വയറ് വെട്ടിപ്പുളയുന്ന അവസ്ഥയിലും, കണ്ണീരോടെയാണെങ്കിലും അശ്വിന്‍ ദിയയ്ക്ക് വേണ്ടി അത് ചെയ്തു; ഒരു ഗര്‍ഭിണിയുടെ ആഗ്രഹമല്ലേ, സാധിച്ചു കൊടുത്തേ പറ്റൂ!

Authored byഅശ്വിനി പി | Samayam Malayalam | Updated: 3 May 2025, 2:43 pm

ദിയ കൃഷ്ണ - അശ്വിന്‍ കോമ്പോ ഓരോ ദിവസം കഴുയുന്തോറും പ്രേക്ഷകര്‍ക്ക് കൂടുതല്‍ പ്രിയങ്കരരായിക്കൊണ്ടിരിയ്ക്കുകയാണ്. ദിയയ്ക്ക് വേണ്ടി അശ്വിന്‍ ചെയ്യുന്ന ഓരോ കാര്യങ്ങളും, അശ്വിന്റെ കാര്യത്തില്‍ ദിയ ശ്രദ്ധിയ്ക്കുന്ന കാര്യങ്ങളാണെങ്കിലും ഓരോന്നും ആരാധകര്‍ എടുത്ത് പറഞ്ഞ് പ്രശംസിക്കുന്നു. ദിയയുടെ ഗര്‍ഭകാലം ഇപ്പോള്‍ കുടുംബവും ആഘോഷിക്കുകയാണ്.

നിലവില്‍ അശ്വിനൊപ്പം അശ്വിന്റെ വീട്ടിലാണ് ദിയ. അവിടെയുള്ള വിശേഷങ്ങള്‍ എല്ലാം കഴിഞ്ഞ വീഡിയോകളില്‍ പങ്കുവച്ചിരുന്നു. ഇപ്പോഴിതാ ദിയയ്ക്ക് വേണ്ടി അശ്വിനും സഹോദരങ്ങളും ഏറ്റെടുത്ത ചാലഞ്ച് ആണ് പുതിയ വീഡിയോ.

Also Read: ഞാനാണ് മൂത്ത മകള്‍, അച്ഛന്റെ ഈ സമ്പാദ്യം എല്ലാം എനിക്ക് തരണം, മിട്ടുവിന് കൊടുക്കരുത് എന്ന് ഗോപിക; അമ്മായിയച്ഛന്റെ രഹസ്യ കലവറ കണ്ട് ഞെട്ടി ജിപി

യൂട്യൂബേഴ്‌സില്‍ ഭൂരിഭാഗം ആളുകളും ചെയ്തിട്ടുള്ള ജോളോ ചിപ്‌സ് ചാലഞ്ച്! അശ്വിന്റെ സഹോദരന്റെ ഐഡിയാണ് ഈ ചാലഞ്ച് നടത്താം എന്നത്. ഗര്‍ഭിണിയായത് കാരണം ദിയയ്ക്ക് കഴിക്കാന്‍ പറ്റില്ല. എന്നാല്‍ നേരത്തെ ദിയ ഇത് കഴിച്ചിട്ടുണ്ട്, വയറ് പുറത്ത് വരുന്ന അത്രയും എരിവ് സഹിച്ചുകൊണ്ട് വേണം ഈ ചാലഞ്ച് നടത്താന്‍. അശ്വിനും മാഹിനും റിഷാനും ചേര്‍ന്നാണ് ചാലഞ്ച് നടത്തിയത്. റിഷാനാണ് ഇങ്ങനെ ഒരു ചാലഞ്ച് നടത്താം എന്ന് പറഞ്ഞതും.

Also Read: ആ സന്തോഷമുള്ള കാര്യം പറയാനുള്ള ത്രില്ലിലാണ് ഞാന്‍; ജീവിതത്തിലെ പുതിയ തുടക്കത്തെ കുറിച്ച് വീണ നായര്‍

ഐസ്‌ക്രീം എല്ലാം സെറ്റ് ചെയ്ത് വച്ച് മൂന്ന് പേരും ജോളോ ചിപ്‌സ് കഴിച്ചു. ആദ്യം മത്സരത്തില്‍ നിന്ന് പിന്മാറിയത് അശ്വിനാണ്. പിന്നാലെ റിഷാനും പിന്മാറി. മാഹിന്‍ വിജയിച്ചു. പിന്നെ മൂവര്‍ക്കും നിക്കക്കള്ളി ഇല്ലാത്ത അവസ്ഥയായിരുന്നു. പത്ത് സെക്കന്റ് കഴിയുമ്പോഴേക്കും പുകയാന്‍ തുടങ്ങി എന്നാണ് അശ്വിന്‍ പറഞ്ഞത്. ചുണ്ട് മുതല്‍ തൊണ്ടയും നെഞ്ചും എല്ലാം പുകഞ്ഞു. വയറ് വെട്ടിപ്പുളയുന്ന അവസ്ഥയായിരുന്നുവത്രെ.


കണ്ണില്‍ നിന്ന് വെള്ളം വരുന്ന അവസ്ഥയിലും ഭാര്യയ്ക്ക് വേണ്ടി ചെയ്ത ചാലഞ്ചില്‍ അശ്വിന്‍ പിടിച്ചു നിന്നു. ഒരു ഗര്‍ഭിണിയുടെ ആഗ്രഹമല്ലേ, സാധിച്ചുകൊടുത്തേ പറ്റൂ എന്ന് ആരാധകര്‍ കമന്റില്‍ പറയുന്നു. ഒരു എക്‌സ്പീരിയന്‍സിന് വേണ്ടിയാണെങ്കില്‍ പോലും ഈ ചാലഞ്ച് ചെയ്യാന്‍ ആര്‍ക്കും റെക്കമന്റ് ചെയ്യില്ല എന്ന് അശ്വിന്‍ പറയുന്നു. പക്ഷേ മാഹിനും റിഷാനും ഒരു തവണ ഇനിയും കഴിക്കുന്നതില്‍ പ്രശ്‌നമില്ലെന്നാണ് പറഞ്ഞത്.