ലുക്ക് കൊണ്ട് ​ഗുച്ചി ഫാഷൻ വീക്ക് കീഴടക്കി ബിടിഎസ്സിന്റെ ജിൻ; രാജകുമാരന് വഴിയൊരുക്കൂ!

Authored by: അശ്വിനി പി|Samayam Malayalam•24 Sept 2025, 3:46 pm

ഇറ്റലിയിൽ നടക്കുന്ന ഗുച്ചി ഫാഷൻ ഈവന്റിൽ ഇന്ത്യയിൽ നിന്നുള്ള പ്രമുഖ താരങ്ങളടക്കം എത്തിയ വിശേഷങ്ങൾ പുറത്തുവരാൻ തുടങ്ങിയതാണ്. ആലിയ ഭട്ടിന്റെ കില്ലിങ് ലുക്ക് ആരാധകർ എല്ലാം ഏറ്റെടുത്തു. ആലിയയെ കൂടാതെ ഹോളിവുഡിൽ നിന്നും മറ്റ് ഇന്റസ്ട്രികളിൽ നിന്നുമൊക്കെയായി ഗ്വിനെത്ത് പാൽട്രോ, അന്ന വിൻ‌ടൂർ, സെറീന വില്യംസ്, പാർക്ക് ഗ്യു യംഗ്, എലിയറ്റ് പേജ്, സോംഗ് വെയ്‌ലോംഗ്, ഡാവിക ഹൂർൺ എന്നിവരെ പോലുള്ള പ്രമുഖരും എത്തിയിരുന്നു

എന്നാൽ അതിൽ ആരാധകരെ ഏറ്റവും ആകർഷിച്ചതും വേറിട്ടു നിന്നതും ബിടിഎസ് താരം ജിന്നിന്റെ വരവാണ്. രാജകുമാരന് വേണ്ടി വഴിയൊരുക്കിയതുപോലുള്ള കാഴ്ചയാണ് പുറത്ത് വരുന്നത്. പലാസോ മെസ്സനോട്ടിൽ ഒരു രാജകുമാരനെ പോലെ ഗൂച്ചി സ്പ്രിംഗ് സമ്മർ 2026 ലേക്ക് എത്തിയ താരത്തെ കാണാൻ ആരാധകരുടെ തിക്കും തിരക്കും ആരവങ്ങളുമായിരുന്നു.

Also Read: സായി കുമാറുമായുള്ള വിവാഹത്തിന് ശേഷം മണി എന്നോട് മരണം വരെ മിണ്ടിയില്ല; ആ ബന്ധത്തെ കുറിച്ച് ബിന്ധു പണിക്കർ

പാട്ടിന്റെയും ഡാൻസിന്റെയും പേരിൽ മാത്രമല്ല, ഫാഷന്റെയും സ്റ്റൈലിന്റെയും കാര്യത്തിലും ഇന്നത്തെ ജനറേഷന് അത്രയേറെ പ്രചോദനമാണ് ബിടിഎസ് താരങ്ങൾ. അത് വീണ്ടും തെളിയിക്കുകയായിരുന്നു ഗുച്ചി ഫാഷൻ ഈവന്റിൽ ജിൻ . കാത്തു നിന്ന ആരാധകർക്ക് വളരെ സിംപിളായി കൈകൾ ഉയർത്തി അഭിസംബോധന ചെയ്ത താരത്തിന്റെ ചിത്രങ്ങൾ ഇപ്പോൾ വൈറലാണ്.

Also Read: വിനീതിനും ചിലത് പറയാനുണ്ട്! അച്ഛൻ കരം കണ്ടോ! നോബിൾ എങ്ങനെ നായകനായി! 'വിനീത് ജോമോൻ ഷാൻ ത്രയം' വീണ്ടും

വെള്ള ഷർട്ട് ആണ് ജിൻ ധരിച്ചിരുന്നത്, അതിന്റെ ബട്ടൺസ് പകുതിയോളം തുറന്നിട്ട രീതിയിലാണ് ഫാഷൻ ചെയ്തത്. കറുത്ത ലൂസ്-ഫിറ്റിംഗ് പാന്റും തിളങ്ങുന്ന കറുത്ത ഷൂസും അതിന് പെയറിങ് ചെയ്തു. ഷൂസിന് അനുയോജ്യമായ ഒരു കറുത്ത പഴ്സ് കൈയ്യിലുണ്ടായിരുന്നു, ഓരോ ചുവടുവയ്പ്പിലും ജിന്നിന്റെ ആ പ്രഭ ആരാധകരുടെ മനസ്സ് നിറച്ചു.

ഭംഗിയായി സ്റ്റൈൽ ചെയ്ത മുടിയും ലൈറ്റുകൾക്ക് കീഴിൽ തിളങ്ങുന്നുണ്ടായിരുന്നു, മുഖത്ത് കുറച്ച് ഇഴകൾ അഴിഞ്ഞു വീണതായി കാണപ്പെട്ടു. കുറഞ്ഞ മേക്കപ്പ്, തിളങ്ങുന്ന ചർമ്മം, പിങ്ക് നിറത്തിലുള്ള, ഏതാണ്ട് നോൺ-ഡി ലിപ് ഷേഡ് എന്നിവ മാത്രമിട്ടൊരു സിംപിൾ ലുക്കായിരുന്നു. ഒരു വലിയ ബക്കിൾഡ് ബെൽറ്റ്, ഒരു മാച്ചിംഗ് നെക്ലേസ്, റിംഗ് കോംബോ എന്നിവ മാത്രമേ ആക്സസറീസായി ധരിച്ചിട്ടുള്ളൂ. അത് തന്നെ ധാരാളം.