രഹസ്യമായി കല്യാണം ഉറപ്പിച്ചു, പ്രഭാസിന്റെ വധു ഹൈദരബാദിലെ പ്രമുഖ ബിസിനസ്മാന്റെ മകള്‍; കേട്ടത് സത്യമോ?

ഹൈദരബാദിലെ ഒരു പ്രമുഖ വ്യവസായിയുടെ മകളുമായി പ്രഭാസിന്റെ വിവാഹം രഹസ്യമായി നിശ്ചയിച്ചു എന്നായിരുന്നു വാര്‍ത്തകള്‍. ചടങ്ങുകള്‍ എല്ലാം സ്വകാര്യമാണെന്നും, വിവാഹം ഉടന്‍ ഉണ്ടാവും എന്നുമൊക്കെയായിരുന്നു വാര്‍ത്തകള്‍. എന്നാല്‍ അത് തീര്‍ത്തും വ്യാജമാണെന്ന് അടുത്ത വൃത്തങ്ങളെ ഉദ്ധരിച്ച് പിങ്ക് വില്ല റിപ്പോര്‍ട്ട് ചെയ്യുന്നു.

പ്രഭാസിന്റെ വിവാഹം നിശ്ചയിച്ചു എന്ന തരത്തില്‍ പ്രചരിയ്ക്കുന്ന വാര്‍ത്തകള്‍ തീര്‍ത്തും വ്യാജമാണ്. ഇതുവരെ അങ്ങനെ ഒരു തീരുമാനം എടുത്തിട്ടില്ല. ഇത്തരം വ്യാജ പ്രചരണങ്ങള്‍ കുടുംബ പേരിനെ ബാധിയ്ക്കുന്നു എന്നാണ് പ്രഭാസുമായി അടുത്ത വൃത്തങ്ങള്‍ പറയുന്നത്. വിവാഹക്കാര്യത്തില്‍ തീരുമാനം ആവുമ്പോള്‍ ഔദ്യോഗികമായി അറിയിക്കും എന്നും വ്യക്തമാക്കുന്നു.

നടി അനുഷ്‌ക ഷെട്ടിയുമായി പ്രഭാസിന്റെ വിവാഹ വാര്‍ത്തകള്‍ വളരെ ശക്തമായി പ്രചരിച്ചിരുന്നു. ബാഹുബലി സിനിമകള്‍ക്ക് ശേഷം വന്ന ഗോസിപ്പുകളോട് ആദ്യം ഇരുവരും പ്രതികരിച്ചില്ല എങ്കിലും, പിന്നീട്, ഞങ്ങള്‍ സുഹൃത്തുക്കളാണെന്ന് രണ്ട് പേരും വ്യക്തമാക്കി. അനുഷ്‌കയ്ക്കും അമേരിക്കയിലെ ഒരു ബിസിനസ്സുകാരനുമായി വിവാഹം ഉറപ്പിച്ചതായി ഗോസിപ്പുകള്‍ ഉണ്ടായിരുന്നു

കല്‍ക്കി 2898 എഡി എന്ന സിനിമയ്ക്ക് ശേഷം ദ രാജ സാബ് ആണ് പ്രഭാസിന്റെ അടുത്ത സിനിമ. കണ്ണപ്പ എന്ന ചിത്രത്തില്‍ പ്രഭാസ് അതിഥിയായി എത്തുന്നുണ്ട്. സലാര്‍ പാര്‍ട്ട് 2, ഫുജി എന്നിവയാണ് പ്രഭാസിന്റെ മറ്റു ചിത്രങ്ങള്‍. നിലവില്‍ കരയറില്‍ കൂടുതല്‍ ശ്രദ്ധിക്കുകയാണ് തന്റെ ഉദ്ദേശം എന്ന് പ്രഭാസ് നേരത്തെ പറഞ്ഞിരുന്നു