മമ്മൂട്ടിയുടെ ഈ വാക്കുകള്‍ വല്ലാതെ വേദനിപ്പിക്കുന്നു എന്ന് ആരാധകര്‍; ഇങ്ങള് റസ്റ്റെടുക്കൂ, ഇത് ഞങ്ങളേറ്റു; ഒരു പ്രമോഷനും ഇല്ലാതെ ബസൂക്ക തിയേറ്ററിലേക്ക്

Authored byഅശ്വിനി പി | Samayam Malayalam | Updated: 9 Apr 2025, 8:07 pm

Samayam Malayalamബസൂക്കയുടെ റിലീസിന് മുൻപ് മമ്മൂട്ടി പങ്കുവച്ച ഫേസ്ബുക്ക് പോസ്റ്റ്

വന്‍ പ്രതീക്ഷയോടെയാണ് മമ്മൂട്ടിയുടെ ബസൂക്ക എന്ന ചിത്രത്തിന്റെ പ്രഖ്യാപനം ആരാധകര്‍ ഏറ്റെടുത്തത്. ചിത്രത്തിലെ മമ്മൂട്ടിയുടെ ലുക്ക് എല്ലാം വൈറലായിരുന്നു. എമ്പുരാന്‍ വൈബില്‍ കേരളം മുഴുവന്‍ ആവേശത്തില്‍ നില്‍ക്കുന്നതിനിടയിലാണ് ബസൂക്കയുടെ ട്രെയിലര്‍ എത്തിയത്. എന്നിട്ടും അത് വൈറലായി. കാത്തിരുന്ന സിനിമയുടെ റിലീസ് നാളെയാണ്.

നാളെ, ഏപ്രില്‍ 10 ബസൂക്ക തിയേറ്ററിലെത്തുന്നു. പക്ഷേ സിനിമയുടെ ഭാഗമായി യാതൊരു പ്രമോഷന്‍ പരിപാടികളും നടന്നിട്ടില്ല. ട്രെയിലര്‍ ലോഞ്ചോ താരങ്ങളുടെ അഭിമുഖങ്ങളോ ഒന്നും തന്നെയുണ്ടായില്ല. മമ്മൂട്ടി കമ്പനിയുടെയും സിനിമയുടെ അണിയറ പ്രവര്‍ത്തകരുടെയും സോഷ്യല്‍ മീഡിയ പേജിലൂടെ പോസ്റ്ററുകള്‍ ഷെയര്‍ ചെയ്തു എന്നല്ലാതെ ബസൂക്കയ്ക്ക് വലിയ പ്രമോഷന്‍ ഒന്നും കിട്ടിയില്ല. മമ്മൂട്ടിയുടെ ഇപ്പോഴത്തെ ആരോഗ്യ സ്ഥിതി തന്നെയായിരുന്നു അതിന് കാരണം.

Also Read: മദ്യപിച്ച് മദോന്മത്തനായി പൃഥ്വിരാജിനെ തെരുവില്‍ കാണേണ്ടി വരുമോ? ശ്രീകണ്ഠന്‍ നായരുടെ ചോദ്യത്തിന് പൃഥ്വി നല്‍കിയ മറുപടി

ഈ സാഹചര്യത്തില്‍ മമ്മൂട്ടി പങ്കുവച്ച ഫേസ്ബുക്ക് പോസ്റ്റ് ആരാധകരെ കൂടുതല്‍ ഇമോഷണലാക്കുന്നു. 'പ്രിയമുള്ളവരെ, വീണ്ടും ഒരു നവാഗത സംവിധായകനോടൊപ്പം ഞാന്‍ എത്തുകയാണ്. 'ഡിനോ ഡെന്നിസ്' അദ്ദേഹം തന്നെയാണ് കഥയും, തിരക്കഥയും. ഏപ്രില്‍ 10ന് (നാളെ) 'ബസൂക്ക' തിയേറ്ററുകളില്‍ എത്തും. ഗെയിമിംഗ് പ്രമേയമായതും വളരെ പുതുമ തോന്നിയതും ആയ കഥ ; ആദ്യ കേള്‍വിയില്‍ തന്നെ എനിക്ക് ഇഷ്ടപ്പെട്ടു. അത് സിനിമയായി പരിണമിച്ചു. ഇനി നിങ്ങള്‍ക്കാണ് ഇഷ്ടപ്പെടേണ്ടത്.

Also Read: എനിക്ക് അസൂയയാണ്, ഈ ജന്മത്തില്‍ ഇതൊന്നും എനിക്ക് പറ്റില്ല; മഞ്ജു വാര്യര്‍ക്ക് പിന്നാലെ ദിലീപും! ഒരേ വേദിയില്‍, ഒരേ കസേരയില്‍

എപ്പോഴും പറയാറുള്ളത് പോലെ. പുതിയ ഓരോ സംവിധായര്‍ക്കും പുതിയതെന്തോ പറയാനുണ്ടാകും. അതിനൊപ്പം ഞാനും നിങ്ങളും നമ്മളും. സ്‌നേഹപൂര്‍വ്വം മമ്മൂട്ടി- എന്നാണ് മമ്മൂട്ടി ഫേസ്ബുക്കില്‍ കുറിച്ചത്.


ഒരു പ്രമോഷനും ഇല്ലാതെ, അതിനുള്ള ആരോഗ്യമില്ലാതെ മമ്മൂട്ടി ഇങ്ങനെ ഒരു പോസ്റ്റ് ഇടുന്ന് ഞങ്ങളെ വല്ലാതെ വേദനിപ്പിയ്ക്കുന്നു, ഇക്ക റസ്റ്റ് എടുത്തോളൂ, ബസൂക്കയുടെ കാര്യം ഞങ്ങളേറ്റു എന്ന് ഫാന്‍സ് കമന്റില്‍ പറയുന്നുണ്ട്. ഒരു പ്രമോഷനും ഇല്ലാതെ വരുന്ന ഈ സിനിമ തിയേറ്ററില്‍ കൊളുത്തും, വിഷു ആഘോഷമാവും എന്നാണ് മറ്റ് കമന്റകള്‍. ബസൂക്കയ്ക്കും മമ്മൂക്കയ്ക്കും ആശംസകള്‍ അറിയിച്ച് മോഹന്‍ലാല്‍ പങ്കുവച്ച പോസ്റ്റും സോഷ്യല്‍ മീഡിയയില്‍ വൈറലായിരുന്നു.