ബിടിഎസ് താരങ്ങൾ വേൾഡ് ടൂറിന് ഇറങ്ങുന്നു, എപ്പോൾ എന്തൊക്കെയാണ് പ്ലാൻ?

Authored by: അശ്വിനി പി|Samayam Malayalam•30 Sept 2025, 7:10 pm

ദക്ഷിണ കൊറിയയുടെ നിർബന്ധിത സൈനിക സേവനത്തിന് ശേഷം ബിടി എസ് താരങ്ങൾ എല്ലാം ജൂൺ മാസത്തോടെ പുറത്തിറങ്ങുകയും, കെ - പോപ് ലോകത്ത് സജീവമാവുകയും ചെയ്തു. പുറത്തിറങ്ങിയതിന് ശേഷം സിംഗിൾ സ്റഅറേജ് ഷോകളും ഫാഷൻ ഷോകളും മറ്റു പരിപാടികളുമൊക്കെയായി തിരക്കിലായിരുന്നു വിയും സുഗയും ആർ എമ്മും ജിമിനും ജിന്നും ജങ്കൂക്കും ജെ ഹോപ്പുമെല്ലാം.

2026 ൽ പുറത്തിറങ്ങാനിരിയ്ക്കുന്ന പുതിയ ആൽബത്തിന്റെ റെക്കോഡിങമായി ബന്ധപ്പെട്ട് മൂന്ന് - നാല് മാസത്തോളം ഏഴവർ സംഘവും ലോസ് ആഞ്ചൽസിൽ ആയിരുന്നു. അതിന് മുൻപ് മൈന്റ് റിലീഫിന് വേണ്ടി വിദേശ യാത്രകളൊക്കെ തിരിച്ചെത്തിയതിന് ശേഷമാണ് പുതിയ രെക്കോഡിങിലേക്ക് കയറിയത്. റെക്കോഡിങിനൊപ്പം ലോസ് ആഞ്ചൽസിൽ സമയം ചെലവഴിക്കുന്ന ചിത്രങ്ങളും ഓരോരുത്തരും പങ്കുവച്ചുകൊണ്ടേയിരുന്നു.

Also Read: അർജുൻ സാരഥി സാക്ഷാൽ കൃഷ്ണൻ തന്നെ! ഗർഭാവസ്ഥയിൽ തന്നെ തിരിച്ചറിഞ്ഞു; മൂന്നാം വയസിൽ അത്ഭുതമായ ബാലൻ

ലോസ് ആ‍ഞ്ചൽസിലെ റെക്കോഡിങ് പൂർത്തിയാക്കി ഏഴുപേരും സൗത്ത് കൊറിയയിലേക്ക് തിരിച്ചെത്തിയിരുന്നു. ഇപ്പോഴിതാ ഏഴുപേരും വേൾഡ് ടൂറിന് ഒരുങ്ങുന്നതായി റിപ്പോർട്ടുകൾ. 2026 മെയ് മാസം മുതൽ ഡിസംബർ വരെ എട്ട് മാസത്തെ വേൾഡ് ടൂർ ആണ് പ്ലാൻ ചെയ്തിരിയ്ക്കുന്നത് എന്നാണ് വിവരം. ലോകത്തിന്റെ വിവിധ ഭാഗങ്ങളിലായി പരമാവധി ഷോകൾ നടത്തും. ഏഴുപേരും പഴയ ഫോമിൽ, എനർജെറ്റിക് ആയി തിരിച്ചുവരുന്നതും കാത്തിരിയ്ക്കുകയാണ് ആരാധകർ.

Also Read: കാണാൻ പൂവ് പോലെയാണെങ്കിലും ദേവയാനി ഭയങ്കരിയാണ് എന്ന് ഭർത്താവ് രാജ്കുമാർ; വീടിനും മക്കൾക്കും തനിക്കും വേണ്ടി ഒതുങ്ങിയിരിക്കുന്നതാണ്


നിലവിൽ ബിടിഎസ് താരങ്ങളിൽ ചിലർ ഇപ്പോൾ നടന്നുകൊണ്ടിരിയ്ക്കുന്ന പാരീസ് വീക്കിലും ശ്രദ്ധ നേടിയിരുന്നു. പാട്ടുകൾക്കൊപ്പം ബിടിഎസ് താരങ്ങളുടെ ഡാൻസും ഫാഷനും സ്റ്റൈലും എല്ലാം ഫോളോ ചെയ്യുന്നവരാണ് ആരാധകർ. അതിനിടയിൽ പല പ്രണയ ഗോസിപ്പുകളും വി, ജിമിൻ എന്നിവരെ സംബന്ധിച്ച് പുറത്തുവന്നിരുന്നു. എന്നാൽ അതിനെയൊന്നും വകവയ്ക്കാതെ തങ്ങളുെട കരിയറുമായി മുന്നോട്ടു പോകുകയായിരുന്നു ഏഴുപേരും.