ലാലും മമ്മുക്കയും ചോദിക്കാത്ത ഒരു ചോദ്യം അത് ദിലീപ് മാത്രമേ എന്നോട് ചോദിച്ചിട്ടുള്ളൂ; അദ്ദേഹം നല്ലൊരു നിർമ്മാതാവാണ്

സിനിമ മേഖലയിൽ ഉള്ളവരുടെ സൗഹൃദവും എത്രത്തോളം ആഴമേറിയതാണ് എന്ന് പലർക്കും അറിയണമെന്നില്ല. ഓരോ സാഹചര്യങ്ങൾ വരുമ്പോഴാണ് പലർക്ക് ഇടയിലുള്ള ബന്ധത്തിന്റെ ആഴം ചർച്ച ചെയ്യപ്പെടുക. അത്തരത്തിൽ ഒരു ബന്ധമാണ് ദിലീപിനും സുരേഷ് ഗോപിക്കും ഇടയിൽ ഉള്ളത് .

ദിലീപ് തനിക്ക് അനുജനെ പോലെ ആണെന്ന് പലവുരു സുരേഷ് ഗോപി പറഞ്ഞിട്ടുണ്ട്. സുരേഷ് ഗോപിയുടെ മകളുടെ വിവാഹത്തിന് കുടുംബസമേതം ആണ് ദിലീപ് പങ്കെടുത്തത്. ഒരു കുടുംബത്തിലെ ആളെ പോലെയാണ് ചേർന്നുനിന്നതും. താൻ സിനിമയിൽ നിന്നൊരു ബ്രേക്ക് എടുത്താൽ അതിനെ ഒരിക്കലും പ്രോത്സാഹിപ്പിക്കാത്ത ആളാണ് ദിലീപ് എന്ന് സുരേഷ് ഗോപി പറഞ്ഞ ഒരു വീഡിയോ ആണ് ഇപ്പോൾ വൈറൽ ആകുന്നത്.

ഒരു ബ്രേക്ക് എടുത്താൽ ഇത് വേണ്ടാട്ടോ, ഞാൻ വേണം എങ്കിൽ സിനിമ ചെയ്യാം. ഷാജിയേട്ടനോടോ രഞ്ജിയേട്ടനോടോ പറയണോ. നിങ്ങൾ ഇങ്ങനെ മാറിനിൽക്കല്ലേ, അങ്ങനെ നില്ക്കാൻ ഉള്ള ഇടം അല്ല സിനിമ എന്ന് പറയും. സുരേഷേട്ടാ നിങ്ങൾ ഇങ്ങനെ വെറുതെ ഇരിക്കല്ലേ എന്ന് ദിലീപ് മാത്രമാണ് എന്നോട് പറയുക.

മമ്മുക്കയോ ലാലോ ഒന്നും അങ്ങനെ എന്നോട് പറയാറില്ല. ദിലീപിന് അറിയാം ഒരു നടനെ ആക്റ്റീവ് ആയി വൈബ്രന്റ് ആയി നിർത്തുന്നത് എന്താണ് എന്ന്. കാരണം അവൻ നല്ലൊരു നടൻ ആണ്, സംവിധായകൻ ആണ് നല്ലൊരു നിർമ്മാതാവും ആണ്. ഇതിനേക്കാൾ ഉപരി അവൻ നല്ലൊരു ഡിസ്ട്രിബ്യൂട്ടർ ആണ്- സുരേഷ് ഗോപി പറയുന്നു.

ദിലീപിനേ കുറിച്ച് മുൻപും ഇതേപോലെ സുരേഷ് ഗോപി പറഞ്ഞിട്ടുണ്ട്. ഇരുവരും തമ്മിൽ സിനിമയിലെ ബന്ധത്തിനും അപ്പുറം ഒരു ബന്ധമാണ് ഉള്ളത്. തന്റെ ചേട്ടൻ ആണ് സുരേഷ് ഗോപി എന്നാണ് ദിലീപ് പറയുക.

സുരേഷേട്ടനെ പോലൊരു ആള് സിനിമയിൽ നിന്നും വിട്ടുനിൽക്കുന്നതും തനിക് വിഷമം ആണെന്നാണ് ദിലീപ് പറയുക. സുരേഷേട്ടന്റെ ഒക്കെ സിനിമ കണ്ട് വന്ന അത് കണ്ടുവളർന്ന ആളാണ് ഞാനൊക്കെ. ഞാന്‍ അദ്ദേഹത്തിന്റെ കൂടെ എല്ലാ സിനിമകളും നല്ല വിജയം ആയിരുന്നു. മാനത്തെ കൊട്ടാരം എന്ന സിനിമയില്‍ സുരേഷേട്ടന്‍ അതിഥി വേഷത്തില്‍ എത്തി. പിന്നീട് തെങ്കാശിപ്പട്ടണം പോലെ ഒരുപാട് സിനിമകളില്‍ ഞങ്ങള്‍ ഒരുമിച്ച് അഭിനയിച്ചു. എനിക്ക് എന്റെ സഹോദര തുല്യൻ ആണ് അദ്ദേഹം എന്നാണ് ദിലീപ് പറഞ്ഞിട്ടുള്ളത്.