3 months ago
3
Authored by: ഋതു നായർ|Samayam Malayalam•17 Oct 2025, 3:47 pm
നാഗാര്ജുന അക്കിനേനിയുടെ ആദ്യഭാര്യ ലക്ഷ്മി ദഗ്ഗുബതിയിൽ ജനിച്ച മകൻ ആണ് നാഗചൈതന്യ, പിന്നീട് അമല അക്കിനേനിയിൽ ആണ് അഖില് അക്കിനേനി ജനിക്കുന്നത്
അമല അക്കിനേനി(ഫോട്ടോസ്- Samayam Malayalam)യൂട്യൂബ് ചാനലായ അവൽ വികടനുമായുള്ള ഒരു സംഭാഷണത്തിൽ ആണ് , ശോഭിത ധുലിപാലയ്ക്കും സൈനബ് റാവ്ജിക്കും അമ്മായിയമ്മ എന്ന നിലയിൽ തന്റെ റോളിനെക്കുറിച്ച് അമല അക്കിനേനി പറയുന്നത്. " എനിക്ക് അമേസിംഗ് ആയ മരുമക്കളെ ആണ് കിട്ടിയത് അവർ ഭയങ്കര ഹാപ്പിയാണ്, അവർ എന്നെ വീണ്ടും വീണ്ടും ഹാപ്പിയാക്കുന്നു ജീവിതത്തിൽ കൂടുതൽ വർണങ്ങൾ നൽകുന്നു, എനിക്ക് ഇപ്പോൾ ആണ്മക്കളെ പോലെ തന്നെ പെൺകുട്ടികളുടെ സംരക്ഷണ വലയവും ഉണ്ട്; അമല പറയുന്നു.
"അവർ ഭയങ്കര തിരക്കിലാണ്, പക്ഷേ അത് നല്ലതാണ്, കാരണം തിരക്കിലായിരിക്കുക എന്നത് വളരെ നല്ലതാണ്.എങ്കിലും അവർക്കൊപ്പം ഉള്ള നിമിഷങ്ങൾ ആസ്വദിക്കുന്നു. എനിക്ക് അവരോടൊപ്പം ചില നിമിഷങ്ങൾ കിട്ടുമ്പോൾ അത് ആഘോഷമാക്കാൻ ഞാനും ശ്രമിക്കാറുണ്ട്. . ഞാൻ ഒരു നീഡി ആയ അമ്മായിയമ്മയല്ല അങ്ങനെ ഒരു ഭാര്യയുമല്ല .
ALSO READ: മുംബൈയിൽ മാത്രമല്ല തൃശൂരും അനന്തപുരിയിലും പ്രോപ്പർട്ടികൾ! 43 വയസ് ആയപ്പോഴേക്കും എത്തിപ്പിടിക്കാവുന്നതൊക്കെയും നേടിപൃഥ്വി
മക്കളായ നാഗചൈതന്യയെയും അഖില് അക്കിനേനിയെയും അമ്മയെന്ന നിലയിൽ താൻ എങ്ങനെ ആണ് നോക്കികാണുന്നതെന്നും അമല സംസാരിച്ചു, “അവര് ഭയന്കര അമേസിംഗ് ആയിട്ടാണ് വളർന്നത്. അവര്ക്ക് നാഗ് സാറിനോട് ഭയങ്കര റെസ്പെക്ട് ആണ്; അദ്ദേഹവും അവരോട് നല്ല വാത്സല്യമുള്ള ആളാണ്. എന്നെ സംബന്ധിച്ചിടത്തോളം, ഞാന് അങ്ങനെ സ്ട്രിക്ട് അല്ലെങ്കിലും അവരുടെ എല്ലാ കാര്യത്തിലും ഒപ്പം ഉള്ള ആള് തന്നെയാണ്.
2024-ല് ഹൈദരാബാദില് നടന്ന ഒരു സ്വകാര്യ ചടങ്ങില് ആണ് നാഗചൈതന്യയും നടി ശോഭിത ധുലിപാലയും വിവാഹിതരായി. തെലുങ്ക് സിനിമാലോകത്തിലെ നിരവധി സെലിബ്രിറ്റികള് പങ്കെടുത്ത ആ ചടങ്ങില് നിരവധി പേരാണ് അനുഗ്രഹം ചൊരിയാൻ എത്തിയത്.
2025 ൽ അഖിൽ അക്കിനേനി സൈനബ് റാവ്ജിയെ വിവാഹം കഴിച്ചു. മുംബൈ സ്വദേശിനിയാണ് സൈനബ്, വിജയകരമായ ബിസിനസുകാരുടെ കുടുംബത്തിൽ നിന്നുള്ളയാളാണ്.
English (US) ·