വിനായകും സന്തോഷത്തിലാണ് ആഘോഷത്തിലും! ഇനി കാത്തിരിപ്പിന്റെ നാളുകൾ; മൂന്നാം പതിപ്പിലും ഭാഗം; പാക്കപ്പ്

Authored by: ഋതു നായർ|Samayam Malayalam•3 Dec 2025, 7:42 am

ദൃശ്യം 3 ന്റെ ചിത്രീകരണം ഇക്കഴിഞ്ഞദിവസമാണ് പൂർത്തിയായത്. ജീത്തു ജോസഫ് സംവിധാനം ചെയ്യുന്ന ചിത്രത്തിൽ മോഹൻലാൽ വീണ്ടും ജോർജ്ജ്കുട്ടി എന്ന കഥാപാത്രത്തെ അവതരിപ്പിച്ച് എത്തും. അദ്ദേഹത്തോടൊപ്പം, മീന, സിദ്ദിഖ്, അൻസിബ ഹസ്സൻ, എസ്തർ അനിൽ എന്നിവരും ആദ്യ രണ്ട് ഭാഗങ്ങളിൽ അഭിനയിച്ച കഥാപാത്രങ്ങളെ വീണ്ടും അവതരിപ്പിക്കും.ഇതിനു ഒപ്പം എടുത്തുപറയേണ്ട മറ്റൊരു കാര്യം ഈ മൂന്നു സിനിമയുടെയും എഡിറ്ററുടെ പേരാണ് വിനായക്.

വിനായക് ആണ് മൂന്നാം പതിപ്പിന്റെയും എഡിറ്റർ. ആ സന്തോഷം പറഞ്ഞാൽ വിനായകിന് തീരില്ല. അദ്ദേഹം സോഷ്യൽ മീഡിയ പോസ്റ്റിലൂടെയാണ് സന്തോഷം പങ്കുവച്ചത്. മിനിസ്ക്രീൻ നായികാ ഹരിത നായരുടെ ഭർത്താവ് കൂടിയായ വിനായക് ഷൂട്ടിങ് തിരക്കിൽ ആയിരുന്നു ഏറെക്കാലമായി ഇനി ദൃശ്യം മൂന്ന് പ്രേക്ഷകരിലേക്ക് എത്തിക്കാൻ ഉള്ള കാത്തിരിപ്പിലും.

രണ്ടാം ഭാഗത്തിൽ പോലീസ് ഓഫീസർമാരായി അഭിനയിച്ച മുരളി ഗോപി, കെ.ബി. ഗണേഷ് കുമാർ എന്നിവരും ദൃശ്യം 3 ലും എത്തുന്നുണ്ട് എന്ന സന്തോഷവും ആരാധകർക്ക് ഉണ്ട്.

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ദൃശ്യം 3 നിർമ്മിക്കുന്നത്. അടുത്തിടെ, ദൃശ്യം ഫ്രാഞ്ചൈസിയുടെ ഹിന്ദി പതിപ്പിനെ പിന്തുണയ്ക്കുന്ന പ്രൊഡക്ഷൻ ഹൗസായ പനോരമ സ്റ്റുഡിയോസ് മലയാള ചിത്രത്തിന്റെ തിയേറ്റർ, ഓവർസീസ്, ഡിജിറ്റൽ അവകാശങ്ങൾ സ്വന്തമാക്കിയിരുന്നു. കണക്കുകൾ ഇതുവരെ ഔദ്യോഗികമായി വെളിപ്പെടുത്തിയിട്ടില്ലെങ്കിലും, ഒരു മലയാള ചിത്രത്തിനായി ഒപ്പുവച്ച ഏറ്റവും വലിയ കരാറാണിതെന്ന് റിപ്പോർട്ടുണ്ട്.

അതേസമയം ഒരു നീണ്ട ഇടവേളയ്ക്ക് ശേഷം മമ്മൂട്ടിയുമായി വീണ്ടും ഒന്നിക്കുന്ന മൾട്ടിസ്റ്റാർ ചിത്രമായ പാട്രിയറ്റിലും മോഹൻലാൽ ഭാഗമാണ്. മഹേഷ് നാരായണൻ സംവിധാനം ചെയ്യുന്ന ഈ സ്പൈ ത്രില്ലറിൽ ഫഹദ് ഫാസിൽ, കുഞ്ചാക്കോ ബോബൻ, നയൻതാര എന്നിവരും അഭിനയിക്കുന്നുണ്ട്.

മകൾ വിസ്മയയുടെ അരങ്ങേറ്റ ചിത്രമായ തുറക്കത്തിലും മോഹൻലാൽ ഒരു അതിഥി വേഷം ചെയ്യുന്നുണ്ട്. കൂടാതെ, തുടരും സംവിധായകൻ തരുൺ മൂർത്തിക്കൊപ്പം രണ്ട് സിനിമകളും അദ്ദേഹം സ്ഥിരീകരിച്ചു. ക്രിസ്മസ് റിലീസിനായി നിശ്ചയിച്ചിരിക്കുന്ന ബഹുഭാഷാ ഡ്രാമ ഫാന്റസി ജോണറിൽ എത്തുന്ന നാടകമായ വൃഷഭയിലും താരം ഭാഗമാണ്.