ലിപ്സ്റ്റിക് ഇട്ടത് ഇത്രവലിയ കുറ്റമാണോ! ആ വൈറൽ സെൽഫിക്ക് എന്തിന്‌ അംബികയെ കുറ്റം പറയണം; സോഷ്യൽ മീഡിയ സപ്പോർട്ട് അംബികക്ക്

Authored by: ഋതു നായർ|Samayam Malayalam•30 Nov 2025, 9:09 am

ഇക്കഴിഞ്ഞദിവസമായിരുന്നു നടിമാരായ അംബിക രാധ സഹോദരങ്ങളുടെ അമ്മ സരസമ്മ അന്തരിക്കുന്നത്. കോൺഗ്രസ് പ്രസ്ഥാനത്തിൽ ഏറെക്കാലം പ്രവർത്തിച്ച കല്ലറ സരസമ്മ മക്കളുടെ ഓരോ വളർച്ചയ്ക്കും ഒപ്പം നിന്ന 'അമ്മ കൂടിയാണ്. അംബികയേയും രാധയേയും സിനിമയിൽ എത്തിക്കാൻ സരസമ്മ വഹിച്ച പങ്ക് ചെറുതല്ല. മക്കൾ രണ്ടുപേരും സിനിമയിൽ അഭിനയിച്ചുകിട്ടുന്ന പണമെല്ലാം സ്വരൂപിച്ചുവച്ച് അവരുടെ നല്ല ഭാവിക്ക് വേണ്ടി ആ അമ്മ വിനിയോഗിച്ചു. മക്കളുടെയും ചെറുമക്കളുടെയും ഉയർച്ചയ്ക്ക് വേണ്ടി ഈ അടുത്തകാലം വരെ നിലകൊണ്ട അമ്മ. പെൺപുലി ആയിരുന്നു ആ അമ്മ എന്നാണ് അംബികയുടെ അമ്മയെ കുറിച്ച് സോഷ്യൽ മീഡിയയിൽ വരുന്ന വാക്കുകൾ.

നീലത്താമര എന്ന സിനിമയിലെ കുഞ്ഞിമാളു ആയി വന്നിട്ടാണ് അംബിക മലയാള സിനിമയിൽ തന്റെ സ്ഥാനം ഉറപ്പിച്ചത്. തമിഴ്, തെലുഗു സിനിമകളിൽ എല്ലാം അംബിക തിളങ്ങി. അംബികയ്ക്ക് ഒപ്പം തന്നെ ഇളയമകളെയും സിനിമയിലെ താര റാണി ആക്കി സരസമ്മ.

ഇക്കഴിഞ്ഞദിവസം ആയിരുന്നു സരസമ്മയുടെ സംസ്കാരം നടക്കുന്നത്. എന്നാൽ ചില സദാചാരവാദികൾ അതിനെതിരെയും മോശം കമന്റുകൾ പങ്കുവച്ചെത്തി. സംസ്കാര വേളയിൽ അംബിക മേക്കപ്പ് ഇട്ടിരുന്നുവെന്നും ലിപ്സ്റ്റിക് ഇടാതെ ഇന്നൊരു ദിവസം നിന്നുകൂടെ എന്നുമാണ് കമന്റുകൾ. ,മാത്രമല്ല ഇതിനിടയിൽ അംബിക ആരാധകന്റെ ഒപ്പം സെൽഫി എടുത്തതിനെതിരെയും വിമർശനം വന്നു. എന്നാൽ ആ അവസരത്തിലും തന്റെ അടുത്തേക്ക് വന്ന ആളെ പരിഹസിക്കാതെ ആണ് അംബിക നിന്നത് എന്ന് ചിലർ ചൂണ്ടിക്കാണിക്കുന്നു. മക്കളെ എപ്പോഴും സുന്ദരികൾ ആയി കാണാൻ ആഗ്രഹിച്ച അമ്മക്ക് മുൻപിൽ അവർ അങ്ങനെ നിൽക്കുന്നതിൽ എന്ത് തെറ്റെന്നും സോഷ്യൽ മീഡിയ ചൂണ്ടികാണിച്ചു

രണ്ടുമാസം മുൻപേ ആണ് സരസമ്മയുടെ പിറന്നാൾ മക്കളും കൊച്ചുമക്കളും ആഘോഷം ആക്കുന്നത്. തീരെ അവശനിലയിൽ ആയിട്ടുപോലും ആ ആഘോഷങ്ങളിൽ മതിമറന്നുചിരിക്കുന്ന സരസമ്മയുടെ വീഡിയോ ഇപ്പോൾ സമൂഹ മാധ്യമങ്ങളിൽ നിറയുന്നുണ്ട്.

ALSO READ: ആരോടും പറയാതെ ഞാൻ സഹിച്ച നാളുകൾ! മറ്റൊരുവിവാഹം മോൾക്കും ഇഷ്ടമായിരുന്നില്ല; പക്ഷേ കോവിഡ് കാലം തിരിച്ചറിവുകളുടേത്
കേരളത്തിലും തമിഴ്നാട്ടിലും നിറയെ ഭൂസ്വത്തുക്കളും ഇതിനകം തന്നെ അമ്മ മക്കൾക്ക് വേണ്ടി വാങ്ങി വച്ചു. മക്കൾക്ക് മാത്രമല്ല, ചെറുമക്കളും സിനിമയിൽ എൻട്രി നടത്തി. അതിനെല്ലാം വഴിവച്ചത് കല്ലറ സരസമ്മ എന്ന കരുത്തുറ്റ സ്ത്രീ ആയിരുന്നു എന്നാണ് ആരാധകരുടെ വാക്കുകൾ.