രാജിന് മകളുണ്ടോ, മുൻ ഭാര്യയും ആയുള്ള ബന്ധം ഡിവോഴ്സ് ആയില്ലേ; പ്രചരിക്കുന്ന കഥകളുടെ സത്യാവസ്ഥ

Authored by: ലക്ഷ്മി ബാല |Samayam Malayalam•2 Dec 2025, 8:40 am

ആരാധകർ ഏറെ ആഘോഷിച്ച ഒരു താരവിവാഹം ഈ അടുത്തെങ്ങും ഉണ്ടായിട്ടില്ല. അത്രത്തോളം ആഘോഷമാണ് ഇന്നലെ മുതൽ സോഷ്യൽ മീഡിയയിൽ നടക്കുന്നത്. സിനിമയിലെ പ്രമുഖ താരങ്ങൾ മുതൽ സാധാരണക്കാർ വരെ സമാന്തയുടെ വിവാഹം ആഘോഷിക്കുന്നു ആശംസകൾ നേരുന്നു. തങ്ങളുടെ വീട്ടിലെ പെൺകുട്ടിയുടെ വിവാഹം എന്ന പോലെ ഓരോ ആളുകളും ആ വിവാഹ വാർത്തയെയും ആഘോഷിച്ചു. ഏറെ പ്രതിസന്ധികളിൽ കൂടി കടന്നുപോയ ഒരു സ്ത്രീ, ജീവിതത്തിൽ അങ്ങോളം ഒപ്പം ഉണ്ടാകും എന്ന് പ്രതീക്ഷിച്ച ആളാൽ ഉപേക്ഷിക്കപ്പെടുന്ന അവസ്ഥ . , ജീവിതത്തിലെ മോശം അവസ്ഥകൾ എല്ലാം ഒറ്റക്ക് കടന്നുപോകുന്നു.

ഫീനിക്സ് പക്ഷിയായി പറന്നുയർന്ന് പുതിയ പ്രതീക്ഷയോടെ ജീവിതം ആരംഭിക്കുമ്പോൾ ഏറെ ആഘോഷമായിരുന്നു അവരുടെ പ്രിയപെട്ടവർക്ക്.

ജീവിതത്തിൽ ഇനി അങ്ങോളം രാജ് ഒപ്പം ഉണ്ടാകും എന്ന വിശ്വാസത്തോടെയും പ്രതീക്ഷയോടെയും ഇരുവരും ജീവിതം ഒരുമിച്ചുതുടങ്ങുകയും ചെയ്തു. ഇപ്പോഴിതാ രാജിന്റെ ഒരു പഴയകാല ചിത്രം ആണ് സമൂഹ മാധ്യമങ്ങളിൽ നിറയുന്നത്. ഒരു പെൺകുട്ടിയെ കൈയ്യിൽ എടുത്ത് മുൻ ഭാര്യക്ക് ഒപ്പം നിൽക്കുന്ന ഒരു ചിത്രം അതോടെയാണ് അദ്ദേഹം വിവാഹിതൻ ആണോ എന്ന സംസാരം സോഷ്യൽ മീഡിയയിൽ നടന്നത്.

രാജ് എടുത്തുനിൽക്കുന്ന പെൺകുട്ടി അദ്ദേഹത്തിന്റെ മകൾ ആണ് ആ കുട്ടി മുൻ ഭാര്യയോടൊപ്പം ഉണ്ടെന്നാണ് വാർത്തകൾ പ്രചരിച്ചത്. എന്നാൽ സത്യം മറ്റൊന്നാണ് 2022 ൽ രാജ് ശ്യാമാലിയിൽ നിന്ന് ഔദ്യോഗികമായി വിവാഹമോചനം നേടിയിരുന്നു, രാജ് തന്റെ മകളോടൊപ്പം ഉണ്ടെന്ന റിപ്പോർട്ടുകൾ അക്ഷരാർത്ഥത്തിൽ തെറ്റാണ്. അദ്ദേഹത്തിന് ഒരു മകളില്ല എന്നുമാത്രമല്ല ഒപ്പം ഉണ്ടായിരുന്ന കുട്ടി അദ്ദേഹത്തിന്റെ ബിസിനസ് പാർട്ണർ കൃഷ്ണ ഡികെയുടെ മകളാണ്. ഒരു സ്വകാര്യ ഫങ്ങ്ഷനിൽ പങ്കെടുക്കുമ്പോൾ രാജ് ആ കുട്ടിയെ എടുത്തു നിൽക്കുന്ന ചിത്രമാണ് മകളാണ് എന്ന രീതിയിൽ ഇപ്പോൾ പ്രചരിക്കുന്നത്.

ALSO READ: ഇത് എന്ത് മുത്തശ്ശിയാണ്! ചെറുമകൾ വിവാഹം ചെയ്യുന്നത് എനിക്ക് ഇഷ്ടമില്ല താൻ ആഗ്രഹിക്കുന്നില്ലെന്ന് ജയാബച്ചൻ; കാരണം പറഞ്ഞ് താരം

2015 ൽ വിവാഹിതരായ രാജും ശ്യാമാലി ദേയും 2022 ൽ ആണ് ഒഫീഷ്യൽ ആയി വേര്പിരിയുന്നത്.

'സിറ്റാഡൽ' എന്ന സിനിമയുടെ ചിത്രീകരണത്തിനിടെയാണ് രാജ് സാമന്തയും ആയി പ്രണയത്തിലായത്. സാമന്തയും രാജും തമ്മിൽ എട്ട് വയസ്സിന്റെ പ്രായവ്യത്യാസമുണ്ടെന്ന് റിപ്പോർട്ടുണ്ട്. 2024 ന്റെ തുടക്കത്തിൽ അവരുടെ ബന്ധത്തെക്കുറിച്ചുള്ള കിംവദന്തികൾ ഉയർന്നിരുന്നു, കഴിഞ്ഞ വർഷം സാമന്ത രാജി ന്റെ കുടുംബത്തെ കാണാൻ യുഎസിൽ പോയിരുന്നു എന്നും റിപ്പോർട്ടുണ്ട്.