വൈറൽ അകാൻ വേണ്ടി ഗർഭിണി ആണെന്ന് പറയേണ്ട കാര്യമില്ല; കാട്ടികൂട്ടലുകൾക്ക് തനിക്ക് താത്പര്യമില്ലെന്ന് റിയ

കാട്ടികൂട്ടലുകൾക്ക് തനിക്ക് താത്പര്യമില്ലെന്ന് റിയ ഐഷ . കഴിവുകൊണ്ട് അംഗീകരിക്കപ്പെട്ടാൽ അതിനു സ്ഥിരത ഉണ്ടാകും, അല്ലാത്തത് ഒക്കെയും ഈയാം പാറ്റകളെ പോലെയാണെന്നും റിയ പറയുന്നു. ട്രാൻസ് സമൂഹത്തിനു മുൻപിൽ ഇന്ന് തലയെടുപ്പോടെ നിൽക്കുന്ന റിയക്ക് മേൽവിലാസങ്ങൾ ഏറെയുണ്ട് . നടിയും ട്രാൻസ്ജെൻഡറുമായ റിയ ഈഷ ഈ ചുരുങ്ങിയ പ്രായത്തിനിടയിൽ സ്വന്തമാക്കിയത് നിരവധി നേട്ടങ്ങളാണ്. തന്നെ അവഗണിച്ചവരുടെ മുഖത്തേറ്റ അടിപോലെ ആയിരുന്നു റിയയുടെ ഓരോ വളർച്ചയും. അടിനാശം വെള്ളപൊക്കത്തിന്റെ പ്രമോഷന്റെ ഭാഗമായി എത്തിയ റിയയുടെ പ്രതികരണം

കൊടുക്കുന്നത് തിരിച്ചുകിട്ടും എന്ന് പ്രതീക്ഷിക്കുന്ന ഒരാൾ ആണ് ഞാൻ. എവിടെ പോയാലും എനിക്ക് റെസ്‌പെക്ട് കിട്ടുന്നുണ്ട്. അത് ഞാൻ കൊടുക്കുന്നത് ആണ് എനിക്ക് കിട്ടുന്നത്. മറ്റുള്ളവർ ചെയ്യുന്നത് നമ്മൾ കൂടി അനുഭവിക്കും എന്നൊന്നും എനിക്ക് തോന്നുന്നില്ല, ഞാൻ കൊടുക്കുന്നത് എനിക്ക് കിട്ടും എന്നാണ് എന്റെ വിശ്വാസവും.

സോഷ്യൽ മീഡിയിൽ വൈറൽ ആകാൻ വേണ്ടി ഞാൻ ഗർഭിണി ആണ്, എനിക്ക് ഇപ്പോൾ ഇങ്ങനെ ആണ് അങ്ങനെ ആണ് എന്നൊക്കെ പറയാം. അത് കുറച്ചുനാൾ ആളുകളുടെ ശ്രദ്ധ പിടിച്ചു പറ്റാൻ വേണ്ടി ചെയ്യുന്നതാണ്, അത് അങ്ങനെ അല്ല വേണ്ടുന്നത്., നമുക്ക് കഴിവുണ്ടെങ്കിൽ നമ്മൾ ഇന്ന് അല്ലെങ്കിൽ നാളെ അംഗീകരിക്കപ്പെടും, അല്ലാത്തത്തിന് ഒന്നും നിലനിൽപ്പില്ല. അത് ഈയാം പാറ്റകളെ പോലെയാണ്. അത് പെട്ടെന്ന് വരും പോകും;

ഞാൻ കഴിഞ്ഞകുറെ വർഷങ്ങൾ ആയി അഭിനയമേഖലയിൽ സജീവം ആണ്, പക്ഷേ എന്നെ അധികം അറിയുന്നതിനെക്കാൾ ഉടായിപ്പ് കാണിച്ചു വരുന്ന ആളുകൾക്ക് കാഴ്ചക്കാർ ഏറെയുണ്ട്. എനിക്ക് മുപ്പത് കെ ഉള്ള ഇടത്ത് അവർക്ക് ഒരുപക്ഷേ മില്യൺ കാഴ്ചക്കാർ ഉണ്ടാകും. പക്ഷേ എനിക്ക് എന്റെ കഴിവിൽ വിശ്വാസം ഉണ്ട്, ആ കഴിവിനെ അംഗീകരിക്കുന്നതുമതി എനിക്ക്. അത് അൽപ്പം വൈകിയാലും സാരമില്ല, പക്ഷേ കാട്ടിക്കൂട്ടലുകൾക്ക് എനിക്ക് താത്പര്യമില്ല. നടിയും ട്രാൻസ്‌വുമൺ കൂടിയായ റിയ പറയുന്നു.

ALSOREAD : പൊന്നിന്കുടവും മറ്റുനേർച്ചകളും നടത്തി! ദൈവത്തിന്റെ കരുണയാണ്, തെറ്റ് ചെയ്തിട്ടില്ല എന്ന ഉത്തമ ബോധ്യം; ഫാൻസിന്റെ സപ്പോർട്ട് ദിലീപിന്

ഇപ്പോൾ നിരവധി സിനിമ സീരിയലുകളിൽ ഭാഗമാണ് റിയ.

മലപ്പുറം ജില്ലയിലെ കാളികാവിൽ ജനിച്ച റിയ അവനിൽ നിന്നും അവളായ വ്യക്തിയാണ്. ഒൻപതു മക്കളിൽ ഇളയവളായിട്ടാണ് റിയ ജനിക്കുന്നത്. ബെംഗളൂരുവിൽ നിന്നും ഫാഷൻ ഡിസൈനിങ്ങിൽ ബിരുദം നേടിയ റിയ 2015ൽ ആണ് സ്വത്വം വെളിപ്പെടുത്തി വീട്ടിൽനിന്ന് ഇറങ്ങിയതും തന്റെ സ്വപ്നങ്ങൾക്ക് പിന്നാലെ സഞ്ചരിക്കുന്നതും. സ്വന്തം കഷ്ടപാടുകളിലൂടെയും ബുദ്ധിമുട്ടുകളിലൂടെയും ആണ് ഇന്ന് കാണുന്ന റിയ ആയി താരം മാറുന്നത്.