വീണ്ടും സുന്ദരൻ ആയെന്നോ! 74 വയസ് അതിശയിക്കണ്ട; പപ്പായ എന്നും വേണം; മീൻ വറുത്തത് വേണ്ട കറി വേണം; പുട്ടും ദോശയും ഏറെ ഇഷ്ടം

Authored by: ഋതു നായർ|Samayam Malayalam•4 Dec 2025, 7:13 am

ഇക്കഴിഞ്ഞദിവസം തന്റെ പുത്തൻ സിനിമ കളങ്കാവലിന്റെ പ്രമോഷന്റെ ഭാഗമായി മമ്മൂട്ടി എത്തുന്ന ഒരു വരവ് ഉണ്ട്. പൊന്നോ ഒരു രക്ഷയും ഇല്ല, ഇങ്ങേരിത് എന്നാ ഭാവിച്ചാണ്. 74 വയസ് ആയെന്ന വല്ല വിചാരവും ഉണ്ടോ എന്നായി ന്യൂ ജെൻ പിള്ളേർ പോലും പറയുന്നത്. സോഷ്യൽ മീഡിയയിൽ രാഹുൽ മാങ്കൂട്ടത്തിന്റെയും, രാഹുൽ ഈശ്വറിന്റെയും വാർത്തകൾ ഇങ്ങനെ മാറിമാറി ചാനലുകൾ പബ്ലീഷ് ചെയ്യുന്നതിന്റെ ഇടയിലാണ് മമ്മുക്കയുടെ മാസ് വരവും ചുള്ളൻ ലുക്കും ആരാധകർ ഏറ്റെടുത്തിരിക്കുന്നത്.

ഈ എഴുപത്തിനാലാം വയസിലും ഒന്നുകൂടി സുന്ദരൻ ആയെങ്കിൽ അതിശയിക്കണ്ട. ഈ 74 കാരൻ പാലിച്ചുപോരുന്നത് കൃത്യമായ ആരോഗ്യശാലിയും ലൈഫ് സ്റ്റൈലും ആണ്.

ഫിറ്റ്നെസിന്റെ കാര്യത്തിൽ അതീവശ്രദ്ധാലു ആണ് മമ്മുക്ക. അത് ആരോഗ്യ പ്രശ്നങ്ങൾ അലട്ടിയപ്പോൾ അതിൽ നിന്നെല്ലാം മോചിതൻ ആകും മുൻപേ തന്നെ ചെയ്യാൻ കഴിയുന്ന ഡയറ്റും വർക്ക് ഔട്ടും അദ്ദേഹം ഫോളോ ചെയ്തിരുന്നു.

സാധാരണ നാടൻ ഭക്ഷണം ആണ് അദ്ദേഹത്തിന് ഏറെയിഷ്ടം.

മീൻ വറുത്തത് ഇഷ്ടം ആണെങ്കിലും ഒരിക്കലും വറുത്തെടുത്ത മീൻ കഴിക്കാൻ അദ്ദേഹത്തിന് മനസ് വരാറില്ല. മീൻ കറി കൂട്ടി ചോറ് കഴിക്കാനും പുട്ടും ദോശയും ഒക്കെ കഴിക്കാൻ ഇഷ്ടമാണ്. എല്ലാം ലിമിറ്റ് വച്ചാണ് കഴിക്കുന്നത് എന്നുമാത്രം. ആത്മനിയന്ത്രണം ഭക്ഷണത്തിന്റെ കാര്യത്തിൽ അദ്ദേഹത്തിന് നിർബന്ധം ആണ്.

പരമ്പരാഗത ഭക്ഷണരീതികളാണ് ഇഷ്ടം എങ്കിലും മില്ലറ്റ്, മുളപ്പിച്ച പയർ വർഗ്ഗങ്ങൾ ഓട്സ് അല്ലെങ്കിൽ ഗോതമ്പ് അടിസ്ഥാനമാക്കിയുള്ള പുട്ട്, ദോശ എന്നിവയോടൊപ്പം തേങ്ങ അരച്ച കറികളും അദ്ദേഹത്തിന് ഏറെ പ്രിയപ്പെട്ടതാണ്. മത്സ്യം ആണ് ഏറെ ഇഷ്ടം. അരി ഭക്ഷണം അധികം കഴിക്കാറില്ല, അതേപോലെ അനാരോഗ്യകരമായ ലഘുഭക്ഷണങ്ങൾ എന്നേക്കും ആയി ഒഴിവാക്കിയിട്ടും ഉണ്ട്. പിന്നെ അദ്ദേഹം ഏറ്റവും കൂടുതൽ ശ്രദ്ധിക്കുന്നത് ശരീരം ഹൈഡ്രേറ്റഡ് ആയി ഇരിക്കാൻ ആണ്.

ALSO READ: കഴുത്തിൽ കിടക്കുന്നത് 3 ലക്ഷം രൂപയുടെ ഡയമണ്ട് ആഭരണം! ചെമ്മണ്ണൂർ ജ്വല്ലറിയിൽ നിന്നും രേണുവിന് കിട്ടിയതാണോ ഇത്; വാസ്തവം

പഴവർഗ്ഗങ്ങൾ കഴിക്കാൻ ഇഷ്ടപെടുന്ന മമ്മുക്കക്ക് പപ്പായ ആണ് ഏറെ ഇഷ്ടം. എന്നും കിട്ടിയാൽ അത്രയും സന്തോഷം. വീട്ടിൽ നിന്നും മാറിയാൽ അദ്ദേഹത്തിന് ഒപ്പം പേഴ്സണൽ ഷെഫ് ഉണ്ടാകും. ഇനി വീട്ടിൽ ആണെങ്കിൽ പ്രിയതമ സുലു ഉണ്ടാക്കുന്ന സ്‌പെഷ്യൽ ഫുഡ് ഏറെ ആസ്വദിക്കും.