മലയാളിവേരുകളുള്ള റിയ പിള്ള; സഞ്ജയ് ദത്തിന്റെയും ലിയാൻഡറിന്റെയും പങ്കാളിയായിരുന്ന താരം; 58 ആം വയസ്സിലും സ്റ്റാർ

2 months ago 3

Authored by: ഋതു നായർ|Samayam Malayalam•7 Nov 2025, 12:26 pm

1998 ൽ ആണ് റിയ പിള്ളയെ സഞ്ജയ് ജീവിതപങ്കാളിയായി സ്വീകരിച്ചത്. ഇരുവരുടെയും രണ്ടാമത്തെ ദാമ്പത്യമായിരുന്നു ഇത്. എന്നാൽ രണ്ടായിരത്തിനു ശേഷം റിയ ഇന്ത്യൻ ടെന്നീസ് ഇതിഹാസം ലിയാണ്ടർ പേസിനോടൊപ്പം ലിവിങ് റിലേഷൻ ആരംഭിച്ചു; ഇവർക്ക് അഹാന എന്നൊരു മകളുണ്ട്

is rhea pillai joined to leander paes and rhea pillai sanjay dutt narration present is the implicit facts connected her

ഒരു സിനിമാക്കഥയെ വെല്ലുന്ന ട്വിസ്റ്റുകൾ നിറഞ്ഞ ജീവിതമാണ് ബോളിവുഡ് താരം സഞ്ജയ് ദത്തിന്റേത്. ലഹരിയും, ബോംബെ സ്‌ഫോടനവുമായി ബന്ധപ്പെട്ടുണ്ടായ കേസുകളുമെല്ലാം നിമിത്തം തകർച്ചയുടെ പടുകുഴിയിൽ വീണു പോയ ഇന്ത്യൻ സിനിമയുടെ സഞ്ജു ബാബാ, ആരെയും അതിശയിപ്പിക്കുന്ന തിരിച്ചു വരവാണ് നടത്തിയത്. സ്വന്തം പങ്കാളിയോടൊപ്പം ചേർന്ന് നിന്നുകൊണ്ട് അദ്ദേഹത്തിനെ വിജയത്തിന്റെ നെറുകയിൽ എത്തിച്ച സഞ്ജയുടെ ഭാര്യ മാന്യതയോടാണ് ഈ വിജയങ്ങളിൽ അദ്ദേഹം കടപ്പെട്ടിരിക്കുന്നതും.

സഞ്ജയ് മാന്യത ദമ്പതികൾ പ്രണയപൂർണ്ണമായ ദാമ്പത്യത്തിന്റെ പതിനേഴു വർഷങ്ങൾ പിന്നിടുകയാണ്. രണ്ടു കുട്ടികളുടെ രക്ഷിതാക്കൾ കൂടിയായ ഇരുവരും ചേർന്നു താണ്ടിയത് പ്രതിസന്ധികളുടെ നീണ്ട വർഷങ്ങളുമാണ്. എന്നാൽ മാന്യത ദത്ത്, സഞ്ജയുടെ മൂന്നാമത്തെ പങ്കാളിയാണ് എന്ന സത്യം അധികമാർക്കും അറിയാത്ത ഒന്നാണ്. ആദ്യത്തെ പങ്കാളിയായ റിച്ച ശർമ്മയെ സഞ്ജയ് വിവാഹം ചെയ്യുന്നത് 1987 ലാണ്. 1996 ൽ ക്യാൻസർ ബാധിച്ച റിച്ച മരിക്കുമ്പോൾ ഇരുവർക്കും ഒരു മകളുണ്ടായിരുന്നു, ഇപ്പോൾ അമേരിക്കയിൽ താമസിക്കുന്ന തൃഷാല.

1998 ൽ പ്രശസ്ത ബ്രിട്ടീഷ് മോഡലായ റിയ ലൈല പിള്ളയെ സഞ്ജയ് ജീവിതപങ്കാളിയായി സ്വീകരിച്ചു. ഇരുവരുടെയും രണ്ടാമത്തെ ദാമ്പത്യമായിരുന്നു ഇത്. 1984 ൽ മൈക്കൽ വാസ് എന്ന അമേരിക്കൻ പൗരനെ വിവാഹം ചെയ്ത റിയ 1994 ൽ വിവാഹമോചനം നേടിയ ശേഷമാണു സഞ്ജുവിന്റെ ജീവിതപങ്കാളിയാകുന്നത്. എന്നാൽ രണ്ടായിരത്തിനു ശേഷം റിയ ഇന്ത്യൻ ടെന്നീസ് ഇതിഹാസം ലിയാണ്ടർ പേസിനോടൊപ്പം ലിവിങ് റിലേഷൻ ആരംഭിച്ചതായി വാർത്തകൾ പ്രചരിച്ചു. 2005 ൽ പേസ്-റിയ ദമ്പതികൾക്ക് അയാന എന്നൊരു മകൾ ജനിച്ചു.

ALSO READ: അമ്മയായ സന്തോഷം പങ്കുവച്ച് കത്രീന! ഞങ്ങളുടെ ലൈഫ് കൂടുതൽ കളർ ആക്കാൻ ആളെത്തിയെന്ന് വിക്കി; ആശംസാപ്രവാഹം

2006 ൽ തങ്ങൾ വേർപിരിയാൻ പോകുന്നു എന്നും, നല്ല സുഹൃത്തുക്കളായി തുടരുമെന്നും സഞ്ജയ്-റിയ ദമ്പതികൾ സ്ഥിരീകരിക്കുകയും, 2008 ൽ വിവാഹമോചനം നേടുകയും ചെയ്തു. 2014 ൽ പേസിനും, പിതാവിനുമെതിരെ ഗാർഹിക പീഡന പരാതി നൽകിയ റിയ വിവാഹമോചനം നേടി. ഇരുവരുടെയും മകൾ അയാന ടെന്നീസിൽ ബ്രിട്ടനെ പ്രതിനിധീകരിക്കുന്നു.

മോഡൽ, എയർ ഹോസ്റ്റസ്, ഫാഷൻ ഡിസൈനർ തുടങ്ങി വ്യത്യസ്ത മേഖലകളിൽ തന്റേതായ വ്യക്തിമുദ്ര പതിപ്പിച്ചുള്ള റിയ അൻപത്തിയെട്ടാമത്തെ വയസ്സിലും സോഷ്യൽ മീഡിയയിൽ സജീവമായ ഒരു താരമാണ്. റിയയുടെ അച്ഛൻ റെയ്മണ്ട് പിള്ളയുടെ ഫാദർ മലയാളി ആയിരുന്നു അങ്ങനെയാണ് റിയക്ക് മലയാളി വേരുകൾ ഉണ്ടാകുന്നത്. ടെമ്പിൾ ഹൗസ് എന്ന പേരിൽ സ്വന്തം ഫാഷൻ ബ്രാൻഡ് കൂടിയുള്ള റിയ ആർട്ട് ഓഫ് ലിവിങ് പ്രവർത്തനങ്ങളിലൂടെയും സമൂഹത്തിൽ സജീവമാണ്. 2003 ൽ ഇന്ത്യൻ ടെലിവിഷൻ അക്കാദമിയുടെ വുമൺ ഓഫ് ദി ഇയർ പുരസ്കാരത്തിന് റിയ അർഹയായിരുന്നു.

Read Entire Article