പോലെ വേള്‍ഡ് ടൂറും പ്ലാന്‍ ചെയ്തിട്ടുണ്ട്. ഇന്ത്യ ഉള്‍പ്പടെയുള്ള രാജ്യങ്ങളാണ് ലിസ്റ്റിലുള്ളത്. എന്നാല്‍ അത് മാത്രം പോരല്ലോ, കുറച്ച് മി ടൈമുകള്‍ വേണ്ടേ. ഒറ്റയ്ക്കുള്ള യാത്രകളും, തന്റേതായ ഇഷ്ടങ്ങളും ആസ്വദിക്കാനുള്ള സമയമായിട്ടാണ് വി ഈ സമയത്തെ കാണുന്നത്. തന്റെ ലക്ഷ്വറി യാത്രകളുടെ ചിത്രങ്ങളൊക്കെയാണ് ഇപ്പോള്‍ ഗായകന്‍ ഇന്‍സ്റ്റഗ്രാമില്‍ പങ്കുവയ്ക്കുന്നത്.

Also Read: കെഎസ് ചിത്ര അനുമോള്‍ക്ക് നല്‍കിയത് ഒറിജിനല്‍ ഡയമണ്ട് റിങ് തന്നെ, എന്തുകൊണ്ട് നല്‍കി?

ഓടുന്നതും ചാടുന്നതും, സമയം ചെലവഴിക്കുന്നതും ഭക്ഷണം കഴിക്കുന്നതുമൊക്കെയായ ചിത്രങ്ങള്‍ വി സോഷ്യല്‍ മീഡിയയില്‍ പങ്കുവച്ചിട്ടുണ്ട്. എന്നാല്‍ അതില്‍ ആരാധകര്‍ ശ്രദ്ധിച്ചത് ഒരു കാറില്‍ വളരെ കാഷ്വലായി ഇരിക്കുന്ന ചിത്രമാണ്. ഡ്രൈവിങ് സീറ്റില്‍, കാല്‍ സീറ്റില്‍ കയറ്റി വച്ചിട്ടാണ് ഇരിക്കുന്നത്. ആരാധകര്‍ ആദ്യം ശ്രദ്ധിച്ചത് വി യുടെ സുന്ദരമായ കണ്ണുകളാണ്, മുഖം മാസ്‌ക് കൊണ്ട് മറച്ചിരിക്കുകയായിരുന്നു. പിന്നീടാമ് കാറിലേക്ക് ശ്രദ്ധ പോയത്.

കാറിന്റെ ഡ്രൈവിങ് സീറ്റിലെ, വളരെ പരിമിതമായ കാര്യങ്ങളാണ് ചിത്രത്തില്‍ കാണുന്നത് എങ്കിലും ആരാധകര്‍ ആ മോഡല്‍ ഏതാണ് എന്ന് തപ്പിയിറങ്ങി. 2025 Ford Mustang GTD കാര്‍ ആണത്. മുന്നൂറായിരം യുഎസ് ഡോളര്‍ വിലമതിക്കുന്ന കാറിനെ സംബന്ധിച്ച വിവരങ്ങള്‍ ആരാധകര്‍ സോഷ്യല്‍ മീഡിയയില്‍ പങ്കുവയ്ക്കുന്നു.


നാല്‍പത് മില്യണ്‍ യുഎസ് ഡോളര്‍ ആസ്തിയുള്ള വി യെ സംബന്ധിച്ച് ഈ കാര്‍ വളരെ ചെറുതാണെന്ന് പറയുന്ന ആരാധകരുമുണ്ട്. നിരവധി ബ്രാന്റ് അംഗീകാരങ്ങളും, റിയല്‍ എസ്‌റ്റേറ്റ് പ്രോപ്പര്‍ട്ടികളും, വ്യക്തഗത നിക്ഷേപങ്ങളും ഉള്‍പ്പടെ സൗത്ത് കൊറിയയിലെ അതി സമ്പന്നരില്‍ ഒരാളാണ് കിം തേ ഹ്യൂങ് എന്ന ബിടിഎസിന്റെ വി