ബിടിഎസ് താരങ്ങള്‍ ഫുള്‍ ഫോമില്‍ തന്നെ; Are You Sure സീസണ്‍ 2 യുമായി ജിമിനും ജങ്കൂക്കും എത്തുന്നു

Authored by: അശ്വിനി പി|Samayam Malayalam•5 Nov 2025, 4:32 pm

ബിടിഎസ് താരങ്ങള്‍ എല്ലാം പഴയ സ്വാഗിലേക്ക് തിരിച്ചെത്തുകയാണ്. രണ്ട് രണ്ടര വര്‍ഷം മാറ്റിവച്ച ഓരോന്നും പൊടി തട്ടിയെടുക്കുന്നു. പുതിയ ആല്‍ബം 2026 മാര്‍ച്ചില്‍ വരാനിരിക്കെ, ഓരോരുത്തരുടെയും സോളോ കണ്‍സേര്‍ട്ട് ഒക്കെ നേരത്തെ വന്നിരുന്നു. ജിനിന്റെ കണ്‍സേര്‍ട്ട് ആണ് ഏറ്റവുമൊടുവില്‍ വന്‍ ആഘോഷമായത്. ഇനി ജങ്കൂക്കിന്റെ ആദ്യ സോളോ റെക്കോഡിങ് സൃഷ്ടിയായ ഗോള്‍ഡണ്‍ ഇന്ത്യയില്‍ തുടക്കം കുറിക്കുന്നു എന്ന വാര്‍ത്ത വന്ന സന്തോഷത്തിലാണ് ആരാധകര്‍.

പിന്നാലെ ഇതാ ജിമിനും ജങ്കൂക്കും തങ്ങളുടെ Are You Sure? എന്ന ട്രാവല്‍ വ്‌ളോഗ് പരിപാടിയുമായി തിരിച്ചെത്തുന്നു. ബിടിഎസിന്റെ ഏഴ് അംഗങ്ങളില്‍ ജിമിനും ജങ്കൂക്കും പരസ്പരം വളരെ കണക്ടഡ് ആണ്. ഇരുവരും ഒന്നിച്ചാണ് സൈനിക സേവനത്തില്‍ ജോയിന്‍ ചെയ്തതും പുറത്തിറങ്ങിയതുമെല്ലാം. അതിന് ശേഷം രണ്ടുപേരും ഒന്നിച്ച് വേള്‍ഡ് ടൂറും നടത്തിയിരുന്നു.

Also Read: നന്നായി തടി വച്ചു, പിന്നീടെങ്ങനെ കുറച്ചെടുത്തു; ലുക്ക് മെയിന്റെയിന്‍ ചെയ്തു പോകുന്നതിനെ കുറിച്ച് ഭാവന

വിയറ്റ്‌നാമിലും സ്വിറ്റ്‌സര്‍ലാന്റിലും എല്ലാം യാത്ര ചെയ്ത ജിമിനും ജങ്കൂക്കും അവിടെയുള്ള വിശേഷങ്ങള്‍ കുറച്ചൊക്കെ നേരത്തെ സോഷ്യല്‍ മീഡിയയിലൂടെ പങ്കുവച്ചിരുന്നു. അപ്പോള്‍ തന്നെ Are You Sure? എന്ന ഷോ തിരിച്ചുവരുന്നതിനെ സംബന്ധിച്ച ചര്‍ച്ചകളും നടന്നു. ഇതിന്റെ ആദ്യ സീസണ്‍ വന്‍ ഹിറ്റായിരുന്നു. വിയറ്റ്‌നാമിലും സ്വിറ്റ്‌സര്‍ലാന്റിലും നടത്തിയ യാത്ര രണ്ടാം സീസണായി ഡിസംബര്‍ 3 ന് ജിയോ ഹോട്‌സ്റ്റാറില്‍ സ്ട്രീമിഹ് ചെയ്യും എന്ന വാര്‍ത്തയാണ് ഇപ്പോള്‍ പുറത്തുവരുന്നത്.

Also Read: അനാര്‍ക്കലിയിലെ സുന്ദരി നാദിറ മെഹറിന്‍ തന്നെയാണോ ഇത്; പൃഥ്വിരാജിന്റെ നായികയുടെ പുതിയ ചിത്രങ്ങള്‍ വൈറലാവുന്നു

തുടര്‍ച്ചയായി നാല് ആഴ്ചകളിലായി രണ്ട് എപ്പിസോഡുകളായിട്ടായിരിക്കും വീഡിയോ പുറത്തുവരുന്നത്. കുറഞ്ഞ ബജറ്റില്‍ നടത്തിയ മനോഹരമായ ഒരു യാത്രയുടെ വിവരണങ്ങളും വിശേഷങ്ങളുമായിരിക്കും അത്. 12 ദിവസത്തെ യാത്രയില്‍ ഒരു 'മിനിമലിസ്റ്റിക്' ആശയം ഉണ്ടായിരിക്കും, അവരുടെ പരിമിതമായ ലഗേജില്‍ ശ്രദ്ധ കേന്ദ്രീകരിക്കുകയും ചെയ്യും. സൈനിക സേവനത്തിന് മുമ്പുള്ള സീസണ്‍ 1 മുതല്‍ അവര്‍ എങ്ങനെ മാറിയെന്നും സൈനിക സേവനം എത്രത്തോളം വ്യക്തി ജീവിതത്തെ സ്വാധീനിച്ചു എന്നതുമൊക്കെയായിരിക്കും വീഡിയോയില്‍ ഉള്‍ക്കൊള്ളിച്ചിരിക്കുക.